Amigos e amigas que ledes o Intres, diríxome a vós xa que quero expoñer o que sinto por esas e eses homes e mulleres que son maltratados/as. Cando vexo a televisión e escoito o telexornal, sempre ou case sempre hai algunha persoa que é maltratada, ou algunha que xa mataron. A min iso non me parece lóxico, pegarlle a unha persoa non é bonito, todo o contrario. O que peor me parece é que despois de pegar piden perdón e son perdoados, e iso non podería ser, terían que probar a súa mesma menciña.
Amiguiños e amiguiñas, aínda que un home lle pegue a unha muller, non quero dicir que sexa máis home, senón todo o contrario, sería un "galiña"; unha persoa que pega ou ameaza a alguén de morte é porque ten medo de algo, porque non sabe que iso pode chegar a ser unha enfermidade.
Eu digo unha cousa: "falando, enténdese a xente", e ese refrán xa é moi vello, así que se algunha vez lle tedes que pegar a alguén, pensádeo dúas veces, pensade que falando só podedes chegar ó enfado; se golpeades, golpeamos ou golpean, podemos chegar a cousas peores, aí teriamos un bo problema, así que, amigos e amigas, non fagades como fan algúns, mirade se o problema ten algunha solución que non sexa tan drástica, porque penso que a ninguén lle gusta que lle peguen, ou que nos peguen.
Poñédevos no lugar desas mulleres por un momento, sería moi difícil superar que unha persoa que vive contigo está día e noite bourando en ti por unha tontería, como pasa ás veces.
O dito, amigos e amigas, pensade dúas veces o que ides facer, que falando ben enténdense as cousas, e se non, pasar do problema e xa está.

Cristina Fernández Carnero. 1º BAC-B