Hai historias que terminan e esta é unha delas. Imos comezar polo principio. Unha señora de Nixeria que se fixo famosa por ser condenada a morte por lapidación, é dicir, queríana matar a pedradas por ter un fillo cando xa estaba divorciada. O seu calvario comezou cando xa tiña 31 anos e era nai de catro fillos. Foi condenada polo tribunal en marzo, pero este enganouse, porque non lle permitiu retractarse das súas confesións durante o xuízo, segundo indicou o xuíz Ibrahim Maingua. A avogada de Amina Lawal centrou a súa defensa baseándose nos feitos e o procedemento. Tamén alegou que a nena Wasila, nacida hai dous anos despois da súa separación, foi concebida antes da entrada en vigor da Sharia no estado de Kalsina e que o embrión foi o resultado dun posible "embrión durmente" (fenómeno recoñecido pola lei islámica) fecundado mentras estaba aínda casada. Amina enfrontouse soa á acusación, pois o seu compañeiro sentimental negou de forma rotunda ser o pai da criatura. Amina foi absolta o 25 de setembro de 2003. O mérito todo da súa salvación téñeno as asociacións pro dereitos humanos encabezada por Amnistía Internacional, que conseguiron preto de 9.600.000 firmas para o caso de Amina. Aínda quedan moitas mulleres condenadas inxustamente, como é o caso da cidadá Yemení Laila Radman que foi acusada igual que Amina a ser condenada por lapidación. Entre todos temos que procurar que estas condenas inxustas se terminen e as mulleres e homes teñan os mesmos dereitos para facer un mundo mellor.
A nós parécenos moi ben que a xente salve (por Internet) a persoas que non teñen por que ser asasinadas. Amina non tivo a culpa de estar embarazada, ela non o sabía e despois de estar embarazada ela pode estar con outro home; aínda así, ela quixo ter o seu fillo, por iso non a tiñan que matar e menos desa forma tan cruel. A xente tiña que ser libre. Que teña un fillo non lle molesta a ninguén, iso non ten nada de malo. Hai xente que fai cousas peores e só a meten no cárcere.
Estamos en contra da lei esta de Nixeria onde de que "o feito é suficiente para ser declarada culpable", esa lei é moi absurda, xa que non ten sentido que ter un fillo fóra do matrimonio sexa motivo para matar a unha persoa enterrándoa pola cintura e tirándolle pedras ata matala.
Estamos contentos por poder salvar a Amina, e esperamos que este feito non se volva repetir, aínda que queda moita xente na situación de Amina, só queremos dicir unha cousa: "Viva a liberdade".

NURIA MEJUTO FERNÁNDEZ
VANESSA TABOADA VÁZQUEZ
2º ESO-D