Arredor do ano 1950, un conxunto de amigos e veciños todos de Melide, disfrazáronse e saíron a cantar un martes de Entroido. Así comezou o Coro Aires de Melide que naceu das xuntanzas na xastrería de Secundino do Chocolateiro. Logo viñeron os ensaios, cantigas, teatro, ..., e días de éxito.
Polo ano 55, o Coro xa era unha realidade. O mecenas do coro era D. Manuel
"o americano" e o mestre Moncho Rúa e a súa dona. Este Coro fixo entrañables actuacións de canto e de representación teatral no cine Capitol na década dos 50, das que quedou no pobo unha agarimosa e feliz lembranza.
O coro foi artífice da normalización lingüística daquel tempo, con toda a súa obra en galego.