Antigo mercado de froito de Melide, situado detrás da Obra Pía de San Antón que fora fundada polo Arcebispo D. Mateo de Segade Bugueiro no século XVII.
No ano 1860, o Pazo foi mercado polo Concello, onde está hoxe instalado, e o curro do Pazo foi transformado en Praza do mercado do froito: trigo, centeo, landras, castañas,...
O curro estaba cercado de muro de pedra e o seu lateral tiña un alpendre con columnas onde se ataban as cabalerías dos tratantes. A esta praza bautizouse co nome de "Alhóndiga", nome árabe que vén a significar lugar do mercado do froito.
Esta "Alhóndiga" era un lugar moi popular en Melide, tanto como mercado como escola de nenos, por ser lugar de xogos da billarda, da panda, da pelota, ou como lugar para a matanza dos porcos.
Nos anos 70 foi transformada e edificouse unha praza de abastos e unha rúa, tal e como se pode ver hoxe, sufrindo unha transformación total e quedando só o nome desa nova rúa "Rúa da Alhóndiga"