Nace en Toiriz (As Cruces). Foi crego, profesor de música do Seminario menor de Lugo e director da "Schola Cantorum" á que promoveu chegando a 128 voces mixtas, interpretando a mellor música polifónica clásica.
Compositor de numerosas obras polifónicas en latín de tipo relixioso, é autor da primeira misa en lingua castelá que se cantou en España (1957).
Durante moitos anos impartiu clases de relixión e de grego no Instituto de Melide.
Foi director da Coral de Arzúa e Melide durante moitos anos.