A Capela é o nome popular co que se coñece o famoso mosteiro benedictino de San Antolín de Toques. Esta igrexa é considerada a primeira obra do estilo románico galego.
Hoxe é a Parroquial de Santa María da Capela, aínda que a súa historia remóntase ó ano 1067, na doazón do rei Don García, pero algúns autores afirman que a igrexa é máis antiga. San Antolín segue sendo unha incógnita para acadar unha datación definitiva.
No interior dela consérvase O Calvario, obra da imaxinería tardorrománica e peza moi importante e única no patrimonio galego.
As paredes teñen tamén pinturas murais do século XV. As ruínas das dependencias do mosteiro conservan a memoria histórica. Posteriormente foi reutilizada como fábrica de arames e cravos.
A súa recuperación é unha obriga co Patrimonio Galego.