Naceu en San Martiño de Oroso en 1843. Nos primeiros anos da súa infancia trasladouse a Melide, onde iniciou os estudios na escola pública para continualos, máis tarde, no Instituto de Lugo e na Universidade de Santiago onde se licenciou en Medicina.
Traballou como médico na comarca melidense e chegou a coñecer palmo a palmo e a estudiar en profundidade os seus restos arqueolóxicos e históricos. Publicou algúns traballos no Boletín da Real Academia. Morreu en Melide o 28 de decembro de 1913 e tiña xa reunida unha interesante colección de libros e manuscritos.