O rei García I foi rei de Galicia. Naceu polo ano 1045 e era o fillo menor de Fernando I e Sancha de León. Fernando I era rei de Castela, León e Galicia pero á súa morte, os tres Reinos da Coroa separáronse e en Galicia reinou o seu fillo García. Os seus irmáns maiores eran Urraca, Sancho II, Elvira e Alfonso VI.
Pola súa condición de fillo menor e pola grande personalidade dos seus irmáns, herdou un complexo de entrega, de submisión, de desconfianza e de necesidade de apoio nos demais. Tiña 20 anos cando foi proclamado rei de Galicia e foi destronado no ano 1072 polo seu irmán Afonso de León que volve unir os tres reinos.
O rei García morreu en prisión no 1090. No epitafio da súa tumba en San Isidoro de León pode lerse:
"Aquí descansa don García, rei de Portugal e de Galicia, fillo do gran rei Fernando; capturado con astucia polo seu irmán, morreu en prisión".