Xoán Varela Fondevila naceu na parroquia melidense de Folladela. A súa casa natal é o Pazo de Figueiras que conta con pombal, capela e escudos. Fundou en Folladela a segunda escola da comarca.
Varela Fondevila foi bispo auxiliar de Santiago no século XVIII. Familiares de Varela Fondevila tiveron pazo en Compostela sito nas Casas Reais, coñecido como o Pazo de Fondevila, nome dado por Don Pedro Varela Fondevila, irmán do noso protagonista e que ademais foi alcalde de Santiago de Compostela.
Na Casa das Figueiras de Folladela, chama a atención un escudo no que se observa a coroa real e sobre ela o Capelo episcopal con sombreiro de tres borlas e unha cruz que semella a de Carlos III. É un escudo grande e ben labrado aínda que algo erosionado pola invernía.
Varela Fondevila morreu no ano 1785 e está soterrado na catedral de Santiago.