O Regulamento de Réxime Interno diríxese á Comunidade Escolar e pretende regular o funcionamento interno do IES de Melide baseándose no respecto dos dereitos e liberdades fundamentais dentro dos principios democráticos, e procurando a adquisición de hábitos intelectuais no marco dunha actitude humanística.

Son fins do presente RRI:

a. Precisar de forma clara os dereitos e deberes dos membros da Comunidade Escolar e establecer as normas de convivencia no Centro.

b. Dotar o Centro de marcos de referencia para a súa organización e funcionamento.

c. Estructurar, definir e repartir responsabilidades.

d. Establecer e desenvolver os mecanismos de participación de todos os membros da Comunidade Educativa.

1. A Comunidade Escolar está formada por alumnos/as, profesores/as, pais/nais ou titores/as, Persoal Non Docente, representante do Concello, asociacións do alumnado e asociacións de pais/nais do alumnado.

2. Todos os membros do Centro están obrigados a coñecer este Regulamento. O seu descoñecemento non exime do seu cumprimento.

3. Correspóndelle ó Equipo Directivo cumprir e facer cumprir este Regulamento. O Claustro do Profesorado e o Consello Escolar velarán para que isto suceda.

4. Prohíbense terminantemente os castigos físicos e humillantes, así como calquera manifestación de violencia e coacción física ou moral, as ameazas e os insultos persoais.

5. Todos os membros da Comunidade Escolar deberán respectar a liberdade de conciencia, as conviccións relixiosas e morais, a dignidade e a intimidade dos demais.

6. Ningún membro da Comunidade Educativa poderá discriminar ós demais por razón de nacemento, raza, sexo ou por calquera outra circunstancia.

7. Todos os membros da Comunidade Escolar deberán utilizar as canles establecidas pola normativa vixente e por este Regulamento para solucionar os problemas que se presenten.

8. Queda garantida a liberdade de reunión e expresión dentro das canles establecidas neste RRI.

9. As normas superiores que vertebran este Regulamento son o Real Decreto 732/1995 de 5 Maio (B.O.E. do 2 de Xuño de 1995) e o Decreto 324/1996 de 26 de Xulio (D.O.G. do 9 de Agosto de 1996).

O proceso docente aspira a:

a. O desenvolvemento da capacidade crítica e participativa dos seus protagonistas, como suxeitos activos dunha comunidade implicada na cultura dos valores propios e universais.

b. Respectar os dereitos e deberes baseados na convivencia e nas liberdades.

c. Participar activa e criticamente na vida social e educativa.

d. Educar para a paz, a cooperación e a solidariedade.

e. Respectar e conservar o medio.

Órganos de representación Contidos

Todos os membros da Comunidade Escolar teñen o dereito a participar no funcionamento do Centro tal e como dispoñan as leis vixentes e o presente Regulamento. Tal participación desenvolverase, primordialmente, a través dos distintos órganos de representación de cada estamento e centrarase naqueles aspectos que afecten ós distintos colectivos de xeito directo ou ó funcionamento do Centro en xeral.

Consello Escolar Contidos

a. O Consello Escolar organizarase en Comisións que traballarán sobre aspectos específicos da súa competencia. Haberá alomenos as seguintes Comisións:

o Comisión de Convivencia.

o Comisión Económica.

o Comisión de Actividades.

a. Na sesión constitutiva asignaranse as funcións de cada Comisión.

b. Cada Comisión estará presidida por un membro do Equipo Directivo e haberá algún membro de cada sector representado, agás o Persoal Non Docente e o do Concello, que pertencerán obrigatoriamente á Comisión Económica.

c. A Comisión de Convivencia encargarase de velar polo cumprimento e interpretación do presente Regulamento. Estará integrada polo Director/a, o Xefe/a de Estudios, dous/dúas profesores/as, dous/dúas alumnos/as e un pai/nai ou titor/a legal. Esta Comisión deberá reunirse alomenos unha vez ó trimestre, ademais das reunións extraordinarias que foren precisas.

d. A Comisión Económica estará composta polo Director/a, Secretario/a, un representante do profesorado, un representante dos pais/nais, un representante dos alumnos/as, o representante do Concello e o representante do Persoal Non Docente.

e. A Comisión de Actividades estará formada polo Director/a, Vicedirector/a, un representante do profesorado, un representante dos pais/nais e un representante do alumnado.

a. A Dirección comunicaralles ós representantes e ás asociacións dos distintos estamentos a súa decisión de convocar as reunións ordinarias cunha antelación mínima de cinco días hábiles. A partir desta comunicación os representantes poderán solicitar, durante dous días, a inclusión de temas do seu interese na correspondente Orde do Día.

b. Antes da celebración de reunións do Consello Escolar informarase ós colectivos representados da Orde do Día para a contribución de suxestións e informar do sentir xeral dos distintos representantes.

c. Despois de cada reunión de Consello Escolar realizaranse, se é do caso, reunións dos distintos colectivos representados para informar dos acordos acadados.

d. A Dirección moderará as intervencións dos distintos representantes.

e. As votacións realizaranse mediante sufraxio secreto, agás no caso de que, a proposta de calquera dos seus membros, todos os presentes estean de acordo en pronunciarse a man alzada.

f. Os membros do Consello Escolar deben gardar secreto sobre os asuntos tratados diante das persoas alleas ó Centro.

Claustro do Profesorado Contidos

A Dirección comunicaralles ós/ás Xefes/as de Departamento a decisión de convocar as reunións ordinarias cunha antelación mínima de cinco días hábiles. A partir desta comunicación os Xefes/as de Departamento poderán solicitar, durante dous días, a inclusión de temas do seu interese na correspondente Orde do Día.

Nas sesións de Claustro, as votacións realizaranse mediante sufraxio secreto, agás no caso de que, a proposta de calquera dos seus membros, todos os presentes estean de acordo en pronunciarse a man alzada.

Os membros do Claustro de Profesorado deben gardar secreto sobre os asuntos tratados diante das persoas alleas ó Centro.

As reunións de Claustro celebraranse preferentemente os martes pola tarde.

Equipo Directivo Contidos

En cada hora lectiva haberá un Cargo Directivo de Garda que será o encargado de resolver as incidencias que se produzan e de atender funcións dos outros membros do Equipo Directivo que non estean no Centro nese momento e que precisen de resolución inmediata.

O Equipo Directivo terá no seu horario dous períodos lectivos consecutivos de reunión semanal para poñer en común as decisións adoptadas e analizar a marcha do curso.

O Equipo Directivo ten a obriga de manter informados ós membros da Comunidade Escolar de todas as incidencias que se produzan no Centro, da marcha das negociacións e contactos con outros chanzos da administración educativa e, en xeral, de todo aquilo que dunha ou doutra maneira teña transcendencia na marcha do Centro.

Órganos de representación do Alumnado Contidos

A Xunta de Delegados/as estará formada polos/as Delegados/as, Subdelegados/as, os/as representantes do alumnado no Consello Escolar e un representante da Asociación de Alumnos/as. Terá unha vixencia dun curso escolar.

A Xunta de Delegados/as terá as funcións reguladas polo art. 112 do Decreto 324/96). Entre outras funcións, debe:

a. Ser ponte de comunicación entre os órganos de goberno do Centro e o alumnado.

b. Elaborar propostas de modificación do Regulamento de Réxime Interno.

c. Informar ós estudiantes das súas actividades.

d. Solicitar a inclusión de puntos na Orde do Día no Consello Escolar.

e. Crear un Regulamento propio.

A Xunta de Delegados/as constituirase mediante convocatoria efectuada pola Xefatura de Estudios que deberá producirse nun prazo non superior a dúas semanas despois da elección do último Delegado.

A súa organización e funcionamento rexerase polos seguintes principios:

1. Na primeira sesión elixirase por sufraxio secreto e por esta orde, o/a Presidente/a, o/a Secretario/a, o/a Vicepresidente/a e o Vicesecretario/a. En caso de empate atenderase ós criterios preferentes de a) maior antigüidade no Centro; b) maior idade.

2. Os Delegados/as que presenten as súas candidaturas á Presidencia e á Vicepresidencia disporán de tempo para expoñer as súas ideas programáticas antes da votación.

3. O Presidente/a e o Secretario/a pertencerán a calquera dos grupos de alumnado do segundo ciclo da ESO, de Bacharelato ou dos Ciclos Formativos. O Vicepresidente/a e o Vicesecretario/a pertencerán a un dos grupos de alumnado do primeiro ciclo da ESO.

4. A Xunta de Delegados/as desdobrarase en dúas Xuntas de Delegados/as paralelas, unha correspondente ó segundo ciclo da ESO, Bacharelato e Ciclos Formativos, e outra correspondente ó primeiro ciclo da ESO. Non obstante, poderá reunirse en pleno tal e como se estipula no epígrafe 8 deste mesmo Art..

5. A Presidencia e a Vicepresidencia terán como misión convocar e presidir as reunións e coordinar as actividades das Xuntas. Será función da Secretaría e da Vicesecretaría levantar Acta dos acordos tomados en cada reunión.

6. As dúas Xuntas reuniranse alomenos unha vez ó trimestre e cando a Presidencia -ou a Vicepresidencia- ou un tercio dos compoñentes de cada Xunta o soliciten. Así mesmo, deberán reunirse antes e despois da celebración dunha reunión do Consello Escolar, se os temas a tratar na mesma son da súa incumbencia.

7. A Xunta de Delegados e Delegadas poderá nomear para o seu funcionamento distintas Comisións que informarán das súas actividades.

8. As reunións da Xunta realizaranse fóra das horas de clase, agás cando estas se realicen en plenario da única Xunta porque así o demanden os temas a tratar.

9. O alumnado ten o dereito de expresar calquera discrepancia ou suxestión a través dos seus representantes.

10. O Equipo Directivo ou órganos correspondentes deben argumentar ante calquera reclamación efectuada a través da Xunta de Delegados/as.

11. O Director debe facilitar os locais e o material para as reunións.

12. A Xunta de Delegados/as pode convocar a Asemblea total ou parcial de alumnos do instituto, interrompendo o menos posible o horario de clases.

13. A convocatoria de Asemblea comunicaráselle o Director 48 horas antes da súa celebración para que adopte as medidas oportunas.

14. A Xunta de Delegados/as pode ser convocada polo Director ou Xefe/a de Estudios por motivo xustificado.

15. A Xunta de Delegados/as colaborará co Equipo Directivo na difusión e cumprimento das normas de convivencia.

A elección de Delegados e Subdelegados realizarase segundo dispón o art. 111 do Decreto 324/96:

a. Nos 30 primeiros días contados a partir do comezo efectivo de cada curso escolar, cada grupo elixirá un Delegado e un Subdelegado en votación universal e secreta entre os compañeiros/as do grupo.

b. A votación será convocada e presidida polo Titor/a e dela levantarase Acta que se conservará na Xefatura de Estudios. Neste labor, o Titor/a estará asistido por dous membros do grupo elixidos ó chou que actuarán como Secretario, o máis novo, e como Vocal, o segundo.

c. O alumnado que desexe presentar a súa candidatura a Delegado/a poderá expoñer o seu programa antes da votación.

d. Cada membro do alumnado poderá depositar unha papeleta na que faga constar o nome da persoa que desexa que represente ó grupo.

e. Resultará elixida a candidatura que obteña a maioría absoluta na primeira votación. De existir un número de candidaturas inferior a tres, procederase á proclamación inmediata como Delegado/a e Subdelegado/a ó primeiro e segundo alumno/a en maior número de votos obtidos, respectivamente. De existir empate ou non acadar a maioría absoluta ningunha das persoas votadas na primeira votación, deberá realizarse unha segunda volta entre os tres membros do alumnado que tivesen maior número de sufraxios, na que abondará con obter a maioría simple. En caso de empate, atenderase ós seguintes criterios: 1) maior número de votos na primeira volta; 2) maior idade.

As Funcións e dereitos dos Delegados e Delegadas son as seguintes:

1. Ostentar a representación dos compañeiros/as de grupo. Por ausencia ou por delegación, son substituídos polos Subdelegados/as.

2. Formar parte da Xunta de Delegados/as, á que teñen a obriga de asistir.

3. Ser os interlocutores entre os alumnos/as e os profesores/as ou órganos de goberno do Centro.

4. Poder informar á Comisión de Convivencia ante calquera conflicto.

5. Ser recibidos e escoitados por calquera órgano ou cargo directivo ó que llo soliciten.

6. Canalizar a participación dos alumnos/as nas actividades complementarias e extraescolares.

7. Manter contacto permanente cos representantes dos alumnos/as no Consello Escolar.

8. Velar para que o alumnado vexa respectados os seus dereitos.

9. Colaborar para que o alumnado cumpra cos seus deberes.

10. Os Delegados/as e Subdelegados/as non poderán ser sancionados polo exercicio das súas funcións como representantes dos alumnos/as.

Os cargos de Delegado/a e Subdelegado/a terán unha vixencia do curso académico no que foron elixidos, agás no caso no que sexan cesados por algún dos seguintes motivos:

a. Por seren sancionados polo Consello Escolar, por cometer falta grave ou cando este órgano así o decida a proposta fundamentada da Dirección, por existir constancia do incumprimento reiterado das funcións que teñen asignadas.

b. Se a maioría absoluta do alumnado dun grupo solicita a substitución do/s seu/s representante/s, en escrito razoado e asinado polos demandantes dirixido á Dirección, que estudiará a solicitude, e elevaraa ó Consello Escolar.

c. Os Delegados/as ou Subdelegados/as poderán presentar a súa dimisión en escrito dirixido á Dirección, que deberá oír as razóns alegadas e aceptala no caso de que o representante dimisionario se ratifique na súa decisión. Neste caso procederase a unha nova elección.

a. Poderán existir as Asociacións de Alumnado que, de acordo coa lexislación vixente, se constitúan.

b. Rexeranse por normas democráticas con eleccións periódicas segundo o estipulen os seus Estatutos.

c. Os seus representantes serán recibidos por calquera dos órganos de goberno ó que llo soliciten.

d. Poderán nomear un representante nas Xuntas de Delegados/as.

Órganos de Coordinación docente Contidos

Departamentos Contidos

Constituiranse os seguintes órganos de coordinación:

1. Departamento de Orientación.

2. Departamento de Actividades Complementarias e Extraescolares.

3. Departamentos Didácticos.

4. Comisión de Coordinación Pedagóxica.

5. Coordinación de Formación en Centros de Traballo.

6. Equipo de Normalización Lingüística.

7. Xuntas de Avaliación.

8. Titorías e Orientación do alumnado. Xunta de Titores/as.

A Comisión de Coordinación Pedagóxica estará formada polo Director/a, Xefe/a de Estudios, Xefes/as de Departamento, Coordinador/a do Equipo de Normalización Lingüística e Profesor/a de Apoio.

Todos os membros da Comisión de Coordinación Pedagóxica terán no seu horario unha hora de reunión semanal. Dos acordos tomados na reunión levantarase unha Acta que se entregará a cada Departamento.

Titorías e Orientación do alumnado. Xunta de Titores/as Contidos

Os Titores/as terán as seguintes funcións:

1. Cada grupo de alumnos/as terá un Profesor/a Titor/a.

2. Os Titores deberán reunirse co grupo ó seu cargo alomenos antes de cada sesión de avaliación.

3. Deberán permanecer localizables no Centro durante o tempo que figura nos seus horarios dedicado a atender ós pais e nais, mesmo se non está prevista a visita de ningún deles.

4. Xestionarán a entrevista dos pais/nais con outros membros do profesorado do seu grupo cando se lles solicite, sempre que haxa razóns que o aconsellen.

5. Os Titores/as deberán colaborar co Equipo de Orientación e co Equipo Directivo no desenvolvemento de actividades que teñan como obxectivo o seguimento dos alumnos/as, o diagnóstico de problemas na aprendizaxe e a presentación de accións que tendan a mellorar a súa formación.

6. Colaborarán cos organismos do Centro para fomentar hábitos de convivencia e para manter a disciplina entre o alumnado que estea ó seu cargo.

7. Mediarán, en colaboración co Delegado do grupo, ante o resto do profesorado, alumnado e órganos directivos.

8. Serán os responsables do control das faltas de asistencia e de expulsións de aula, segundo a información recibida do profesorado do grupo. Informarán, quincenalmente, ós pais/nais dos alumnos/as das faltas de asistencia e reclamarán a súa xustificación.

9. Cando un alumno/a supere as faltas de asistencia permitidas poñerano en coñecemento do alumno, pais/nais e Equipo Directivo.

10. Cando un alumno/a cometa unha falta grave poñerano en coñecemento do alumno, pais/nais e Equipo Directivo.

11. Requirirán a presencia dos pais/nais ante calquera incidencia que o precise.

12. Deberán recoller os Boletíns de Avaliación, íntegros, durante os 15 días seguintes á súa entrega. Procederán á comprobación da sinatura dos pais/nais e devolverannos ás respectivas familias, arquivando o resgardo de cada un deles.

13. Colaborarán estreitamente co Profesor de Garda así como co Cargo Directivo de Garda.

14. Recollerán desde o principio de curso aqueles datos que poidan influír directamente no rendemento do alumno, deixando constancia deles para sucesivos Titores.

15. Desenvolverán, durante os períodos lectivos semanais destinados ó labor específico de titoría do alumnado, o Plano de Acción Titorial do Centro.

Funcionamento do Centro Contidos

Horarios Contidos

Confeccionaranse a principios de curso por parte da Xefatura de Estudios e faranse públicos para a súa aplicación. Deben atender fundamentalmente ás necesidades do alumnado, respectando os dereitos do profesorado. Na súa confección seguiranse alomenos as seguintes pautas:

1. Os alumnos de 1º ciclo da ESO terán dous recreos, o primeiro despois do segundo período lectivo e o segundo despois do cuarto. Os alumnos/as dos demais niveis poderán ter un único recreo, entre o terceiro e cuarto períodos lectivos.

2. O profesorado manifestará as súas preferencias de horario que, dentro do posible, serán atendidas.

3. Durante a primeira semana de curso poderanse realizar cambios entre os horarios de dous ou máis profesores/as, sempre que tales cambios non contraveñan os criterios xerais de confección dos horarios e previa autorización da Xefatura de Estudios.

4. A Xefatura de Estudios asignaralle a cada membro do Claustro do Profesorado as horas de garda que lle correspondan, atendendo ás necesidades do Centro.

5. Na medida en que a administración educativa o autorice, procederase á correspondente reducción horaria para aqueles profesores/as que desenvolvan actividades complementarias ou extraescolares en beneficio do alumnado do Centro. Esta medida inclúe tamén a todos aqueles profesores/as que cumpran a función de Profesores/as Titores/as.

Asistencia e puntualidade do alumnado Contidos

A asistencia e puntualidade do alumnado queda regulada polas seguintes normas:

1. A non asistencia ás clases de modo reiterado, pode motivar a imposibilidade dunha aplicación correcta da avaliación continua, establecéndose un sistema extraordinario de avaliación.

2. Todas as faltas e demoras do alumnado deben ser anotadas nos partes de faltas. Estes partes entregaránselle ó Profesor Titor o último día de cada semana. Os datos incluídos neles serán introducidos previamente no programa informático de xestión de faltas, que estará a disposición de todo o profesorado na Sala do Profesorado.

3. O alumnado ten a obriga de asistir a todas as actividades que figuran no seu horario e non pode abandonar o recinto escolar sen causa xustificada durante a súa xornada lectiva.

4. En ausencia do profesorado, o alumnado non poderá abandonar as súas aulas, debendo esperar ó Profesor de Garda ou a algún membro do Equipo Directivo.

5. Se algún alumno/a ten razóns especiais para chegar reiteradamente tarde a algunha das actividades, debe comunicarllo ó Profesor/a Titor/a e este á Xefatura de Estudios e ó profesorado implicado, presentando a correspondente xustificación para que os atrasos non sexan contabilizados.

6. O alumnado que chegue tarde acudirá á aula respectiva para solicitar a incorporación á clase. No caso de que o permiso lle sexa denegado presentarase ó Profesor/a de Garda para que lle indique ónde agardar o comezo da clase seguinte, realizando a tarefa encomendada por este.

7. O profesorado deberá permitir que o alumnado que chegue tarde con carácter excepcional poida asistir á clase.

8. Se os atrasos son reiterados, o profesorado poderá denegarlle ó alumno/a o permiso para entrar na aula despois do comezo da clase. Neste caso, o profesor/a debe informar de tales circunstancias ó/á Titor/a do alumno/a ou á Xefatura de Estudios. Dous atrasos deste tipo computaránselle como unha falta de asistencia inxustificada.

A xustificación das faltas do alumnado farase tendo en conta os seguintes aspectos:

1. Non son xustificables aquelas ausencias que no constitúan un suposto de forza maior para o alumno/a.

2. A xustificación farase nun impreso facilitado pola Xefatura de Estudios.

3. Se a ausencia é motivada pola visita a un organismo ou entidade pública ou privada, o alumno/a aportará o documento acreditativo correspondente.

4. En caso de enfermidade non superior a tres días bastará xustificante da persoa que represente ó alumno/a. De ser superior a tres días, requirirase xustificante médico.

5. A xustificación da ausencia realizarase inmediatamente despois da reincorporación do alumno/a á clase. Despois de 15 días naturais transcorridos desde que cesou a causa que motivou a súa inasistencia, non se admitirá ningunha xustificación.

6. A aceptación dos xustificantes é competencia do Titor ou Titora.

7. O Profesor Titor informará das faltas dos/as alumnos/as ós/ás pais/nais ou titores/as legais alomenos unha vez cada 15 días, solicitando a súa xustificación.

Os requisitos que debe reunir unha convocatoria de alumnado que implique paralización de actividade docente para non ser obxecto de sanción serán os seguintes:

1. Ser unha convocatoria formal feita por un Sindicato de Estudiantes ou representantes recoñecidos legalmente, con 48 horas de antelación e coa debida publicidade. Neste caso a Xunta de Delegados/as comunicarallo formalmente ó Director.

2. Convocatoria dun paro estudiantil por un problema interno do Centro. Deberá ser comunicado á Comisión de Convivencia, que apreciará a racionalidade da petición.

As alteracións do horario nas clases de Bacharelato e dos Ciclos Formativos regularanse da seguinte maneira:

1. O cambio de hora, substitución ou supresión das actividades previstas no horario oficial teñen que ser coñecidas pola Xefatura de Estudios, que poderá dar autorización (se é da súa competencia) cando haxa razóns que as xustifiquen.

2. Na medida do posible, procurarase que o alumnado non teña ocos no seu horario normal e tratarase de que as ausencias do profesorado se cubran con outras clases ou actividades correspondentes a ese mesmo día.

3. A realización de probas, tanto de avaliación normal como de recuperación, que altere o horario oficial do Centro contará co beneplácito do profesorado afectado e da Xefatura de Estudios.

4. A realización de probas fóra do horario normal do alumnado deberá ser debida a razóns fundamentadas e contar co consentimento do propio alumnado, informando á Xefatura de Estudios.

5. Cando se produzan ocos por unha folga parcial do profesorado, o horario do alumnado non poderá ser alterado.

6. Na realización de probas o alumnado non poderá abandonar a aula antes da hora de saída, agás que se trate da última clase de cada xeira.

7. O alumnado de Bacharelato e dos Ciclos Formativos poderá non asistir ó Centro durante o primeiro período lectivo -ou marchar del, se se trata do último- de cada xeira, cando sexa informado previamente da inasistencia do profesor/a ou cando se modificase o seu horario nesa xeira para evitar ocos no mesmo.

Asistencia e puntualidade do profesorado

A asistencia e puntualidade do profesorado queda regulada polas seguintes normas:

1. Ante a imposibilidade por parte dun profesor/a da asistencia a clase, se é posible, comunicarao á Xefatura de Estudios con 48 horas de antelación, e realizará a anotación correspondente no Libro de Gardas para que sexa substituído polo Profesor/a de Garda. De ser a ausencia motivada por calquera circunstancia ocasional imprevisible, comunicaraa pola vía máis rápida ó Centro para que poida ser substituído. No caso do alumnado do Bacharelato e dos Ciclos Formativos, comunicarállelo tamén ós alumnos/as, se se trata do primeiro ou último período lectivo dunha xeira.

2. As ausencias do profesorado das súas horas lectivas -incluídas as gardas de recreo, biblioteca e dirección- serán anotadas polo Profesor de Garda no Libro de Gardas. Do mesmo xeito, deberán sinalarse as faltas de puntualidade, especificando o tempo aproximado que o profesor/a tardou en incorporarse á súa actividade.

3. O control de asistencia do profesorado corresponde a Xefatura de Estudios, agás as ausencias ás reunións de Departamento, que lle serán comunicadas a través da Xefatura do Departamento correspondente.

4. Cando os atrasos do profesorado se produzan de xeito reiterado, a Dirección tomará as medidas oportunas e, de persistiren, poñerá este feito en coñecemento da Inspección Educativa.

5. O profesorado que deba xustificar algunha ausencia ou solicitar permiso para faltar a algunha actividade debe cubrir un formulario que lle será facilitado pola Xefatura de Estudios.

Entradas e saídas Contidos

As entradas e saídas estarán reguladas polas seguintes normas:

1. Realizaranse respectando as normas de convivencia.

2. No toque de serea os alumnos/as deben entrar nas aulas de forma que cando soe o timbre os alumnos/as estean dispostos para empezar a clase xunto co profesor/a correspondente.

3. As entradas e saídas deben ser controladas polo Profesor de Garda coa colaboración dos demais profesores e Cargo Directivo de Garda.

4. Durante o tempo de recreo, o alumnado non poderá volver ás aulas, corredores e escaleiras ata a súa finalización, agás casos excepcionais e contando coa autorización dalgún dos profesores/as de garda.

5. Cando un alumno/a deba permanecer na aula durante o tempo de recreo por indicación dun profesor/a, terá que estar acompañado por este.

6. Facilitarase o uso da Biblioteca no tempo de recreo exclusivamente como lugar de estudio e lectura, e en todo caso de acceso voluntario. A Biblioteca usarase tamén como espacio para os xogos de mesa, excluídas as cartas, sempre que se garantan o silencio e o respecto cara as persoas que estean estudiando.

Recreos Contidos

Os recreos quedan regulados polas seguintes normas:

1. Os alumnos do 1º ciclo de ESO terán dous recreos, o primeiro despois do segundo período lectivo e o segundo despois do cuarto. Estes recreos serán controlados polos Profesores de Garda e o alumnado non poderá saír do recinto escolar.

2. Os alumnos dos demais niveis poderán ter un só recreo, entre o terceiro e o cuarto períodos lectivos.

3. Poderanse organizar durante os tempos de lecer actividades de libre participación que precisen do uso de locais, sempre e cando haxa profesorado responsable das mesmas.

Gardas Contidos

As gardas estarán reguladas polas seguintes normas:

1. Desde o momento en que o timbre anuncia a hora de entrada a clase, ata o momento en que soa novamente para marcar o final dela, correspóndelle ó Profesorado de Garda velar para que se manteña a orde e a disciplina nos corredores e nas aulas non ocupadas polo profesorado.

2. En cada hora lectiva haberá, alomenos, un Profesor e un Cargo Directivo de Garda. Nos recreos dos alumnos/as de 1º ciclo de ESO haberá alomenos dous Profesores de Garda.

3. O Profesorado de Garda deberá asinar e anotar no Libro de Gardas as ausencias do profesorado e calquera tipo de anomalía que ocorra durante a súa hora de garda.

4. Cando un alumno sexa expulsado da aula dirixirase inmediatamente ó Profesor de Garda co parte de expulsión debidamente cumprimentado, o Profesor de Garda asinarao e faralle unha fotocopia que introducirá no apartado correspondente da carpeta habilitada para tal efecto na Sala do Profesorado, anotará a incidencia no apartado correspondente do Libro de Gardas, e farase cargo da atención do alumno/a.

5. O Profesorado de Garda debe permanecer nos corredores mentres non sexa total a orde no Centro. Chegado ese momento os profesores/as poderán ocupar outras dependencias, pero deberán estar localizados e pendentes de resolver as alteracións da orde que se poidan producir.

6. No caso de que se produza unha indisposición dun alumno/a ou un accidente, o Profesor/a de Garda deberá avisar ós pais/nais do alumno/a ou, se é o caso, ó Centro de Saúde da vila de Melide, comunicándollo ó Equipo Directivo.

7. Cando se produzan ausencias do profesorado que tivese clase, os Profesores/as de Garda tomarán as medidas necesarias para que o alumnado permaneza traballando dentro da aula sen interferir nas actividades dos demais grupos do Centro.

8. O profesor/a que coñeza previamente a súa ausencia durante algún dos períodos lectivos, indicaralle ó alumnado as tarefas que este debe realizar durante ese período, coa supervisión do Profesorado de Garda.

9. No caso de que a circunstancia á que fai referencia o epígrafe anterior non poida darse por non ser coñecida a ausencia previamente, o Profesorado de Garda dispoñerá actividades xenéricas, nomeadamente de estudio, que impliquen alomenos un aproveitamento mínimo do período en cuestión.

10. Se faltasen máis ensinantes que Profesores de Garda, porase en coñecemento do Cargo Directivo de Garda, atendendo preferentemente ós cursos de niveis inferiores.

11. O Profesorado de Garda evitará a saída do alumnado da súa aula, en colaboración co resto do profesorado, entre clase e clase, sen motivo xustificado.

12. Anotará as ausencias dos alumnos/as nas aulas nas que falte o profesor/a, comunicándollas ó Titor. Para tal efecto estará á súa disposición na Sala do Profesorado unha carpeta coas listas, horarios e fotos do alumnado.

Uso de espacios de lecer Contidos

O uso dos espacios de lecer realizarase atendendo ás seguintes normas:

1. As instalacións do IES de Melide só poderán ser usadas polos membros da Comunidade Escolar nos horarios establecidos. Para podelas utilizar persoas alleas ó mesmo, fóra de horario escolar, deberán dispoñer da correspondente autorización.

2. As instalacións que estean libres poderán ser utilizadas polo profesorado que o desexe solicitándollo á Xefatura de Estudios a efectos de establecer unha orde de utilización.

3. O alumnado poderá usar libremente o patio de recreo e as instalacións deportivas sempre que nelas non se desenvolva unha actividade organizada.

4. Para usar aulas específicas ou laboratorios en horas que non estean ocupados deberase contar coa autorización do Xefe/a de Departamento correspondente, informando á Xefatura de Estudios desta circunstancia.

5. A cafetería rexerase polas normas de convivencia recollidas no presente Regulamento e polas condicións específicas recollidas no contrato de adxudicación da mesma.

Avaliacións Contidos

As avaliacións realizaranse atendendo ás seguintes normas:

1. O profesorado comunicaralle ó seu alumnado, ó principio de curso, os elementos máis significativos da programación do Departamento na materia que vai impartir, no referente a obxectivos, contidos, actividades, sistema de avaliación e recuperación.

2. O profesorado acordará co seu alumnado as datas das probas máis relevantes que deberán realizar ó longo do curso.

3. Os Departamentos deberán expoñer publicamente unha síntese da súa programación, na que consten os contidos mínimos e o sistema de avaliación e recuperación referidos ós distintos cursos.

Temporalización da avaliación

A fixación de probas de avaliación realizarase seguindo as seguintes normas:

1. O profesorado de cada grupo coordinarase co Titor ou Titora para que a carga de traballo de cada materia e as probas de avaliación das distintas materias non se acumulen nos mesmos períodos de tempo.

2. Baixo a coordinación do Titor/a velarase para que o esforzo esixido ó alumnado en cada materia en períodos determinados non impida a súa dedicación ás demais.

3. A Xefatura de Estudios comunicaralle ó profesorado, no transcurso do segundo mes do curso, as datas nas que se desenvolverán as sesións de avaliación correspondentes.

Desenvolvemento das sesións de avaliación

1. Antes da sesión de avaliación o Titor/a reunirase co alumnado do seu grupo para recoller todos aqueles aspectos que este queira transmitir á Xunta de Avaliación. O alumnado poderá enviar un máximo de dous representantes a esta Xunta, podendo estes estar presentes durante os primeiros momentos da mesma, cando se debatan aspectos xenéricos referidos ó grupo de alumnado en cuestión.

2. O profesorado deberá informar ós seus alumnos e entregar as cualificacións con anterioridade ás sesións de avaliación para confeccionar unha Acta provisional.

3. O Titor/a presidirá a sesión incidindo nos factores que poidan influír nos resultados da avaliación e recollendo as opinións do profesorado que sexan relevantes para mellorar rendemento, actitudes e comportamento do alumnado.

4. O/a Titor/a entregaralle ó alumnado, no día e na hora fixados, o Boletín de Avaliación cos datos aportados por cada profesor/a, e informará ó seu grupo das opinións recollidas na sesión de avaliación.

5. O alumnado terá acceso ás probas realizadas, e coñecerá cáles foron os criterios de corrección e, no seu caso, qué partes da materia deberá recuperar, cándo e cómo. Así mesmo, o profesorado deberá dar ó alumnado o mesmo tipo de información cando se trate de probas orais.

Reclamacións

1. O profesor ou profesora estará obrigado a amosar as probas ó alumnado que o solicite, fixando día e hora.

2. Será suficiente a petición de palabra do alumnado. No caso de negativa do profesorado, o/a alumno/a deberá facer constar por escrito a súa petición diante da Xefatura de Estudios. A Xefatura de Estudios elevará un escrito ó profesor ou profesora no prazo de 48 horas lembrándolle a obriga de amosar as probas.

3. A modificación desta cualificación corresponderá unicamente ó profesorado responsable da materia reclamada, agás se a reclamación está fundamentada na manifesta inadecuación da proba ós contidos recollidos na programación de Departamento. Esta modificación non suporá necesariamente a modificación da cualificación de avaliación.

4. Contra as cualificacións finais o alumnado poderá presentar reclamación, mediante instancia dirixida ó Director/a, no prazo estipulado no calendario de avaliación. A solicitude será atendida primeiramente polo profesor ou profesora correspondente e despois polo Departamento no seu conxunto. De non chegar a un acordo, seguiranse os trámites sinalados na regulamentación xeral vixente.

5. Se un profesor/a cre conveniente cambiar a cualificación outorgada a un alumno/a nunha avaliación parcial, deberá comunicalo ó Titor/a e á Secretaría do Centro para que se tome nota da modificación.

6. Cando un membro do profesorado ou o Xefe/a de Departamento desexe modificar unha cualificación final que figure na correspondente Acta de Avaliación, deberá comunicarllo á Dirección expoñendo cáles son os motivos da rectificación. A Dirección deberá convocar no prazo máis breve posible unha nova reunión da Xunta de Avaliación correspondente. A Xunta de Avaliación será quen, en última instancia, autorice a modificación.

Alumnado Contidos

Dereitos do alumnado Contidos

1. Os alumnos/as teñen os dereitos establecidos no Real Decreto 732/1995, de 5 de maio e no presente Regulamento.

2. O exercicio dos dereitos dos alumnos/as leva consigo o respecto ós dereitos dos demais membros da Comunidade Educativa.

3. Todos os alumnos/as teñen os mesmos dereitos e as mesmas oportunidades, sen discriminación por raza, sexo, capacidade económica, nivel social, conviccións políticas, morais ou relixiosas, ou discapacidades físicas ou psíquicas. Este Centro establecerá as medidas oportunas para que ningún alumno/a se vexa discriminado e se lle respecte a súa integridade física e moral.

4. Os alumnos/as teñen dereito a recibir unha formación que asegure o pleno desenvolvemento da súa personalidade.

5. Os alumnos/as teñen dereito a que o seu rendemento escolar sexa avaliado con plena obxectividade. Para garantir a obxectividade faranse públicos os criterios xerais que se van aplicar para a avaliación das aprendizaxes e promoción do alumnado.

6. En casos de accidente ou enfermidade prolongada, a Dirección do Centro dará parte ás autoridades educativas competentes para que os alumnos/as conten cun apoio específico co obxecto de que, no posible, este feito non supoña detrimento do seu rendemento escolar.

7. Os alumnos/as teñen dereito a participar cos profesores/as na elaboración do calendario de probas de avaliación.

8. Os alumnos/as teñen dereito a formular diante dos profesores/as e órganos directivos do Centro as iniciativas e suxestións que consideren oportunas, así como as discrepancias respecto ás decisións educativas que lles afecten. Cando as discrepancias teñan carácter colectivo serán canalizadas a través dos seus representantes.

9. Todos os alumnos/as teñen dereito a que a súa actividade académica se desenvolva nas debidas condicións de seguridade e hixiene.

10. Os alumnos/as teñen dereito a reunirse previo coñecemento do Equipo Directivo en horas non lectivas e no lugar que se lles asigne para a reunión.

11. Os alumnos/as teñen dereito á utilización adecuada das instalacións e ó correcto destino das mesmas.

12. Os alumnos/as teñen dereito á liberdade de expresión. Poderán fixar notas informativas e carteis nos taboleiros destinados ó efecto sempre e cando estean asinados polos seus autores ou polos interesados e respecten os dereitos dos demais membros da Comunidade Educativa.

Deberes do alumnado Contidos

Os deberes dos alumnos concrétanse nas seguintes obrigacións:

1. O estudio é un obriga básica do alumnado.

2. Asistir a clase con puntualidade e participar nas actividades orientadas ó desenvolvemento dos planos de estudio.

3. Cumprir e respectar os horarios aprobados para o desenvolvemento das actividades do Centro.

4. Seguir as orientacións do profesorado a respecto da súa aprendizaxe.

5. Respectar o exercicio do dereito ó estudio dos seus compañeiros.

6. Respectar o proxecto educativo ou o carácter propio do Centro, de acordo coa lexislación vixente.

7. Coidar e utilizar correctamente os bens, mobles e as instalacións do Centro, e respectar as pertenzas dos outros membros da Comunidade Educativa.

8. Participar na vida e funcionamento do Centro.

Mostrar respecto e consideración cara a todos os membros da Comunidade Educativa.

Profesorado Contidos

Dereitos do profesorado Contidos

Os profesores/as teñen os dereitos establecidos na lexislación vixente, ademais daqueles que deste Regulamento se deriven:

1. Liberdade de cátedra.

2. Participar na xestión e control do Centro.

3. Elixir ou ser elixidos libremente para os diferentes cargos de xestión do Centro ou para os órganos colexiados do mesmo.

4. Respecto ós seus dereitos sindicais.

5. Convocar ós pais/nais, Titores/as dos seus alumnos individual ou colectivamente.

6. Contar cos medios materiais, instrumentais e de instalacións adecuadas para desenvolver o seu labor docente.

7. Formular suxestións, queixas, peticións ou recursos ante os órganos de goberno.

8. Ser informados de todo o concernente ó funcionamento do Centro.

Deberes do profesorado Contidos

Os profesores/as teñen os deberes establecidos na lexislación vixente, ademais daqueles que deste Regulamento se deriven:

1. Tratar co debido respecto a todos os membros da Comunidade Escolar.

2. Non realizar en público observacións de carácter persoal que afecten á intimidade dunha persoa.

3. Participar na organización do Centro a través dos órganos correspondentes.

4. Asistir con puntualidade e permanecer no seu posto de traballo.

5. Fixar os obxectivos e programar as actividades, así como fixar criterios de recuperación e avaliación dentro do respectivo Departamento Didáctico. Asemade, cada Departamento tomará as medidas necesarias para a coordinación entre os distintos Departamentos.

6. Programar e organizar, en tempo e forma axeitados, o seu traballo escolar.

7. Mostrar ós alumnos/as, e ós pais/nais que así o soliciten, as probas de avaliación realizadas, unha vez corrixidas e cualificadas.

8. Recibir individualmente ós alumnos/as, pais/nais ou titores que o solicitasen, previo acordo de hora a través do Profesor Titor.

9. Rexistrar as faltas de asistencia á clase dos alumnos/as e comunicarllas ó Titor o último día de cada semana. No caso de faltas de orde ou faltas colectivas comunicarao persoalmente ó Profesor de Garda e ó Xefe de Estudios o antes posible, os cales anotarán a incidencia no Libro de Gardas.

10. Gardar secreto sobre os asuntos tratados nos Claustros, nos Consellos Escolares e nas Xuntas de Avaliación diante das persoas alleas ó Centro.

11. Velar pola convivencia e mantemento da orde no Centro.

Pais, nais e APNAS Contidos

Dereitos dos pais e nais

Os pais, nais e titores/as legais teñen os dereitos establecidos na lexislación vixente ademais daqueles que deste Regulamento se deriven:

1. Ser informados por escrito do horario e da hora en que serán atendidos polo Profesor/a Titor/a do seu fillo/a.

2. Ser convocados a unha reunión ó comezo de cada curso escolar.

3. Ser informados do Proxecto Educativo do Centro.

4. Utilizar as instalacións do Centro, con comunicación previa á Dirección, para as xuntanzas das súas asociacións legalmente constituídas.

5. Ser recibidos por calquera profesor/a do seu fillo/a previo acordo de hora a través do Profesor/a Titor/a correspondente.

6. Formular suxestións, peticións e queixas.

7. Participar activamente na vida do Centro.

8. Ser informados periodicamente do rendemento e do comportamento dos fillos/as.

Deberes dos pais e nais

Teñen os deberes establecidos na lexislación vixente ademais daqueles que deste Regulamento se deriven:

1. Procurar a asistencia e puntualidade dos seus fillos á clase.

2. Xustificar no prazo establecido as faltas de asistencia.

3. Informarse periodicamente do comportamento e rendemento dos fillos/as.

4. Darse por informados/as das comunicacións oficiais que sobre o seu fillo/a lles remita o Centro.

5. Colaborar co profesorado na educación dos fillos/as.

Disciplina e convivencia Contidos

Normas xerais de disciplina do Centro Contidos

Ningún membro da Comunidade Escolar poderá fumar nas aulas, corredores, escaleiras e salas de reunión do Centro. A Dirección do Centro, previa consulta ó Claustro de Profesorado e ó Consello Escolar, habilitará espacios para fumadores/as.

Prohíbese o uso de teléfonos celulares, vídeoxogos, reproductores de música ou aparellos semellantes nas aulas e na Biblioteca, e fóra delas sempre que interrompan o desenvolvemento da actividade docente. Prohíbense tamén, nas mesmas condicións, os xogos de cartas.

O alumnado utilizará os corredores do Centro unicamente para desprazarse á ou desde a súa aula cando lle cumpra. Non deberá permanecer neles nos intercambios de clase ou durante os recreos.

1. En aplicación dos art. 35 a), b), d) do R.D. 732/95 no comezo, continuación da xornada lectiva e inmediatamente despois do recreo, no momento do toque do timbre de inicio de cada período lectivo, o alumnado atoparase na aula correspondente para iniciar as actividades académicas correspondentes a ese período.

2. A reiteración dunha falta de puntualidade será considerada como unha falta de asistencia ordinaria.

O procedemento de autorización das saídas voluntarias entre clases ou en períodos de lecer será o seguinte:

1. No período de cambio de clase o alumno deberá permanecer, como norma xeral, na súa aula.

1. Cando por razóns xustificadas o alumnado deba ausentarse momentaneamente da aula, deberá contar coa autorización do profesor ou profesora entrante. No caso de non contar con tal autorización o profesorado deberao contabilizar coma unha falta de puntualidade.

1. O alumnado deberá abandonar a aula nos períodos de lecer, permanecendo, durante este, dentro do recinto educativo. Exceptúanse na obrigatoriedade de permanencia no recinto escolar durante o período de lecer os alumnos e alumnas do 2º Ciclo de ESO, de Bacharelato e dos Ciclos Formativos.

O alumnado será responsable dos danos debidos á neglixencia ou ó mal uso intencionado que produza no mobiliario do Centro, na súa estructura ou nas pertenzas doutras persoas que se atopen nel. En todo caso, contribuirá á reparación dos danos, sen prexuízo das sancións que lle puidesen corresponder.

O alumnado deberá agardar na aula ó Profesorado de Garda en ausencia do membro do profesorado que debería darlle clase. O alumnado de Bacharelato e dos Ciclos Formativos poderá ausentarse da primeira e última clase de cada xeira da xornada sempre que sexa informado con anterioridade da falta do profesor/a, e previa autorización da Xefatura de Estudios.

O alumnado deberá manter, tanto dentro das aulas como fóra delas, un ton de voz baixo para non molestar ás demais persoas que se atopen no Centro, estean estas traballando ou non.

1. O alumnado deberá coidar que o recinto do Centro e as súas dependencias estean limpos e evitará toda acción que poida ser contraria á hixiene e á estética. Do mesmo xeito, procurarase que o mobiliario e instrumental empregado quede ordenado ó remate de cada xornada, seguindo as instruccións que a tal fin dea o Equipo Directivo ou o profesorado correspondente.

1. O alumnado deberá contribuír ó aforro no Centro e manterá posturas ecolóxicas no uso de recursos e materiais.

Non se permitirá a presencia de persoas alleas ó Centro no recinto ou nas dependencias do mesmo, agás cando acudan a el para realizar trámites administrativos, estean citadas cun membro do profesorado ou teñan a autorización da Dirección.

Os alumnos e alumnas non poderán abandonar a aula durante a realización dunha proba de avaliación, aínda que rematen esta antes da finalización da hora lectiva.

1. Cando un alumno ou alumna sexa expulsado de clase, dirixirase inmediatamente ó Profesor de Garda, e no seu defecto a algún cargo directivo.

1. O profesor ou profesora, no momento da expulsión, deberá cumprimentar un parte de expulsión da aula no que especificará o motivo ou motivos polo que expulsou ó alumno/a, asignándolle algunha tarefa ou traballo. O devandito parte facilitarase na Xefatura de Estudios.

1. O Profesor de Garda procederá a anotar a expulsión como incidencia no Parte de Gardas e farase cargo da custodia do alumno/a, asesorándoo/a, se é preciso, na realización da tarefa encomendada. Igualmente, asinará o parte de expulsión e arquivará unha copia do mesmo na Carpeta de Expulsións, mecanismo este que servirá para que o Profesor/a Titor/a correspondente teña coñecemento de que tal expulsión se produciu.

1. As expulsións de aula serán comunicadas ós pais ou titores legais do alumnado polo medio que considere oportuno o Profesor Titor. De ser posible, esta comunicación realizarase mediante contacto telefónico durante a mesma xornada na que se produciu, de tal xeito que a familia teña coñecemento do feito antes de que o alumno/a regrese á súa casa.

Para circunstancias nas cales un alumno/a cometa unha falta susceptible de ser sancionada fóra do ámbito estricto das actividades de aula, establécese un Parte de Actitudes e Accións Contrarias ás Normas de Convivencia que, a efectos prácticos, terá exactamente o mesmo tratamento que unha expulsión de aula, segundo se describe no art. 55 deste RRI.

Os Boletíns de Avaliación, partes de xustificación e demais correspondencia do Centro teñen a consideración expresa de documentos con valor académico, polo que a súa falsificación ou substracción constitúe un suposto do art. 52 apartado d) do R.D. 732/95 e como tal poderá ser sancionado de conformidade co art. 53 do citado R.D.

Relacións interpersoais Contidos

O respecto de cada un dos membros da Comunidade Escolar a todos os demais será esixible en todo momento e a falta del será sancionable de acordo coa gravidade do feito e as circunstancias nas que se produza.

Darase prioridade ó diálogo para a resolución dos conflictos que se poidan presentar entre os membros da Comunidade Escolar.

Cando exista un problema de convivencia entre dous ou mais membros do alumnado, estes deben comunicalo ós Profesores/as Titores/as respectivos para que colaboren na resolución do problema.

Se se produce un conflicto entre un ou varios membros do alumnado e un membro do profesorado, o primeiro paso para a súa solución debe ser que os primeiros (por medio do seu representante) intenten o diálogo co segundo, e viceversa. De non resolverse a situación recorrerase á intervención do Profesor/a Titor/a correspondente e, se é preciso, á da Xefatura de Estudios e da Dirección. Se aínda nesta instancia non se chega a acordo ningún, informarase á inspección educativa para que prosigan os trámites segundo proceda.

Réxime disciplinario Contidos

Faltas de asistencia

Para o alumnado de Bacharelato e Ciclos Formativos, o procedemento sancionador en canto ás faltas de asistencia e atrasos sen xustificar será o seguinte:

o Ás seis (6) faltas nunha mesma materia, ou doce (12) na globalidade das mesmas, realizarase un apercibimento escrito.

o Ás doce (12) faltas nunha mesma materia, ou vintecatro (24) na globalidade das mesmas, o alumno/a perderá o dereito á avaliación continua.

Ós efectos dos supostos recollidos nos parágrafos precedentes, dous atrasos sen xustificar terán a mesma consideración que unha falta de asistencia ordinaria.

Para o alumnado de ESO, o procedemento sancionar será o mesmo, agás no que fai referencia á perda do dereito á avaliación continua. Neste caso, a Dirección do Centro comunicará a circunstancia ás autoridades competentes, solicitando a súa actuación.

Resolucións e reclamacións

O alumno/a -e, no seu caso, os seus pais- ten dereito a ser oído sempre que sexa amoestado ou sancionado por conductas contrarias á disciplina e á convivencia no Centro. As súas alegacións deben constar cando a amoestación se faga por escrito.

A imposición de sancións ou a aplicación de medidas correctoras seralle comunicada ó alumno/a nun prazo máximo de 48 horas despois de que fosen acordadas polas instancias competentes e entrarán en vigor tan pronto como haxa constancia de que a comunicación foi recibida.

A Dirección poderá acordar a suspensión provisional da aplicación dunha sanción no caso de que se produzan reclamacións contra ela. Tal suspensión débelles ser comunicada ós interesados no prazo de tempo máis breve posible.

As conductas contrarias á disciplina e á convivencia no Centro prescribirán se non son corrixidas no prazo de dous meses. As correccións impostas deixan de estar en vigor ó remate do curso escolar.

O alumnado ou os seus representantes poderán reclamar contra as correccións acordadas polos Profesores/as Titores/as ante a Dirección. Cando as correccións ou sancións fosen impostas pola Comisión de Convivencia, ou pola Dirección, en aplicación do presente Regulamento, as reclamacións faranse mediante escrito dirixido á Dirección para a súa presentación ante o pleno do Consello Escolar, última instancia dentro do Centro.

As reclamacións deberán presentarse nun prazo non superior ós tres días hábiles, contados dende o momento en que a corrección ou sanción lle foi comunicada ó alumno/a.

Conductas contrarias ás normas de convivencia Contidos

Consideraranse conductas contrarias ás normas de convivencia no Centro as seguintes:

1. O deterioro non grave, causado intencionadamente, nas dependencias do Centro, do material deste ou dos obxectos ou pertenzas doutros membros da Comunidade Educativa. Consideraranse deterioro non grave, causado intencionadamente, as seguintes conductas

a. Fumar, agás naquelas circunstancias recollidas no Art. 44 deste RRI.

b. Tirar xices, borradores, papeis, refugallo, latas... no chan.

c. Ensuciar o chan, paredes, teitos, mesas ou cadeiras.

d. Deteriorar levemente materiais e instrumentos didácticos ou deportivos, así como o equipamento do Centro –extintores, ascensor, aseos...-

e. Comer nas aulas ou na Biblioteca, incluídos productos como as lambetadas, os caramelos, os chupa-chups, etc.

2. Calquera acto inxustificado que perturbe levemente o normal desenvolvemento das actividades do Centro. Consideraranse actos inxustificados, perturbadores da vida normal do Centro, os seguintes:

a. Proferir berros, ruídos molestos ou causar alboroto.

b. Obstaculizar os accesos ó edificio, aulas, aseos, etc.

c. Non respectar os prazos de devolución de libros na Biblioteca.

d. Xogar ás cartas nas aulas e na Biblioteca.

e. Realizar actos violentos ou agresivos que non prexudiquen gravemente a convivencia.

f. Utilizar unha linguaxe ou xestos groseiros.

g. Adoptar posturas irrespectuosas.

h. Utilizar teléfonos celulares, reproductores de música, vídeoxogos e outros aparellos semellantes durante os períodos lectivos.

i. Actos que interfiran e/ou desvirtúen a comunicación entre o Centro e os pais/nais do alumno/a.

3. A sistemática actitude pasiva do alumnado en relación á súa participación nas actividades orientadas ó desenvolvemento do currículo, así como ás orientacións do profesorado respecto da súa aprendizaxe.

As correccións de conductas contrarias ás normas de convivencia, o órgano competente para acordalas e os requirimentos para facelas efectivas, quedan estipulados do seguinte xeito:

CORRECCIÓN	ÓRGANO COMPETENTE PARA DECIDIR A CORRECCIÓN	CONDICIÓNS OU REQUIRIMENTOS
a) Amoestación privada ou por escrito.	· Os profesores/as do alumno/a. · O Titor/a do alumno/a.	· Oído o alumno/a. · Dar conta ó Titor/a e ó Xefe/a de Estudios.
b) Realización de traballos especí-	· O Titor/a do alumno/a.	· Oído o alumno/a.
ficos no horario lectivo.	· O Xefe/a de Estudios. · O Director/a.	· Oído o alumno/a. · Oído o profesor/a ou Titor/a do alumno/a.
c) Realización de tarefas para reparar o dano causado nas instala-cións ou nos materiais do Centro	· O Titor/a do alumno/a.	· Oído o alumno/a.
ou nas pertenzas doutros mem-bros da Comunidade Educativa.	· O Xefe/a de Estudios. · O Director/a.	· Oído o alumno/a. · Oído o profesor/a ou Titor/a do alumno/a.
d) Suspensión do dereito a participar nas actividades extraes-colares ou complementarias do Centro.	· O Xefe/a de Estudios. · O Director/a.	· Oído o alumno/a. · Oído o profesor/a ou Titor/a do alumno/a.
e) Cambio de grupo do alumno	· O Titor/a do alumno.	· Oído o alumno/a.
por un prazo máximo dunha semana.	· O Xefe/a de Estudios. · O Director/a.	· Oído o alumno/a. · Oído o profesor/a ou Titor/a do alumno/a.
f) Suspensión do dereito de asis-	· O Consello Escolar	· Oído o alumno/a.
tencia a determinadas clases por un prazo máximo de 3 días. (Deberanlle ser propostos deberes ou traballos para eses días).	· O Director/a por delegación do Consello Escolar.	· Oído o Titor/a e o Equipo Directivo. · Oído o alumno/a (os pais ou representantes legais se é menor de idade). · Levantarase acta da reunión co alumno/a (ou cos pais). · Seralle comunicado á Comisión de Convivencia ou ó Consello Escolar en pleno.
g) Suspensión do dereito de asis-	· O Consello Escolar.	· Oído o alumno/a.
tencia ó Centro por un prazo máximo de 3 días lectivos. (Deberanlle ser propostos deberes ou traballos para eses días).	· O Director/a por delegación do Consello Escolar.	· Oído o Titor/a e o Equipo Directivo. · Oído o alumno/a (os pais ou representantes legais se é menor de idade). · Levantarase acta da reunión co alumno (ou cos pais). · Seralle comunicado á Comisión de Convivencia ou ó Consello Escolar en pleno.

Conductas gravemente prexudiciais para a convivencia no Centro Contidos

As conductas gravemente prexudiciais quedan tipificadas segundo se establece neste Art.. Quedan tamén graduadas as correccións correspondentes, tendo en conta que a partir da corrección 4 será necesaria a incoación dun expediente sancionador, tal e como se establece no Art. 75 do presente RRI. A potestade correctora no caso dos tres primeiros supostos corresponde á Dirección do Centro, de acordo co Profesor/a Titor/a do alumno/a, e previa consulta ó equipo de profesorado do grupo ó que pertence o alumno/a.

CONDUCTAS CONSIDERADAS GRAVES

CORRECCIÓNS DAS CONDUCTAS GRAVES

a. Os actos de indisciplina, inxuria ou ofensas graves contra os membros da Comunidade Educativa.

b. A reiteración, nun mesmo curso, de conductas contrarias ás normas de convivencia.

c. A agresión ou discriminación grave, física ou moral, contra os demais membros da Comunidade Educativa.

d. A suplantación de personalidade nos actos da vida docente.

e. A falsificación ou substracción de documentos académicos.

f. Os danos graves causados por uso indebido ou intencional nos locais, material ou documentación do Centro ou nos bens doutros membros da Comunidade Educativa.

g. Os actos inxustificados que perturben gravemente o normal desenvolvemento das actividades do Centro.

h. As actuacións prexudiciais para a saúde e a integridade persoal dos membros da Comunidade Educativa do Centro, ou a incitación ás mesmas.

i. O incumprimento das sancións impostas.

1. Realización, no horario lectivo, de tarefas que contribúan a mellorar o desenvolvemento das actividades no Centro ou a reparar os danos causados.

2. Suspensión do dereito a participar nas activi- dades extraescolares e complementarias do Centro.

3. Cambio definitivo de grupo.

4. Suspensión do dereito de asistencia a de- terminadas clases durante un período superior a 5 días e inferior a 2 semanas. (Deberá realizar os deberes ou traballos formativos que se determinen).

5. Suspensión do dereito de asistencia ó Centro durante un período superior a 3 días e inferior a 1 mes. (Deberá realizar os deberes ou traballos formativos que se determinen).

6. Cambio de Centro.

As correccións dos incumprimentos das normas, sexa cal sexa o grao destes, deberán ter en conta os seguintes aspectos:

o Non se poderá privar a ningún alumno/a do exercicio do seu dereito á educación.

o Non se poderá privar a ningún alumno/a do seu dereito á escolaridade, no caso da Educación Secundaria Obrigatoria.

o Non se poderán impoñer correccións contrarias á integridade física do alumno/a.

o Non se poderán impoñer correccións contrarias á dignidade persoal do alumno/a.

o As correccións respectarán a proporcionalidade coa conducta do alumno/a.

o Contribuirán á mellora do proceso educativo.

o Terán en conta a idade do alumno/a.

o Terán en conta as circunstancias persoais, familiares e sociais do alumno/a.

As circunstancias atenuantes e acentuantes que se deberán ter en conta nos procedementos de corrección, sexa cal for o seu grao, e sexa cal for o tipo de falta cometida, quedan establecidas da seguinte maneira:

CIRCUNSTANCIAS

PALIATIVAS OU ATENUANTES

CIRCUNSTANCIAS ACENTUANTES

· O recoñecemento espontáneo da súa conducta incorrecta.

· A falta de intencionalidade.

· A premeditación.

· A reiteración.

· Causar dano, inxuria ou ofensa ós compañeiros de menor idade e ós acabados de incorporar ó Centro.

· Calquera acto que atente contra :

· A non discriminación por razón de nacemento; raza; sexo; capacidade económica; nivel social; conviccións políticas, morais ou relixiosas.

· A non discriminación por razóns físicas, sensoriais ou psíquicas.

· Calquera outra condición ou circunstancia persoal ou social.

Poderán corrixirse os actos contrarios ás normas de convivencia realizados polos alumnos/as:

· No recinto escolar.

· Durante a realización de actividades complementarias e extraescolares.

· Fóra do recinto escolar, que estean motivadas ou directamente relacionadas coa vida escolar e afecten ós compañeiros/as ou a outros membros da Comunidade Escolar.

O procedemento para a incoación dun expediente sancionador queda establecido da seguinte maneira:

Conductas sancionables previa instrucción de expediente sancionador	· As gravemente prexudiciais para a convivencia no Centro, agás nos casos nos que sexan corrixidas a través dalgún dos tres primeiros graos de corrección establecidos no Art. 71 deste RRI.
Iniciación	· Por acordo da Dirección do Centro. · Por propia iniciativa. · Por proposta do Consello Escolar.
Instructor/a	· Profesor/a do Centro designado pola Dirección, preferentemente sen relación directa co alumno/a.
Comunicación da incoación do expediente	· Ós pais, titores ou responsables do menor. Ó alumno/a, se é maior de idade. · Á Inspección Educativa.
Recusación do instructor/a	· Polo alumno/a e, se é o caso, os seus representantes legais. · Ante o Dirección do Centro. · Cando da súa conducta ou manifestacións poida inferirse falta de obxectividade na instrucción do expediente.
Medidas provisionais	· Poderá adoptalas a Dirección do Centro: · Por decisión propia. · A proposta do instructor/a. · Poderán adoptarse: · Ó iniciarse o procedemento. · En calquera momento da instrucción. · Poderán consistir en: · Cambio temporal de grupo. · Suspensión do dereito de asistencia ó Centro ou a determinadas clases por un período que nos sexa superior a 5 días. · Deberán comunicarse ó Consello Escolar. · O Consello Escolar poderá revogalas en calquera momento.
Prazo de iniciación	· Non superior a 10 días desde que se tivo coñecemento dos feitos sancionables.
Trámite de audiencia	· O alumno e ademais, se é menor de idade, os pais ou representante legais, comunicándolles: · As conductas que se lle imputan. · As medidas de corrección que se propoñen ó Consello Escolar.
Prazo de instrucción	· Non deberá exceder de 7 días.
Resolución	· Polo Consello Escolar. · No prazo máximo de 1 mes desde a iniciación.
Recursos contra a resolución	· Recurso Ordinario: · Diante do Delegado/a Provincial da Consellería de Educación e Ordenación Universitaria. · No prazo de 1 mes a contar desde a súa notificación.
Prescrición das sancións	· Ó remate do curso escolar.

O procedemento específico para a sanción das expulsións de aula, recollidas no art. 55 do presente RRI, será o seguinte:

1. Cando un alumno/a acumule dúas (2) expulsións de aula, será amoestado oficialmente, independentemente de que algunha das expulsións tivese xa prescrito segundo se dispón no art. 66 deste RRI.

2. Cando un alumno/a acumule un total de tres (3) ou máis expulsións de aula sen que ningunha delas tivese prescrito, seralle de aplicación a corrección g) recollida no art. 67 deste RRI.

3. O feito de que un alumno/a non cumpra, no momento de ser expulsado da aula, con algún dos requirimentos recollidos no art. 55, provocará que a expulsión sexa considerada dobre, levando esta circunstancia á aplicación do suposto correspondente recollido no presente art..

4. A reiteración das expulsións de aula, unha vez feita efectiva a corrección g) recollida no art. 67, provocará a apertura dun expediente sancionador, tal e como establece o art. 75 do presente RRI.

Os Partes de Actitudes e Accións Contrarias ás Normas de Convivencia terán a mesma consideración, ós efectos das prescricións do presente Art., que as expulsións de aula.

Actividades complementarias e extraescolares Contidos

Asistencia ás actividades

1. A asistencia ás actividades complementarias é sempre voluntaria para o alumnado cando estas se desenvolvan, na súa totalidade ou en parte, fóra do seu horario lectivo.

1. Como norma xeral, os alumnos/as que non participen nas actividades complementarias terán que asistir á clase. O Equipo Directivo analizará e determinará en qué casos estas non se van poder desenvolver en condicións de normalidade suficiente e poderá proceder a suspendelas.

1. O profesorado deberá acompañar ó alumnado co que tivese clase cando as actividades programadas sexan para grupos enteiros, teñan lugar dentro do Centro e se solicite a súa colaboración por parte dos responsables da organización do acto.

Calquera que sexa o tipo de actividade complementaria, e independentemente do lugar no que se celebre, son de plena aplicación as normas que rexen no Centro e que se recollen neste RRI.

Programación das actividades complementarias e extraescolares

As actividades de carácter anual e aquelas que se desenvolvan cunha periodicidade prefixada deberán contar coa aprobación do Consello Escolar ó principio do curso.

A relación das actividades citadas no art. anterior figurará na Programación Xeral Anual e do seu calendario darase publicidade tan axiña como o permitan os preparativos necesarios para levalas a cabo.

As actividades complementarias mencionadas terán prioridade a respecto de calquera actividade lectiva.

Cando algún membro do profesorado ou outros membros da Comunidade Escolar desexen desenvolver actividades complementarias non programadas, non fixadas na Programación Xeral Anual, deberán solicitalo á Dirección con antelación suficiente. Facilitarase a información necesaria para que a Dirección poida resolver segundo proceda.

Dependencias e material: uso e conservación Contidos

Aulas

Os membros da Comunidade Escolar terán dereito a usar as dependencias do Centro cando isto non entorpeza outras actividades que se desenvolvan nel. A autorización será competencia da Dirección.

A asignación e utilización de aulas farase seguindo as seguintes normas:

1. A Dirección asignará unha aula a cada grupo para o desenvolvemento normal das súas actividades lectivas. Indicará tamén en qué espacios deben impartirse determinadas materias que requiren do uso de medios específicos ou que coinciden na súa hora con outras optativas.

1. As aulas de desdobramento poderán ser utilizadas, fóra das horas de ocupación marcadas pola Dirección, polo profesorado que o desexe. Deste feito facilitarase comunicación á Xefatura de Estudios.

1. A aula de medios audiovisuais poderá ser utilizada polo profesorado nas horas nas que esta non teña unha ocupación fixa, previa solicitude á Xefatura de Estudios. A prioridade na utilización virá marcada pola orde de solicitude.

1. Para usar as aulas específicas en horas nas que non estean ocupadas deberase contar co permiso do Xefe ou Xefa de Departamento que imparta as súas clases nelas. Unha vez obtido este, informarase da circunstancia á Xefatura de Estudios.

Biblioteca

O funcionamento da Biblioteca do Centro regúlase da seguinte maneira:

1. Todos os membros da Comunidade Educativa terán acceso á Biblioteca.

1. O horario de apertura da Biblioteca coincidirá co horario lectivo, sempre e cando haxa dispoñibilidade no horario do profesorado para facelo.

1. O profesorado encargado da Biblioteca será designado a principios de curso.

1. En horas non lectivas os alumnos/as poderán usar a Biblioteca con permiso dalgún profesor ou subalterno que se responsabilice da súa custodia.

1. O Equipo Directivo nomeará ó comezo do curso un responsable da Biblioteca que organizará o seu funcionamento.

1. O profesorado encargado da Biblioteca deberá atender o servicio de préstamo e devolución de libros e colaborar coas tarefas de mantemento da Biblioteca.

2. O período de préstamo dos libros será de 10 días, renovables. Non poderán sacarse fóra do Centro diccionarios, enciclopedias nin outro tipo de libros ou publicacións que decida o equipo de profesorado responsable da Biblioteca.

3. O período de préstamo poderá variar por decisión do equipo responsable da Biblioteca derivada da necesidade de utilización de determinadas publicacións.

Recursos materiais

Todo os instrumentos ou materiais existentes no Centro que fosen mercados con fondos públicos, así como aqueles que lles fosen dados ó profesorado, ó alumnado ou ós pais, en tanto que membros da Comunidade Escolar, son propiedade do Centro. Deberán ser mantidos cos seus orzamentos e poderán ser usados por calquera dos demais membros da Comunidade que os precisen para o desenvolvemento do seu labor educativo dentro do instituto, sen prexuízo do que se dispón nos art. seguintes. A Dirección promoverá o inventariado destes materiais.

Os materiais serán usados tendo en conta as seguintes directrices:

1. Terán prioridade absoluta para o uso de determinados recursos materiais aqueles Departamentos que os mercasen cos fondos que o Centro lles tivese asignado para o desenvolvemento do seu labor ou que os recibisen como doazón de entidades ás que llelos solicitaron.

1. Terán dereito preferente de uso sobre determinados recursos materiais aqueles Departamentos que tivesen solicitado a súa adquisición por parte do Centro por consideralos necesarios para o desenvolvemento das actividades docentes nas materias que lles corresponde impartir.

1. Nos casos anteriores, o uso dos materiais por parte doutros profesores/as require a autorización por parte dos Xefes/as de Departamento que os tivesen asignados. Se tal autorización fose denegada, deberanse facer constar por escrito as causas que motivan a negativa. A Dirección resolverá a procedencia de tal resposta.

Os Departamentos poderán mercar material didáctico en función das súas necesidades e das partidas do orzamento.

Para a custodia de materiais teranse en conta as seguintes directrices:

1. Os materiais asignados a determinados Departamentos ou colectivos quedarán baixo a súa custodia e será da súa responsabilidade informar do seu deterioro.

1. Os libros adquiridos a petición dos Departamentos poderanse custodiar nos locais destes cando se trate de material de consulta para o profesorado. En todo caso, deberán estar fichados na Biblioteca, con mención expresa da súa localización.

1. Os materiais que sexan propiedade do Centro non se poderán sacar deste sen o coñecemento e a autorización expresa da Dirección.

Persoal Non Docente. Contidos

Dentro do respecto ós dereitos e ás obrigas marcadas pola lei, o Persoal Non Docente desenvolverá con dilixencia o traballo que lle solicite o profesorado para cumprir co seu labor docente e realizará as tarefas que lle encomende o Equipo Directivo para o axeitado funcionamento do Centro.

No caso de discrepancia entre as ordes recibidas de distintos membros do profesorado, estarase ó que dispoña a Secretaría ou outro compoñente do Equipo Directivo do Centro.

Os membros do Persoal Non Docente teñen dereito a que sexan escoitadas as súas suxestións sobre a distribución das tarefas que lles corresponde desenvolver como colectivo.

Se algún membro do Persoal Non Docente está en desacordo coas ordes recibidas poderá reclamar por escrito, sucesivamente, ante a Secretaría, a Dirección e o Consello Escolar do Centro.

En caso de incumprimento das súas obrigas, e sempre tendo en conta as circunstancias nas que estas faltas se produzan, os membros do Persoal Non Docente poderán ser:

a. Amoestados verbalmente pola Secretaría ou pola Dirección do Centro.

b. Apercibidos por escrito.

c. Comunicados os feitos á Delegación de Educación para que se tomen as medidas pertinentes.

Actuación en situacións de continxencia Contidos

No caso de producirse algunha situación de continxencia que obrigue a desaloxar o edificio do Centro, seguirase o plano de evacuación que se inclúe como anexo a este RRI, xunto coas instruccións que o acompañan.

Revisión do Regulamento Contidos

A revisión do RRI deberá ser planeada no comezo de calquera curso escolar, formando parte o proxecto de revisión da Programación Xeral Anual do Centro. Calquera dos órganos enumerados no art. 97 deste RRI poderán propoñer diante da Dirección do Centro a revisión do RRI, correspondéndolle á Dirección promover a redacción das modificacións do mesmo.

Na revisión do RRI deberán participar todos e cada un dos sectores da Comunidade Educativa. Correspóndelle á Dirección do Centro promover a redacción dun borrador que deberá ser debatido polos seguintes organismos:

a. Claustro de Profesorado.

b. Xunta de Delegados/as.

c. Asociacións de Alumnado.

d. Xunta do Persoal Non Docente.

e. Asociacións de Pais e Nais do Alumnado.

O Consello Escolar do Centro estudiará as contribucións de todos os sectores da Comunidade Educativa e aprobará a redacción definitiva do RRI.

Contidos