Vexa a reportaxe gráfica clicando na imaxe ou na ligazón debaixo

http://centros.edu.xunta.es/iesdocastro/?page_id=2768

Só se pode matricular o alumnado que superou o 2º curso de bacharelato.

A matrícula hai que facela na secretaría do IES do CASTRO: o luns 27 e o martes 28 de maio, de 9 a 13:00 horas.

Antes de matricularse farase o depósito do TÍTULO DE BACHAREL.
– Hai que recoller en secretaría o impreso de TAXAS AUTOLIQUIDACIÓN, facer o ingreso que corresponda nunha entidade bancaria e facer o depósito de título no momento de formalizar a matrícula das probas de selectividade.

Documentación necesaria para a matrícula das PAU:– Fotocopia do DNI ou Pasaporte sen recortar.
– Xustificante (folla amarela e rosa) de ter aboadas as taxas de matrícula e documentación que acredite, se é o caso, a exención das mesmas.
– Formulario de solicitude de opcións do bacharelato polas que concorre ás PAU debidamente cuberto.
– Fotocopia da tarxeta (vixente) de familia numerosa para o alumnado que alegue esta circunstancia.
– Fillos de funcionarios das Universidades de Galicia: Certificación dos servizos de persoal, e fotocopia do Libro de Familia para xustificar que son fillos de funcionarios.

» NOTA: todas as fotocopias deberán vir acompañadas dos orixinais para facer as compulsas.

O día 3 de xuño o alumnado deberá revisar no centro os datos contidos nas listaxes provisionais de matriculados (e facer a reclamación pertinente se fora o caso antes das 14h).

Máis información nos taboleiros, na secretaría do instituto, no blogue do Departamento de Orientación ou na páxina WEB da CIUG.

Datas dos exames:12,13 e 14 de xuño, na Facultade de Traducción e Interpretación.

NOTA: O alumnado que non se presente ás probas de selectividade pero que queira acceder a un ciclo superior deberá realizar o depósito do título obrigatoriamente.

No seguinte documento pdf tedes as recomendacións enviadas pola CIUG para a realización das probas de selectividade:

instruccions-exames-pau-2013.pdf

No seguinte documento pdf, aparecen os listados provisionais, de admitidos e non admitidos, por nivel educativo para o curso 2013-14:

listaxe-de-admitidos-e-non-admitidos-curso-2013-14.pdf

O día 23 de maio  pola tarde, terán lugar as avaliacións finais dos grupos de 2º Bach. Ao remate das mesmas, en torno ás 21h, faranse públicas as actas das avaliacións, e todo o alumnado poderá comprobar as súas cualificacións.

As reclamacións sobre as cualificacións finais deberán seguer o protocolo que aparece descrito a continuación:

RECLAMACIÓNS 2º CURSO DE BACHARELATO

Lémbrase ó alumnado que non estea conforme coa súa cualificación que o procedemento a seguir é o seguinte:

-1ª Instancia: pedir ó/á profesor/a da asignatura a revisión do seu exame no seguinte prazo: Venres, 24 de maio de 10:00 a 14:00 horas.

- 2ª Instancia: En caso de disconformidade coa reclamación realizada ó/á profesor/a da asignatura o alumnado poderá facer unha reclamación ó Departamento, segundo modelo oficial, no seguinte prazo: Venres e luns, 24 e 27 de maio, ata as 14:00 horas.

As resolucións das reclamacións faranse: o martes, 28 de maio, ás 12:00 horas.

- 3ª Instancia : en caso de disconformidade coa resolución do Departamento o alumnado poderá presentar reclamación ante a Comisión de Supervisión da Consellería de Educación e Ordenanción Universitaria o luns día 3 de xuño.

As resolucións das reclamacións chegarán ó Instituto o venres día 7 de xuño.

Vigo, 15 de Maio de 2.013

A Dirección do IES do Castro

Lémbrase a todo o alumnado de 2º de bacharelato que ten que entregar as chaves das taquillas en conserxería.

Convócase ao alumnado de 2º, 3º e 4º de ESO que se atope nas condicións sinaladas no título deste artigo á realización da proba escrita que constitúe .

Esta proba escrita, cunha duración de 60 minutos, realizarase sen axuda de dicionario. Estará baseada nos temas e prácticas propostos polo profesorado durante os meses do presente curso e que deberon ser realizados polo alumnado segundo o plannnig do dito profesorado.

O alumnado que obtivo 5 puntos ou máis nas probas de febreiro 2012 non terá que facer esta proba.

Lugar, data e hora:

Probas para pendentes de 1º, 2º e 3º de ESO: Aula 211

• Luns, día 27 de maio do 2013, ás 18.15 horas.

No caso de non supera-la proba, (5 puntos ou máis), no mes de setembro haberá unha nova oportunidade, en convocatoria extraordinaria.

Un momento da intervención da escritora na sala de conferencias

LEDICIA COSTAS ASINANDO NO LIBRO DE VISITAS DA BIBLIOTECA

Doc for reviewing

 linguistic_situations_for_english_tenses_final_-review.pdf

Un grupo de alumnas na casa dos Poetas/ Antigo fogar de M.Curros Enríquez

Todos os cursos académicos son moi semellantes,pero este reúne algo especial, porque se celebra o vixésimo aniversario da apertura de curso aló polo ano 1993, tal e como se pon de manifesto pola ampla mostra fotográfica que recobre as paredes dun dos corredores con imaxes desta curta pero densa historia.

Pois ben, para unirnos a esta efeméride non podiamos esquecer unha actividade moi vencellada á biografía  do centro, como é a visita interdisciplinar á comarca de Celanova, e desta xeira a Allariz e Ourense co alumnado de 3º da ESO.

Nesta edición. a xornada celebrouse o día 7 de maio, agardando pola primavera florida e os días máis longos.

En cursos pasados, a tradición marcaba a chegada ata a Baixa Limia por terras do Xurés no concello de Lobios para refrescarnos a memoria romana coa Vía Nova, o baño  en Río Caldo e o xantar no encoro das Conchas. Este día optouse por recortar a distancia e quedarnos por terras de Celanova, entre outras razóns polo terreo enchoupado e a lonxanía da fronteira portuguesa.

Cando eran as dez da mañá estabamos escoitando as campás da igrexa do mosteiro de San Salvador de Celanova e repartíndose o alumnado  en dous grupos para uns visitar o recinto monacal e outros a Casa dos poetas. Os dous lugares de referencia da vila, xa que entre as súas paredes se toman a maior parte de decisións con respecto á vila nos aspectos culturais, políticos e relixiosos.

Nas termas de Outariz

A visita ao mosteiro inclúe unha explicación  de tipo histórico e, sobre todo arquitectónico,dos claustros, o retábulo barroco ou os coros de feitura moi interesante. Este ano, ademais, como coincidiu a visita co horario escolar do Ies de Celanova,  tamén se realizou un percorrido polo famoso Claustro do Poleiro e a Biblioteca, que foi do mosteiro, e impresiona polo seu tamaño e os andeis barrocos en madeira de castiñeiro -Algún case se creu que podía ser a de Howards-.

O recinto monacal, á parte das múltiples actividades que se desenvolven nel, inclúe, nun espazo anexo, que foi horta do mosteiro, a capela mozárabe de San Miguel, -a xoia da coroa-, e unha rocha curiosa da que se teñen dado diferentes interpretacións, se de lugar de cultos pagáns para algún ritual ou ben, simplemente, para uso doméstico (lagar).

Na Casa dos poetas, que pertenceu á familia de Curros, e funciona a xeito de lugar de pequenas exposicións e con información relativa ao poeta por excelencia de  Celanova, tamén  inclúe unha pequena mostra de paneis relativos á biografía e obra do autor, así como algún retallo da obra de Celso Emilio Ferreiro e do que foi presidente da Real Academia Galega, X. L. Méndez Ferrín, poeta e narrador moi vencellado á localidade cercana de Vilanova dos Infantes, lugar no que se venera a virxe do Cristal e que de seguido nos mostraría o crego da parroquia a imaxe conservada e que serviría a Curros para compór o famoso poema narrativo da Virxe do Cristal.

Na horta do mosteiro ao pé da capela de san Miguel

A sorpresa da xornada estivo na decisión de ir repoñer forzas á vila cercana de Allariz, xantar ao pé do río Arnoia, desfrutar da harmonía desta vila que foi recoñecida en 1994 co premio europeo de urbanismo e de seguido encemiñarse cara a Ourense cidade.

O serán estaba, en certo modo, reservado para o lecer e o paseo pousado polo casco vello da cidade das Burgas, pero, tamén había que contar con algún imprevisto; como así foi.

Cando iamos todos decididos a mergullarnos nas novas Burgas públicas, habilitadas para o baño no centro da cidade, a sorpresa e decepción foi total porque xusto ese día fora escollido para reformas. Había que buscar outra alternativa, pasada por auga. Cal? Pois, nesta ocasión,  a solución era doada, dada a abundancia de recursos termais da cidade.

Foi deste xeito como decidimos trasladarnos á ribeira do Miño e achegarnos ata as termas da Chavasqueira e de seguido ás de Outariz, onde se deu cumprida satisfacción ao baño termal, logo dun interesante pero non curto percorrido á beira do río. A xornada remataba entre lusco e fusco cando chegabamos ao Castro.

FOLGA NO SECTOR DO ENSINO. A FOLGA DAS FAMILIAS. XOVES 9 DE MAIO

A ANPA do IES do CASTRO acordou seguir a convocatoria de folga da Plataforma Galega en Defensa do Ensino Público para o día 9 de Maio. A folga é unha protesta contra dos recortes na Educación e contra do anteproxecto de reforma educativa -a LOMCE-, que nos fai retroceder décadas no acadado con tanto esforzo. Rexeitamos a LOMCE porque é un anteproxecto de lei que reproduce un sistema xerárquico e empresarial para o funcionamento dos centros, e dificulta o acceso das clases populares á educación, impoñendo unha educación baseada fundamentalmente na competitividade, afondando a exclusión social e a desigualdade, e desprezando o ensino equitativo, inclusivo e integral, cuxo obxectivo principal debe ser a formación de persoas críticas e responsábeis. Unha lei ao servizo da patronal do ensino privado concertado e da mercantilización da educación que confirma os actuais concertos educativos, e legaliza os centros que segregan alumnado por razón de sexo. Unha lei que deixa ao Consello Escolar sen atribucións decisorias, e ás familias un mero papel de tertulianos nun órgano onde un director imposto toma as decisións.

As ANPAs do IES do Castro, Fleming e Villalaura faremos o xoves unha marcha, xa autorizada pola Delegación do Goberno. Nos congregaremos na Praza do Fleming ás 10:30, para partires en grupo e con pancartas ata o IES do Castro, e logo cara á Praza de España para chegar alí ás 11:30, hora da manifestación Xeral.

Invitamos a tódolas nais, país, profesores e alumn@s que compartan as nosas preocupacións e vaian á folga, a sumarse a esta marcha conxunta dos tres centros que é a marcha de tod@s, e vir xunto con nós á Manifestación Xeral da Praza de España.