Anxo Fariña,(Vigo, 1977) é licenciado en Belas Artes . Escritor, ilustrador e director de Arte. Compaxina o traballo creativo co contacto directo cos seus lectores, tal e como se puxo de manifesto o día quince de abril na súa visita ao Instituto para explicar o proceso creativo da súa obra e , en particular, da colección Os megatoxos, que xa van pola quinta entrega.Aínda que empezou publicando a antedita colección coa extinta A nosa terra, agora é a editorial Xerais a reponsable da publicación da súa obra e á que agradecemos a súa colaboración por ternos brindado a oportunidade de que os escolares poidan descubrir algo máis dos nosos autores e espertar neles maior curiosidade pola lectura, a literatura e a ilustración.

O autor dirixíndose ao auditorio

O retrato de Héctor queda como proba da súa habilidade

A sú axilidade gráfica quedou demostrada co retrato que lle realizou ao alumno que se prestou para levalo a cabo. Despois dunha breve exhibición do modelo, para que o artista puidese obter a información necesaria, íase  ver pronto reflectido na cartolina  -cremos que con bastante acerto- e que pasará a formar parte dos fondos da Biblioteca.