[1]

No segundo trimestre do presente curso escolar o alumnado de 4ºESO A animouse a participar nun proxecto, promovido pola Fundación Barrié, denominado “OlimpiADN”. Foron tres meses de duro traballo nos que os alumn@s, conxuntamente cos de outros vinte centros de toda Galicia, tiveron que superar 4 retos para optar ás tres medallas en xogo: ouro, prata e bronce. Mereceu a pena xa que finalmente foron premiados ca medalla de ouro.                                                        O primeiro reto comezou coa construcción por equipos de maquetas que reproducían a estructura do ADN, a dobre hélice, ademais de traballar sobre cuestionarios que lles permitían coñecer as características de dita molécula. Despois de construídas as maquetas todos os equipos tiñan que elaborar un corto de 4 ou 5 minutos resumindo, de maneira orixinal, o aprendido sobre o ADN.                                                                                                                                         Superado o primeiro reto, e sen tempo para descansar,  tiveron que afrontar o segundo, elaborar un artigo científico sobre a  extracción de ADN a partir de mostras vexetais. Comezaron decidindo que  mostras ían empregar e no laboratorio dispuxéronse a realizar as extraccións, tomaron fotografías do material e método empregados e, consultando bibliografía ao respecto, elaboraron o seu artigo .                                                                                                                                      Sen perder o entusiasmo, tocaba organizarse de novo para superar o terceiro reto, realizar un estudo poboacional sobre a frecuencia de tres caracteres monoxénicos humanos no instituto. Fixeron 630 enquisas, informatizaron os datos, elaboraron  gráficos cos resultados e sacaron as conclusións do seu estudo.                                                                               Despois do pequeño descanso das vacacións de Semana Santa, aínda quedaba un último reto por superar, decorar e personalizar a súa molécula de ADN. Construiron a molécula e, xuntándose unha tarde na aula de plástica, dispuxéronse a decorala; o resultado foi fantástico e dende logo moi artístico.                                                                                     O esforzo, interés e o tempo adicado a este proxecto foi enorme e por iso a sua profesora de Bioloxía síntese moi orgullosa de tod@s eles, que por certo contou coa  colaboración imprescindible de  Elena e Begoña , as súas profesoras de Educación plástica e Informática respectivamente.