- IES do Castro de Vigo - http://centros.edu.xunta.es/iesdocastro -
Concurso de felicitacións de Nadal ‘08
Publicado por Alberte Zato o 3 Decembro, 2008 @ 11:54 pm en Zona ANPAs, Convocatorias | Comentarios desactivados

A Asociación de Nais e Pais do IES O Castro de Vigo convoca un CONCURSO DE FELICITACIÓNS DE NADAL en 2 modalidades:
Felicitacións informatizadas (en powerpoint, flash, …)
Felicitacións tradicionais (formato papel)
Haberá un premio para cada modalidade e categoría consistente nun premio en metálico de 50 € .
Establécense as seguintes categorías:
1º e 2º da ESO
3º e 4º da ESO
1º e 2º de bacharelato
Poderá participar todo o alumnado do instituto sempre que cumpra coas seguintes BASES:
poderanse presentar traballos individual e/ou colectivamente
deberán ser traballos orixinais, e en galego
nalgún lugar deberá aparecer o nome “IES O Castro de Vigo” (encabezado, pé de páxina, no contido da felicitación, etc.)
as felicitacións tradicionais faranse nun formato non superior a 21×14 cm
o xurado poderá declarar deserto calquera premio se estima que non se acada un nivel mínimo de calidade ou orixinalidade.
os traballos presentados serán expostos nas instalacións do centro e na web do instituto
o prazo de presentación dos traballos rematará o 15 de decembro ás 17:00 horas, e o fallo do xurado producirase dous dias despois.
os traballos serán entregados no buzón da ANPA (modalidade B ou disco en modalidade A) e no correo electrónico [1] anpaiesocastro@hotmail.com (so modalidade A), indicando os seguintes datos: nome(s) e apelidos, e curso.
Constituirase un xurado composto por membros da ANPA e do profesorado do Instituto que serán os que decidirán os traballos premiados.
[2]Artigo imprimido dende IES do Castro de Vigo: http://centros.edu.xunta.es/iesdocastro
URL ao artigo: http://centros.edu.xunta.es/iesdocastro/?p=534
URLs neste artigo:
[1] anpaiesocastro@hotmail.com: mailto:anpaiesocastro@hotmail.com
[2] Imaxe: http://www.linkwithin.com/
Clique aquí para imprimir
Copyright © 2008 I.E.S. do Castro de Vigo. Tódolos dereitos reservados.