Hoxe 11 de xuño publícase no DOG a Orde do 3 de xuño de 2025 pola que se establecen as bases reguladoras e se convocan os premios extraordinarios de ESO ao rendemento académico correspondentes ao curso 2024-2025 (código de procedemento ED311D).
En consecuencia, o prazo de matrícula para realizar a proba PEE será de 5 días hábiles, desde mañá 12 de xuño ata o 18 de xuño de 2025, ambos inclusive. A matrícula realizarase nos centros educativos empregando o Anexo I. 

Lembrámoslles que o procedemento de solicitude para optar aos premios extraordinarios de ESO ao rendemento académico terá dúas fases diferenciadas:

• Na primeira fase, o alumnado deberá formalizar no seu centro educativo a matrícula na proba dos premios extraordinarios de ESO ao rendemento académico (proba PEE). 

Aínda que non hai requisito de nota media mínima na ESO para a matrícula na proba PEE, para a solicitude do premio extraordinario de ESO ao rendemento académico SI hai un requisito de nota media mínima na ESO de 9 puntos. SÓ debe matricularse aquel alumnado que teña unha perspectiva realista de acadar esa nota media mínima. 

• Na segunda fase, unha vez publicadas as cualificacións definitivas da proba PEE, o alumnado deberá formalizar unha solicitude para optar á subvención do premio extraordinario de ESO ao rendemento académico.

A proba PEE terá lugar o 26 de xuño de 2025. Os lugares de realización da proba publicaranse no [1] Portal Educativo e na páxina de [2] PremiosEdu ([3] https://www.edu.xunta.gal/premiosedu/).

As listaxes provisionais de persoas admitidas e excluídas da proba PEE publicarase o día 19 de xuño no [4] Portal Educativo e na páxina de [5] PremiosEdu ([6] https://www.edu.xunta.gal/premiosedu/)
O prazo de corrección de erros na matrícula na proba PEE será de 3 días hábiles, do 20 ao 24 de xuño
As listaxes definitivas de persoas admitidas e excluídas na proba PEE publicarase o día 25 de xuño no [7] Portal Educativo e na páxina de [8] PremiosEdu ([9] https://www.edu.xunta.gal/premiosedu/)

Pode consultar toda a información desta convocatoria no [10] Portal Educativo e na páxina de [11] PremiosEdu ([12] https://www.edu.xunta.gal/premiosedu/)