Con motivo da celebración da Xornada pola Ciencia en Galego, a CGENDL e o Departamento de Física de Partículas da Universidade de Santiago de Compostela convidan a todos os centros educativos non universitarios a participar na videoconferencia vía web Do CERN a Compostela coa Física de Partículas.

Nela, investigadores galegos do CERN Centro Europeo de Investigación Nuclear (Laboratorio Europeo de Física de Partículas) e da Facultade de Fisica da USC explicarán os proxectos científicos que desenvolven na actualidade. Ademais de seguir a videoconferencia, os centros escolares que desexen participar terán a posibilidade de interaccionar con eles vía chat.

A videoconferencia terá lugar o xoves 4 de novembro entre as 10:30h e as 11:30h a través dunha sala virtual de fácil manexo para os alumnos de ciencias de 4ºESO e Bacharelato, de 10:30 a 11:30.

http://public.web.cern.ch/public/

https://project-cernland.web.cern.ch/project-CERNland/

http://public.web.cern.ch/public/en/Science/Science-en.html