IES "Francisco Aguiar": Criterios de promoción e titulación na ESO

IES "Francisco Aguiar"

Departamento de Orientación

A orientación vocacional ten por obxecto axudar ó alumnado ó longo da Educación Secundaria a valorar e actualizar as súas preferencias académico profesionais para que poida formular libre e responsablemente a súa decisión persoal, que deberá concretar nun plan ou proxecto concreto.

O proceso de toma de decisións ten que ser realizado polo propio alumno/a, nunca polos outros membros da comunidade educativa, que sí teñen, en cambio, a obriga de ofrecerlle a orientación e información que precisen para levala a cabo.

Fases do programa de orientación académico-profesional:
	1. Fase de información
		Pretende ampliar os coñecementos que o alumno/a ten de si mesmo, o sistema educativo e o mundo laboral, así como dotarlle das habilidades e estratexias persoais de búsqueda, selección, tratamento e transmisión de información.
	2. Fase de reflexión
		Pretende promover as reflexións sobre o axuste entre a realidade persoal do alumno/a e as opcións e posibilidades que se lle presentan.
	3. Fase de toma de decisións
		Debe optar por unha das alternativas educativas ou profesionais que se atopan na oferta.

Obxectivos:

Axudar ó alumnado ó coñecemento de si mesmo.
Proporcionar información ó alumnado sobre os itinerarios académicos e sobre a situación actual e as tendencias no mundo do traballo.
Desenvolver actividades de búsqueda e tratamento da información.
Desenvolver a reflexión e a capacidade crítica para realizar a súa toma de decisións.
Implicar ós pais no proceso para que coñezan e apoien as decisións que os seus fillos toman responsablemente.

Membros do Departamento de Orientación:

Mª Xesús Amparo Mejuto Costa (Xefa de Departamento)
Antonia Doldán Mariño (Profesora Terapeuta)
Mª Pilar Porta Rodríguez (Profesora Terapeuta)

Horario:

Atención ó alumnado: nos recreos e o xoves pola tarde de 16:15 a 17:50 h.
Atención ós pais, con cita previa: polas mañás de 10 a 14 h., e a tarde do xoves de 16:15 a 17:50 h.