IES "Francisco Aguiar". Características do centro

IES "Francisco Aguiar"

Sobre o centro: Características

O Instituto de Educación Secundaria "Francisco Aguiar" de Betanzos toma o seu nome dun ilustre betanceiro do século XVII, D. Francisco Aguiar y Seijas, que foi arcebispo de México, onde fundou distintas institucións docentes e benéficas.

Aínda que o Instituto vén funcionando desde os anos cincuenta, a súa ubicación e instalacións actuais datan de 1980 e a el acoden diariamente para seguir estudios de ESO, BACHARELATO, Ciclo Superior de Formación Profesional de XESTIÓN COMERCIAL E MARKETING e alumnado de Programa CUALE-ESO (Ciclo elemental) e preparación do Ciclo medio da Escola Oficial de Idiomas en Inglés, arredor de 800 alumnos e alumnas, procedentes non só do propio Betanzos, senón tamén de varios concellos que forman parte da súa zona de influencia.

O persoal do Centro está composto no curso 2007-08 por 77 profesores, 1 coidadora, 2 administrativas, 4 conserxes e 5 membros do persoal de limpeza.

O Instituto "Francisco Aguiar" dispón das seguintes instalacións: Álbum de fotos do novo edificio

40 aulas estables.
4 aulas para desdobres.
2 aulas de audio-visuais.
2 Aulas de Música.
2 Aulas de Usos Múltiples.
2 Aulas de Educación Plástica e Visual.
2 Aulas de Tecnoloxía.
2 Aulas de Informática.
1 Aula de Xestión para o Ciclo Superior (con equipamento informático, impresoras color A3, proxector de vídeo, etc).
Aula de Fogar.
Laboratorio de Ciencias Naturais.
Laboratorio de Física.
Laboratorio de Química.
Local para a Asociación de Alumnos.
Cafetería.
2 Bibliotecas.
Ximnasio.
2 pistas polideportivas.
Pavillón Polideportivo cuberto.
Locais para os distintos Departamentos Didácticos.
Salas de Visitas.
Conserxería.
Oficinas.
Arquivo.
Salas de Profesores
Despachos de Dirección, Xefatura de Estudios e Secretaría.
Gabinete de Orientación.
Ampla zona verde.

Durante o curso, o alumnado ten acceso a unha extensa e variada oferta de actividades complementarias e extraescolares: asistencia a representacións teatrais, concertos, conferencias, viaxes didácticas, talleres de medio-ambiente, actividades de orientación sexual, competicións deportivas, concursos, etc...

Existe tamén un grupo de teatro que leva a cabo representacións en datas sinaladas do curso.

Conta, así mesmo, o Instituto "Francisco Aguiar" cun Departamento de Orientación e un Equipo de Normalización e Dinamización Lingüística.