PRIMEIRO CICLO DA ESO
O primeiro ciclo da Educación Secundaria Obrigatoria consta de dous cursos coa particularidade de que a promoción do primeiro ó segundo é automática, e dicir, as calificacións finais do ciclo son as acadadas ó rematar ó segundo curso da ESO.
|
1º ciclo ESO |
|
|
ÁREAS COMÚNS |
MATERIAS OPTATIVAS |
|
Lingua Galega e Literatura Lingua Castelá e Literatura Lingua estranxeira Ciencias Sociais Matemáticas Educación Física Ciencias da Natureza Educación Plástica e Visual Tecnoloxía Música Titoría |
Escoller unha entre: Relixión Actividades de Estudio
Escoller unha entre: 2ª Lingua estranxeira Obradoiro de Expresión Oral Obradoiro de Matemáticas |
Neste ciclo, xunto coas áreas comúns, o alumno deberá cursar unha materia optativa, que será a mesma durante os dous cursos , preferentemente a segunda lingua estranxeira.
Non obstante, por razóns motivadas, o director do centro poderá autorizar que o alumno curse como materia optativa o Obradoiro de Matemáticas ou o Obradoiro de Expresión Oral. Para solicitar estes obradoiros é preciso o informe do titor de 6º de Primaria, a solicitude dos mesmos no centro por parte dos pais ou titores do alumno e o informe do departamento de orientación. A finalidade e contido destes obradoiros, exponse a continuación:
OPTATIVAS ESPECÍFICAS PARA O ALUMNADO QUE PRESENTE NECESIDADES DE FORMACIÓN COMPLEMENTARIA NO ÁMBITO LINGÜÍSTICO OU MATEMÁTICO.
Obradoiro de
matemáticas
O
obradoiro de matemáticas terá unha finalidade primordial: potenciar unha
actitude positiva cara ás matemáticas e unha mellora na súa aprendizaxe
significativa.
Isto acadarase mediante o traballo en grupo, a manipulación de obxectos, o xogo e o traballo de investigación.
Os contidos, especialmente os procedementais, traduciranse en actividades amenas e de resolución de problemas que propicien o gusto polo traballo ben feito e o aumento da autoestima; deberán , tamén, fomenta-la imaxinación e a creatividade.
Obradoiro de
comunicación oral
Debido
ás deficiencias observadas na expresión oral da maioría dos alumnos,
consideramos necesario este obradoiro.
Ten como finalidade mellora-la capacidade comunicativa dos alumnos e das alumnas na súa dimensión oral, xa que o uso que ó longo da súa vida cotiá fan da linguaxe verbal é un uso, básicamente, oral e non sempre é suficiente o tempo que se lle pode dedicar á súa aprendizaxe desde ás áreas de linguas.
Non ten intención de propoñer un estudio teórico, o que se trata é de organizar actividades que presenten situacións reais de comunicación, a través de conversas, debates, exposicións, narracións, descricións, dramatizacións...Con isto preténdese que os alumnos aprendan a falar, falando.