ÍNDICE
TÍTULO PRELIMINAR ................................................................................... 3
TÍTULO I: DA ESTRUCTURA ORGANIZATIVA DO CENTRO .................... 3
CAPÍTULO 1: ÓRGANOS UNIPERSOAIS ......................................................................... 4
CAPÍTULO 2: ÓRGANOS COLEXIADOS .......................................................................... 4
CAPÍTULO 3: ÓRGANOS DE COORDINACIÓN DOCENTE ............................................. 4
· DEPARTAMENTO DE ORIENTACIÓN
· DEPARTAMENTO ACTIVIDADES COMPLEMENTARIAS E EXTRAESCOLARES
· DEPARTAMENTOS DIDÁCTICOS
· COMISIÓN DE COORDINACIÓN PEDAGÓXICA
· COORDINACIÓN DA FORMACIÓN EN CENTROS DE TRABALLO
· EQUIPO DE NORMALIZACIÓN E DINAMIZACIÓN LINGÜÍSTICA
· TITORÍAS
· A XUNTA DE AVALIACIÓN. O proceso de avaliación. Organización das sesións de avaliación. Desenvolvemento das sesións de avaliación Reclamación ás cualificacións.
TÍTULO II: DEREITOS E DEBERES DOS MEMBROS DA COMUNIDADE EDUCATIVA ................................................................................................ 10
CAPÍTULO 1: DEREITOS E DEBERES DOS ALUMNOS/AS ...........................................10
· DEREITOS
· DEBERES
· PARTICIPACIÓN DOS ALUMNOS: Xunta de delegados de curso e normas para a súa elección
· PROTOCOLO ACOLLIDA ALUMNADO NOVO
CAPÍTULO 2: DEREITOS E DEBERES DOS PROFESORES ........................................ 15
· DEREITOS
· DEBERES
· TITORES. Funcións. A súa designación.
· PROFESORES DE GARDA. Procedemento de actuación dos profesores de garda.
· PROTOCOLO DE ACTUACIÓN EN CASO DE ACCIDENTES DO ALUMNADO
· PROTOCOLO DE ACOLLIDA DO PROFESORADO DE NOVA INCORPORACIÓN Ó CENTRO
CAPÍTULO 3: DEREITOS E DEBERES DOS PAIS E NAIS ............................................ 19
CAPÍTULO 4: DEREITOS E DEBERES DO PERSOAL DE ADMINISTRACIÓN E SERVIZOS ........................................................................................................................ 20
TÍTULO III: DAS NORMAS DE CONVIVENCIA .......................................... 21
CAPÍTULO 1: NORMAS DE CONVIVENCIA NO CENTRO ............................................ 21
CAPÍTULO 2: CONDUCTAS CONTRARIAS AS NORMAS DE CONVIVENCIA.............. 25
CAPITULO 3:CONDUCTAS GRAVEMENTE PERXUDICIAIS PARA A CONVIVENCIA DO CENTRO ........................................................................................................................... 26
CAPÍTULO 4: DOS EXPEDIENTES DISCIPLINARIOS ………………………………….... 29
TÍTULO IV: ORGANIZACIÓN DOS RECURSOS, MEDIOS E SERVIZOS.. 29
CAPÍTULO 1: DISPOSICIÓNS XERAIS SOBRE O FUNCIONAMENTO DO CENTRO... 29
CAPÍTULO 2: USO DAS INSTALACIÓNS, MEDIOS E SERVIZOS ................................. 30
a) USO DO MATERIAL AUDIOVISUAL
b) PISTAS POLIDEPORTIVAS E XIMNASIO.
c) DOS ESPAZOS COMÚNS
d) BIBLIOTECA
e) CAFETERÍA
TÍTULO PRELIMINAR
O ámbito de aplicación deste Regulamento de Réxime Interior é a comunidade educativa do lES Dionisio Gamallo Fierros de Ribadeo. O presente Regulamento elabórase de acordo coa suprema norma constitucional, no marco da Lei Orgánica 8/1985, do 3 de xullo que regula o dereito á educación e o Decreto 324/1986 do 26 de xullo polo que se aproba o Regulamento Orgánico dos institutos de ensino secundario, desenvolvendo o Real Decreto 732/1995 do 5 de maio no que se establecen os dereitos e deberes dos alumnos/as e as normas de convivencia nos centros de ensino.
A actividade educativa do noso centro basearase nos seguintes principios:
· O respecto á liberdade de ensino para toda a comunidade educativa, sin que en ningún momento poida verse coartada por ideoloxías sociais, políticas ou relixiosas, estando presidido o labor educativo pola obxectividade e o respecto mutuo.
· Proporcionar ó alumnado unha formación humana e científica que os prepare moral e intelectualmente para a súa participación na vida cultural e social da súa época.
· A convivencia e a disciplina son elementos indispensables en tódalas sociedades humanas para que estas acaden as metas que se propoñan. Convivir, vivir cos demais en orde e paz, e de maneira solidaria, son aspectos realmente imprescindibles en tódolos colectivos humanos.
TITULO I: DA ESTRUTURA ORGANIZATIVA DO CENTRO
ORGANIGRAMA
Unipersoais |
Director/a |
Colexiados |
Consello escolar |
Vicedirector/a |
Claustro profesores |
||
Xefes de estudos |
|||
Secretario/a |
Órganos de coordinación docente
|
DEPARTAMENTOS |
Departamento de orientación |
|
De actividades complementarias e extraescolares |
|
Departamentos didácticos |
|
OUTROS ÓRGANOS |
|
Comisión de Coordinación Pedagóxica |
|
Equipo de Normalización e Dinamización Lingüística |
|
Coordinación de Formación en Centros de Traballo |
Outros órganos funcionais |
Titorías |
Xunta de avaliación |
|
Xunta de delegados |
|
Asociación de nais e pais de alumnos/as |
CAPÍTULO 1: ÓRGANOS UNIPERSOAIS
A elección, competencias, cese e funcionamento dos órganos unipersoais de goberno, isto é, do Equipo Directivo, están recollidas polo miúdo nos artigos 4º ó 35º do Regulamento Orgánico dos IES, de aí o innecesario dunha maior concrección.
CAPÍTULO 2: ÓRGANOS COLEXIADOS
1. O CONSELLO ESCOLAR Composición, atribucións e normas de funcionamento do Consello Escolar. Comisión de Convivencia
O Consello Escolar do centro é o órgano a través do cal participan na súa xestión os distintos membros da comunidade educativa.
A composición, a elección dos seus membros e a súa renovación están reguladas no capítulo 3° do título II do Regulamento Orgánico dos Institutos de Secundaria.
As atribucións do Consello Escolar están recollidas no artigo 44º do ROIES
Ademais do regulamentado nos artigos do 36- 45 dos ROIES, o Consello Escolar aterase ás seguintes normas:
As reunións do Consello Escolar serán “como mínimo, unha vez ó trimestre e sempre que o convoque o Director ou o solicite, polo menos, un terzo dos seus membros. En todo caso, será preceptiva, ademais, unha reunión ó principio do curso e outra ó fin do mesmo” (Art. 51 do ROIES).
O Consello Escolar constituirá unha Comisión de Convivencia na que estarán presentes o Director, o Xefe de Estudos, un profesor, un pai de alumno/a e un alumno/a elixidos por cada un dos sectores.
As competencias da Comisión de Convivencia serán:
a) Resolver e mediar nos conflitos que se presenten no centro.
b) Canalizar as iniciativas de tódolos sectores da comunidade educativa para mellora-la convivencia, o respecto mutuo e a tolerancia no Centro.
c) Informar ó Consello sobre a aplicación das normas de convivencia e colaborar con el na elaboración do informe anual sobre a aplicación de ditas normas.
d) Informar ó Consello de todo aquelo que este lle encomende dentro do seu ámbito de competencia.
2. O CLAUSTRO DE PROFESORES
O claustro de profesores é o órgano propio de participación destes no goberno do centro e ten a responsabilidade de planificar, coordinar e decidir e, se é o caso, informar sobre todos os aspectos docentes do mesmo.
O réxime de funcionamento e competencias do Claustro están recollidas no regulamento Orgánico dos IES, no artigo 47.
CAPÍTULO 3: ÓRGANOS DE COORDINACION DOCENTE
1. DEPARTAMENTO DE ORIENTACIÓN
O Departamento de Orientación axustarase no seu funcionamento ó establecido no Decreto 120/98 de 23 de abril e na Orde 24 de xullo de 1998, normativa que regula a organización dos servizos de orientación en Galicia.
Serán competencia do departamento de Orientación as funcións relacionadas coa orientación académica, psicopedagóxica e profesional, coa atención ós alumnos/as con necesidades educativas específicas e co apoio á acción titorial. Consistirá dentro do centro unha das vías de asesoramento permanente ó profesorado, alumnado e ás familias.
O Departamento de Orientación actuará baixo a dependencia directa da Xefatura de Estudos e en colaboración co Equipo Directivo. Así mesmo, establecerá procedementos de coordinación cos servizos sociais municipais, centros de primaria adscritos, equipo de orientación específico, centros de menores e todas aquelas áreas de benestar social que poidan contribuír a abordar de forma integral as problemáticas que se detecten no alumnado.
2. DEPARTAMENTO DE ACTIVIDADES COMPLEMENTARIAS E EXTRAESCOLARES
Artigo 61°.
Terán carácter de complementarias aquelas actividades didácticas que se realizan co alumnado en horario lectivo e que, formando parte da programación, teñen carácter diferenciado polo momento, espazo ou recursos que utilizan. Así cabe considera-las visitas, traballos de campo, viaxes de estudo, conmemoracións e outras semellantes.
Artigo 62°.
Teñen carácter de extraescolares aquelas que, sendo organizadas polo Centro e figurando na Programación Xeral Anual, aprobada polo Consello Escolar, se realizan fóra de horario lectivo e nas que a participación é voluntaria
A constitución do Departamento de actividades extraescolares, os membros que o forman, e as funcións do mesmo, están recollidas no ROlES, no seu título III, artigos 64°,65°,66°,67°,68°,69º,70º.
Neste regulamento lembramos, polo seu interés para toda a comunidade educativa, que tódalas actividades que se desexe levar a cabo, deberán estar incluídas na Programación Xeral Anual que os distintos Departamentos Didácticos elaboran ó inicio do curso.
De non estar prevista a actividade na Programación Xeral do Centro, o profesor, ou o departamento responsable da mesma, debe presentar ante o Vicedirector do Centro, coa suficiente antelación para cumprimentar os permisos necesarios, un proxecto detallado.
O Centro establece ademais, en canto ás actividades complementarias e extraescolares, as seguintes consideracións:
-Calquera saída do Centro debe contar coa autorización expresa dos pais ou titores dos alumnos/as (cando sexan menores de idade).
- O número de profesores ou pais acompañantes estará en función do número de alumnos/as que participen na actividade, e será un mínimo de un profesor por cada 20 alumnos/as.
- As subvencións ó profesorado serán gastos pagados (para un profesor por cada 20 alumnos/as): viaxe, entradas a teatros, museos, manutención, aloxamento, etc. Ó término da actividade deberán presentarse as facturas ou xustificantes dos gastos feitos na Secretaría do Centro.
- As subvencións ós alumnos/as estarán suxeitas ás dispoñibilidades económicas do Centro e serán aprobadas en cada caso particular.
- Se por existir moitas solicitudes non houbese prazas para tódolos alumnos/as, excluiranse aqueles que teñan algunha sanción.
- Aqueles alumnos/as que no momento da realización da actividade, teñan pendente algunha sanción, non poderán participar na mesma.
- O alumno que teña un comportamento non axeitado nunha actividade extraescolar non poderá participar noutras polo tempo que estableza a Comisión de Convivencia. Se a actividade durase varios días, o profesor responsable da mesma, pode decidir a súa volta á casa, previa comunicación ós seus país ou titores. Se a falta é grave, ademais desta medida, decidirá a Comisión de Convivencia.
- Ó remate de cada actividade extraescolar ou complementaria, os profesores encargados da mesma comunicarán á Xefatura de Estudos tódalas incidencias de tipo disciplinario que puidesen ter ocorrido na mesma. Esta, tras oír os alumnos/as, decidirá as sancións oportunas e se é preciso reunirá o Comisión de Convivencia
3. DEPARTAMENTOS DIDÁCTICOS
Artigo 71°.
Os Departamentos Didácticos son os órganos básicos encargados de organizar e desenvolve-las ensinanzas propias das áreas, materias ou módulos profesionais correspondentes, e as actividades que se lles encomenden, dentro do ámbito das súas competencias.
As súas competencias, designación e funcións, están recollidas nos artigos 73º, 74º, 75º e 76º do título III do ROIES.
4. COMISIÓN DE COORDINACIÓN PEDAGÓXICA
A Comisión de Coordinación Pedagóxica nace co principio de fomentar a autonomía pedagóxica dos centros e a idea de contextualizar o currículo como froito da participación e o consenso
A CCP é o instrumento de planificación da acción educativa e de reflexión sobre a práctica docente, é o órgano de coordinación da participación do profesorado e é tamén a encargada da elaboración, seguimento e avaliación dos Proxectos Curriculares.
A súa composición e competencias están recollidas no artigo 77º do título III do ROIES
5. COORDINADOR DE FORMACIÓN EN CENTROS DE TRABALLO
Naqueles centros nos que se impartan dous ou máis grupos de ciclos formativos ou programas de garantía social crearase a figura do coordinador de formación en centros de traballo.
As funcións que debe asumir, así como a designación do Coordinador da FCT, vén recollida nos artigos 78°, 79º, 80º, e 81°do capítulo VI, do título III do ROIES
6. EQUIPO DE NORMALIZACIÓN E DINAMIZACIÓN LINGÜÍSTICA
Para potenciar o uso da lingua galega constituirase nos centros un equipo de normalización e dinamización lingüística.
Os seus compoñentes, competencias e funcións, están recollidas nos artigos 82°, 83°, 84°,85°, 86° e 87° do ROIES.
7. TITORÍAS
Artigo 59°
1. Cada profesor titor/a, ademais das súas tarefas docentes específicas, realizará, cando menos, as seguintes funcións:
a) Participar no desenvolvemento do Plano de Acción Titorial e nos actividades de orientación, baixo a coordinación do Xefe ou Xefa de Estudos e en colaboración co Departamento de Orientación.
b) Proporcionarlles no principio de curso, ó alumnado e ós pais e nais, información documental ou, no seu defecto, indicar onde poden consultar todo o referente a calendario escolar, horarios, horas de titoría, actividades extraescolares e complementarias previstas, programas escolares e criterios de avaliación no grupo.
c) Coñece-las características persoais de cada alumno/a a través da análise do seu expediente persoal e doutros instrumentos válidos para conseguir ese coñecemento.
d) Coñece-los aspectos da situación familiar e escolar que repercuten no rendemento académico de cada alumno/a.
e) Efectuar un seguimento global dos procesos de ensinanza-aprendizaxe do alumnado con necesidades educativas específicas, co obxecto de busca-las respostas educativas axeitadas e solicita-los oportunos asesoramentos e apoios.
f) Coordina-las adaptacións Curriculares necesarias para alumnos/as do seu grupo.
g) Facilita-la integración do alumnado no grupo e fomenta-la súa participación nas actividades do Centro.
h) Orienta-lo alumnado dunha maneira directa e inmediata no seu proceso formativo.
i) Informar ó equipo de profesores do grupo de alumnos/as das súas características, especialmente naqueles casos que presenten problemas específicos.
j) Coordina-lo axuste das diferentes metodoloxías e principios de avaliación programados para o mesmo grupo de alumnos/as.
k) Organizar e presidi-las sesións de avaliación do seu grupo.
l) Favorece-lo proceso de maduración vocacional orientando e asesorando o alumnado sobre as súas posibilidades académicas e profesionais.
m) Colaborar co Departamento de Orientación do Instituto nos termos que estableza a Xefatura de Estudos.
n) Colaborar cos demais titores e co Departamento de Orientación no marco dos Proxectos Educativo e Curricular do Centro.
ñ) Orienta-las demandas e inquedanzas do alumnado e mediar, en colaboración co delegado do grupo, ante o resto do profesorado, alumnado e Equipo Directivo nos problemas que se presenten.
o) Informar ó alumnado do grupo, ós pais e nais e ó profesorado de todo aquelo que lles afecte en relación coas actividades docentes e o rendemento académico.
p) Facilita-la cooperación educativa entre o profesorado e os pais e nais de alumnos/as.
q) Exercer, de acordo co Proxecto Curricular, a coordinación entre os membros do Equipo docente.
r) Cubri-los documentos oficiais relativos ó seu grupo de alumnado.
s) Controla-la falta de asistencia ou puntualidade do alumnado, e ter informados os pais e nais ou titores e o Xefe ou Xefa de Estudos.
t) Implica-las familias nas actividades de apoio á aprendizaxe e orientación dos seus fillos.
u) Atender, xunto co resto de profesorado, os alumnos/as mentres estes permanecen no centro nos períodos de lecer
2. No caso dos ciclos formativos de formación profesional, o titor ou titora asumirá tamén, respecto ó módulo de formación en centros de traballo, as seguintes funcións:
a) Elabora-lo programa formativo do módulo, en colaboración co responsable designado para estes efectos polo centro de traballo.
b) Avalia-lo módulo, tendo en conta o informe do responsable designado por parte do centro de traballo sobre as actividades realizadas polos alumnos/as durante o período de estadía nese centro.
c) Manter contactos periódicos co responsable designado polo centro de traballo, co fin de contribír a que o programa de formación se axuste á cuaIificación que se pretende.
d) Atender no Centro educativo os problemas de aprendizaxe que presente o seu grupo de alumnos/as e valorar de xeito continuado as actividades correspondentes ó programa de formación.
e) Informar sobre as peticións de validacións ou exencións formuladas polo alumnado do ciclo formativo.
f) Tramitar para o seu grupo de alumnos/nas a documentación relativa á formación en centros de traballo.
g) Axudar ó departamento na identificación da necesidade de colaboración de expertos, así como no calendario de intervención.
h) Propoñer, para a súa aprobación polo Consello Escolar, a distribución da asígnación económica destinada a estas ensinanzas.
i) Informar á Dirección do Centro de todo o referente ó ciclo formativo.
j) Redacta-la memoria final de curso, que se incluirá na memoria de Centro.
8. A XUNTA DE AVALIACIÓN. O proceso de avaliación. Organización das sesións de avaliación. Desenvolvemento das sesións de avaliación Reclamación ás cualificacións.
f) O proceso de avaliación
A avaliación terá carácter formativo e estará integrada no proceso educativo de maneira sistemática. As actividades de avaliación orientaranse á detección dos progresos realizados polo alumno/a en todos os ámbitos do seu desenvolvemento.
A avaliación levarase a cabo tendo en conta os obxectivos educativos, así como os criterios de avaliación establecidos no Proxecto Curricular do Centro.
g) Organización das sesións de avaliación:
A Xefatura de Estudos, oída a CCP, proporá ó Claustro a comezo do curso, para a súa aprobación, as datas aproximadas nas que se realizarán as sesións de avaliación.
· As sesións de avaliación utilizarán como instrumento básico as informacións e cualificacións que, sobre cada alumno/a e sobre o grupo, aporten os profesores das distintas disciplinas.
· Realizaranse tres avaliacións ó longo do curso na ESO e Bacharelato e BACEPA, máis a extraordinaria de setembro. Ademais, na ESO desenvolverase en todos os cursos unha avaliación inicial, que terá como obxectivo a exploración das capacidades, actitudes e coñecementos dos alumnos/as; a devandita avaliación realizarase o comezo do curso. Na ensinanza de adultos realizarase unha avaliación ordinaria por cuadrimestre na ESA nivel III e nos PGS tres avaliacións ó longo do curso. No Ciclo Formativo de grao superior seguirase o establecido na normativa reguladora de avaliación relativa á formación profesional.
· A Xefatura de Estudos convocará as sesións de avaliación con antelación suficiente e entregará a cada profesor-titor/a a documentación necesaria (modelos de informes, de actas, procedimentos a seguir,etc).
· As sesións de avaliación serán presididas polo titor/es do curso e deberán asistir todos os profesores que imparten docencia nese curso e un membro do Departamento de Orientación, preferentemente a orientadora. Tamén é recomendable a presenza dun membro do Equipo Directivo nas avaliacións.
· Cando as circunstancias o aconsellen, a Xefatura de Estudos poderá convocar reunións extraordinarias das Xuntas de Avaliación para tratar problemas específicos, sen entrega de cualificacións
Os Xefes de Departamento recollerán nas programacións didácticas os criterios de avaliación e cualificación para cada nivel. Cada profesor/a informará ós seus alumnos/as de ditos criterios, así como dos instrumentos que se van empregar para a súa avaliación. O profesorado acordará co seu alumnado as datas das probas máis relevantes que deberán realizar ó longo do curso.
h) Desenvolvemento das sesións de avaliación:
O profesorado deberá introducir as cualificacións dos seus alumnos/as no programa informático de xestión educativa con anterioridade ás sesións de avaliación para que o titor/a poida imprimir unha acta provisional.
O titor/a entregará unha copia da acta provisional a cada un dos profesores e informará á Xunta de Avaliación da evolución xeral do grupo e das opinións do alumnado do seu grupo sobre os factores que incidiron nos seus resultados e das súas propostas de mellora.
Durante a sesión de avaliación o profesorado aportará información sobre o grupo en xeral e sobre cada alumno/a, centrándose en aspectos tales como: actitude, esforzo, interrelación, asimilación de contidos e progreso. Así mesmo, o profesorado analizará qué medidas é conveniente tomar para que a formación educativa e persoal do alumnado mellore.
Un dos titores do grupo encargarase de introducir no programa informático os cambios que poidan xurdir nas cualificacións. No caso dun só titor/a por grupo, delegarase esta función noutro profesor da Xunta de Avaliación ou nun membro do Equipo Directivo.
Da sesión de avaliación levantarase acta, que será asinada por tódolos membros do profesorado presentes, na que conste os acordos tomados. Esta acta, xunto coas cualificacións definitivas, seranlle entregadas polo titor/a á Xefatura de Estudos.
En días sucesivos, o titor/a entregaralle a cada alumno/a o boletín de notas cos datos aportados por cada profesor tan pronto como estea confeccionado por Secretaría. E os alumnos/as deberán devolverlle ó titor/a o boletín de notas completo, asinado polo pai, nai ou persoa responsable.
Os titores informarán ó seu grupo das opinións recollidas na sesión de avaliación que sexan relevantes para a mellora de actitudes e comportamentos e realizarán entrevistas con alumnos/as e/ou as súas familias, por propia iniciativa, a instancias do Equipo Docente ou por requerimento dos pais, para comentar os resultados e buscar solucións os problemas detectados.
Nas sesións de avaliación correspondentes á avaliación final adxuntaranse ós boletíns as observacións que sexan necesarias en canto a promoción e as medidas pedagóxicas a adoptar. Para a decisión de promoción ou titulación aplicaranse os criterios oficiais e os complementarios propios do Centro.
i) Reclamación ás cualificacións.-
En caso de desconformidade cunha cualificación parcial, o alumnado poderá reclamar ante o propio profesor. No caso de persisti-la discrepancia seguirase o procedemento establecido acorde as ensinanzas cursadas (ESO, BACHARELATO, CICLO FORMATIVO, PGS,…)
Os alumnos/as e os seus pais ou titores legais poderán reclamar contra as decisións e cualificacións que, como resultado do proceso de avaliación, se adopten ó rematar un ciclo ou curso. Dita reclamación deberá presentarse mediante instancia dirixida á Dirección, no prazo estipulado no calendario de fin de curso. A solicitude será atendida primeiramente por un integrante do departamento correspondente, e logo, por este no seu conxunto. De non chegar a un acordo nesta instancia, seguiranse os trámites de reclamación sinalados na lei vixente.
TÍTULO II: DEREITOS E DEBERES DOS MEMBROS DA COMUNIDADE EDUCATIVA
CAPÍTULO 1: DEREITOS E DEBERES DOS ALUMNOS/AS
Os alumnos/as teñen dereito a...
· Recibir unha formación que asegure o pleno desenvolvemento da sua personalidade
· Ás mesmas oportunidades de acceso os distintos niveles do ensino
· Que o seu rendemento escolar sexa avaliado con plena obxectividade
· Que a súa actividade académica se desenvolva nas debidas condicións de seguridade e hixiene
· Que se respecte a súa liberdade de conciencia, as súas conviccións relixiosas, morais ou ideolóxicas, así como a súa intimidade no que respecta a tales crenzas ou conviccións.
· Que se respecte a súa integridade física e moral e a súa dignidade persoal, non podendo ser obxecto, en ningún caso, de tratos vexatorios ou degradantes
· Participar no funcionamento e na vida dos centros, na actividade escolar e na xestión dos mesmos, de acordo do disposto na LOE e nos respectivos Regulamentos Orgánicos
· Elixir mediante sufraxio directo e secreto, os seus representantes no Consello Escolar e os delegados do grupo nos termos establecidos nos correspondentes Regulamentos Orgánicos dos Centros
· Asociarse, creando asociacións, federacións e confederacións de alumnos/as
· Asociarse unha vez rematada a súa relación co centro, ó término da súa escolarización, en entidades que reúnan os antigos alumnos/as e colaborar o través delas no desenvolvemento de actividades do centro
· Ser informados polos membros da Xunta de Delegados e polos representantes nas asociacións de alumnos/as tanto das cuestións propias do seu centro, como de tódalas que lles afecten a outros centros docentes e o sistema educativo en xeral
· Liberdade de expresión sen prexuízo dos dereitos de tódolos membros da comunidade educativa e o respecto que merecen as institucións de acordo cos principios e dereitos constitucionais
· Manifestar a súa discrepancia respecto ás decisións educativas que lles afecten
· Reunirse nos centros para actividades de carácter escolar ou extraescolar que formen parte do PEC así como para aquelas outras ás que poida atribuírse unha finalidade educativa ou formativa
· Utilizar as instalacións dos centros coas limitacións derivadas da programación de actividades escolares e extraescolares e coas precaucións necesarias en relación coa seguridade das persoas, a axeitada conservación dos recursos e o correto destino dos mesmos
· Participar en calidade de voluntarios, nas actividades doutros centros docentes
· Percibir as axudas precisas para compensar posibles carencias de tipo familiar, económico e sociocultural, de forma que se promova o seu dereito de acceso ós distintos niveis educativos
· Que se respecten os seus dereitos
O estudo constitúe un deber básico dos alumnos/as e concrétase nas seguintes obrigacións:
Ademais
3. PARTICIPACIÓN DOS ALUMNOS/AS: Xunta de Delegados de curso e normas para a súa elección
A participación dos alumnos/as na vida do centro ten que ser, ademais, un instrumento para conseguir os fins e obxectivos xerais que o centro se propón acadar cos seus alumnos/as.
A Xunta de Delegados, a súa composición e as súas competencias, recóllense no ROIES no Título V:
Artigo 107º
No IES existirá unha Xunta de Delegados integrada polos representantes dos alumnos/as e alumnas dos distintos grupos e polos representantes dos alumnos/as no Consello Escolar
Artigo 108°.
A Xunta de Delegados estará presidida por un dos seus membros elixido entre os seus compoñentes.
Artigo 109°
É competencia do delegado que preside a xunta:
a) Convoca-las reunións que se precisen.
b) Presidi-las reunións e coordina-las mesmas
c) Responsabilizarse de que se levante acta das reunións
d) Facer chega-las propostas da Xunta de Delegados ós distintos órganos de dirección ou de coordinación didáctica do centro.
Artigo 110°.
A Xunta de Delegados poderá reunirse en pleno ou, cando a natureza dos problemas o faga máis conveniente, en comisións que reúnan ós delegados dun curso ou dunha das etapas educativas que se impartan no instituto, logo do coñecemento do Director ou Directora e sen que esto implique alteración no normal desenvolvemento das actividades docentes
Artigo 111°.
1. Cada grupo de alumnos/as elixirá, por sufraxio directo, secreto e non delegable durante o primeiro mes do curso escolar, un delegado de grupo, que formará parte da Xunta de Delegados. Elixirase tamén un subdelegado en caso de ausencia ou enfermidade e apoiarao nos súas funcións
2. As eleccións de delegados, subdelegados, así como a do delegado que presidirá a Xunta de Delegados, serán convocadas polo Xefe de Estudos, e organizadas por este en colaboración cos titores dos grupos e os representantes dos alumnos/as no Consello Escolar.
3. A designación dos delegados, subdelegados e delegado presidente da Xunta de Delegados poderá ser revogada, logo do informe razoado dirixido ó titor ou titora, pola maioría absoluta dos alumnos/as do grupo que os elixiron. Neste caso, procederase á convocatoria de novas eleccións nun prazo de quince días e de acordo co establecido no apartado anterior.
Artigo 112º
A Xunta de Delegados terá as seguintes funcións:
a) Elevar ó Equipo Directivo propostas para a elaboración do Proxecto Educativo de instituto por iniciativa propia ou por petición daquel
b) Informar ós representantes dos alumnos/as no Consello Escolar dos problemas de cada grupo ou curso
c) Recibir información dos representantes dos alumnos/as do Consello Escolar sobre os temas tratados nel, e das confederacións, federacións estudantís e organizacións xuvenís legalmente constituídas.
d) Elaborar informes para o Consello Escolar por iniciativa propia ou por petición deste.
e) Elaborar propostas de modificación do Regulamento de Réxime Interior, dentro do ámbito da súa competencia
f) Informar ós alumnos/as do centro das actividades da Xunta de Delegados
g) Formular propostas ó Xefe de Estudos para a elaboración dos horarios e ó Xefe ou Xefa de Departamento de actividades complementarias e extraescolares para a organización das mesmas
h) Debate-los asuntos que vaia trata-lo Consello Escolar no ámbito da súa competencia e elevar propostas de resolución ós seus representante nel.
Artigo 113°.
Cando o solicite, a Xunta de Delegados, en pleno ou en comisión, deberá ser oída polos órganos de goberno do instituto, nos asuntos que, pola súa índole, requiran a súa audiencia e, especialmente, no que se refire a:
a) Celebración de probas e exames
b) Establecemento e desenvolvemento de actividades culturais e deportivas do instituto
c) Presentación de alegacións e reclamacións nos casos de abandono ou incumprimento das tarefas educativas por parte dalgún membro do Equipo Docente do instituto
d) Alegacións e reclamacións sobre a obxectividade e eficacia no valoración do rendemento académico dos alumnos/as
e) Proposta de sancións ós alumnos/as pola comisión de faltas que leven aparellada a incoación de expediente
f) Libros e material didáctico que sexa obrigatorio utilizar no instituto
g) Outras actuacións e decisións que afecten de modo especifico ós alumnos/as
Artigo 114°
Corresponde ós delegados de grupo:
a) Asistir as reunións da Xunta de Delegados e participar nas súas deliberacións
b) Expoñer ás autoridades académicas as suxestións e reclamacións do grupo ó que representan
c) Fomenta-la convivencia entre os alumnos/as do seu grupo.
d) Colaborar cos profesores e profesoras e co Equipo Directivo do instituto para o seu bo funcionamento
e) Coidar da adecuada utilización do material e das instalacións do instituto
Artigo 115º
1. Os delegados non poderán ser sancionados polo exercicio das súas funcións como voceiros dos alumnos/as, nos termos da normativa vixente
2. 0 Xefe/a de Estudos facilitará á Xunta de Delegados un espazo para que poida celebra-las suas reunións.
NORMAS PARA A ELECCIÓN DE DELEGADOS
1. Os delegados e subdelegados de cada clase serán elixidos mediante sufraxio directo e secreto entre os alumnos/as matriculados nela. A elección celebrarase dentro do primeiro mes do curso académico, de conformidade co seguinte procedemento:
2. Constituirase en cada grupo unha mesa electoral, integrada polo Profesor Titor/a que será o seu presidente e por dous alumnos/as do grupo. Os vocais da mesa serán o primeiro e o último alumno/a da lista. Se faltase algún deles ou ambos serán substitutos polo seguinte e o anterior respectivamente. Actuará como Secretario o alumno/a de máis idade entre os vocais.
Se algún dos designados como vocais fose candidato será sustituído polo seguinte ou o anterior da lista.
O quórum esixible será o de 2/3 do alumnado do grupo.
Cando se trate de alumnos/as matriculados en máis dun curso, só participarán na votación do grupo superior no que estivesen matriculados.
3. Tódolos alumnos/as do grupo poderán presentarse como candidatos ou aceptar ser propostos como candidatos.
A semana anterior á elección, os interesados presentarán a súa candidatura ante os seus compañeiros na hora de titoría. Esta hora poderá ser aproveitada polos candidatos para mostrar ó grupo o seu proxecto.
4. Elección cando haxa máis dun candidato
Unha vez coñecidos os candidatos que de xeito voluntario aceptasen selo, procederase á elección mediante voto secreto. Para iso o Presidente chamará ós alumnos/as por orde de lista e recollerá as papeletas.
En cada papeleta figurará soamente o nome dun candidato, anulándose tódalas papeletas que non reúnan este requisito.
O alumno/a que acade un número de votos superior ó 50% dos emitidos será nomeado Delegado, e o que Ile siga en número de votos será designado como Subdelegado. Se houbese empate habería unha segunda votación entre os candidatos empatados e sería designado o que máis votos acadase. De producirse un novo empate o desempate decidiríase por sorteo entre os empatados.
Se na primeira votación ningún dos candidatos acadase o 50% dos votos emitidos efectuarase unha segunda votación entre os catro candidatos máis votados. Se se dá a circunstancia de que, por haber empate non quedasen definidos os catro candidatos que concorren á votación o número aumentaríase para incluír a tódolos candidatos empatados.
Na segunda votación será elixido Delegado o alumno/a que acade o maior número de votos e Subdelegado o seguinte alumno/a mais votado. Para resolver os posibles empates nesta votación recurrirase a un sorteo entre os alumnos/as empatados. O sorteo así como o anteriormente indicado, serán dirixidos polo presidente e serán efectuados según criterios que previamente se determinasen e fosen dados a coñecer.
5. Elección cando non haxa candidatos
Farase unha primeira votación na que tódolos alumnos/as de grupo sexan candidatos. Feito o reconto e se non hai negativa expresa por parte dos catro alumnos/as mais votados, serán considerados candidatos e continuarase co proceso de votación.
Se ningún dos alumnos/as aceptase ser candidato, o grupo quedaría sen Delegado e, por tanto, sen poder participar nos órganos de decisión do centro. Cando desexen elixir delegado comunicaranllo ó titor/a para poder organizar o proceso de elección.
6. Elección cando haxa un único candidato
O candidato único será elixido Delegado salvo que sexa rexeitado polo 50% da clase. O Subdelegado será elixido por sorteo.
7. Sexa cal sexa o procedemento de elección, o Secretario da mesa encargarase de cubrir a acta, que será firmada polos tres membros da mesa electoral e entregada tras rematar o procedemento na Xefatura de Estudos.
8. Procedemento de destitución
Os alumnos/as dunha clase poden pedir a destitución do delegado e/ou subdelegado se consideran que houbo unha falta de cumprimento das súas funcións. Para iso requénrase a proposta de dous terzos do alumnado da clase, como mínimo.
9. Os delegados e subdelegados somentes poderán dimitir mediante alegación razoada ante o Profesor Titor e o Xefe de Estudos. Un delegado ou Subdelegado que dimitise non poderá ocupar ningún dos dous cargos durante o resto do curso escolar nin durante o curso académico seguinte.
10. Se o delegado dimitise, o subdelegado ocupará o seu posto. Cando ambos postos queden baleiros farase unha votación ou sorteo para a súa elección, nos termos previstos anteriormente.
A Xunta de Delegados deberá reunirse antes e despois da celebración dunha reunión do Consello Escolar, sempre e cando teñan algún punto que tratar.
4. PROTOCOLO ACOLLIDA ALUMNADO NOVO
Ó comezo do curso, a Xefatura de Estudos convocará unha reunión cos titores e a orientadora para preparar a sesión de acollida do alumnado e as actividades dos primeiros días de titoría. Nesta reunión faráselles entrega ós titores das carpetas de titoría, horario do grupo do que é titor/a, axendas escolares, cuestionarios iniciais, …
O día da presentación os alumnos/as consultarán as listas dos diferentes grupos que estarán expostas no exterior do edificio e seguidamente pasarán ó salón de actos. Alí o Equipo Directivo daralles a benvida e presentaralles ós titores. A continuación, procederase a chamar ó alumnado ordenadamente por grupos, de modo que cada grupo vaia cos seus titores.
Seguidamente os titores subirán á aula co seu grupo e encargaranse de:
· Tomar lista e cerciorarse das optativas escollidas polos alumnos/as
· Facer entrega do horario e da axenda escolar.
· Realizar un breve recordatorio das normas internas do centro (faltas de asistencia, normas de comportamento, de limpeza,…)
Ós alumnos/as que chegan novos ó centro unha vez comezado o curso escolar recíbeos a Xefatura de Estudos e a orientadora. Primeiramente, realizarase unha entrevista inicial na que se recollerán os datos necesarios do alumno/a e informarase á familia sobre os aspectos de organización e funcionamento do centro, os tramites de matricula e grupo o que se vai incorporar o seu fillo/a. Máis tarde, presentarase ó novo alumno/a os seus titores e os compañeiros de clase, que tratarán de facilitarlle a integración no centro.
No caso de que este novo alumno/a proceda do estranxeiro informarase á familia e o propio alumno/a de maneira máis completa e exhaustiva sobre o funcionamento do centro. Seguidamente, o Departamento de Orientación realizará unha avaliación inicial do alumno/a estranxeiro no momento da súa incorporación.
O Equipo Directivo decidirá a adscrición do alumno/a ó curso tendo en conta a valoración do Departamento de Orientación e os seguintes aspectos: a idade cronolóxica, o nivel de competencia curricular ou aprendizaxes previos, escolarización anterior, o coñecemento da lingua, e a madurez e socialización ,… entre outros. Así mesmo, o Departamento de Orientación asesorará sobre as planificación das aprendizaxes e as medidas de atención específicas para o alumno/a de orixe estranxeiro, tendo en conta a lexislación vixente.
A información da que se dispón sobre o novo alumno/a ha de poñerse, canto antes, en coñecemento canto dos docentes do curso e do titor/a, que será o referente do novo alumno/a, a persoa á que pode acudir sempre que teña algunha dúbida ou dificultade. Así mesmo, é conveniente que o titor/a teña unha entrevista inicial cos pais para obter máis información.
O día da súa incorporación ó curso asignado será presentado polo titor/orientadora ó grupo-clase e designaranse un grupo de alumnos/as para que durante un período inicial “titoricen” ó novo compañeiro.
Se o alumno/a de nova incorporación descoñece as linguas oficiais da nosa Comunidade Autónoma levarase a cabo o mesmo procedemento que para o alumnado de orixe estranxeiro adaptando a súa avaliación inicial e proporcionándolle unha atención individualizada para a formación inicial específica nas linguas vehiculares do ensino, tendo en conta a lexislación vixente e ás posibilidades organizativas do centro. O alumno/a con descoñecemento do idioma incorporarase plenamente o seu grupo ordinario no momento en que a Xunta de Avaliación considere superadas as súas necesidades educativas,
CAPÍTULO 2: DEREITOS E DEBERES DOS PROFESORES
1. DEREITOS
Os profesores teñen dereito
· A impartir as súas ensinanzas con plena liberdade, axustándose ós obxectivos básicos e á planificación efectuada polos órganos competentes.
· A ser electores e elixibles para os órganos de goberno, con arreglo o establecido nas normas de superior rango lexislativo que regulan a participación do profesorado.
· Á debida consideración e respecto, tanto dentro como fóra do centro, no exercicio da súa función docente, por parte de tódolos integrantes da comunidade educativa.
· A formar parte do Claustro e a participar, con voz e voto, en tódalas decisións de este órgano colexiado.
· A exercer as funcións disciplinarias para o normal desenvolvemento das actividades académicas e extraescolares dentro dos límites marcados por este RRI e demais normas de rango superior.
· Á utilización das instalacións e materiais do centro, en horario non lectivo, con fins relacionados coa súa actividade docente.
· A recibir unha formación permanente.
· A colaborar co seu departamento no deseño da súa área ou materia e a elaborar as Programacións de Aula.
· A ser informados polos seus representantes nos órganos colexiados dos acordos adoptados polos mesmos.
· A ser informados de cantas comunicacións se reciban e lles afecten laboral e profesionalmente.
2. DEBERES
Os profesores teñen o deber de...
· Expoñer ós seus alumnos/as a programación do curso, os criterios de cualificación da materia.
· Explicar as notas que se lles dan, así como calquera modificación das mesmas.
· Atender as suxerencias e reclamacións dos alumnos/as ou dos seus pais ou titores legais, sempre que sexan feitas co debido respecto ó profesor.
· Cumprir as normas fixadas neste regulamento
· Cubrir cada día o parte diario nas horas e cursos que Ile correspondan, sinalando debidamente os alumnos/as que falten ás clases ou calquera outra incidencia que se produza.
3. TITORES. Funcións. A súa designación.
A titoría e a orientación do alumnado formará parte da función docente e desenvolverase ó longo de tódalas etapas e ciclos formativos que se imparten no centro. Para a designación da titoría observarase o disposto no punto 2 da artigo 58 do ROIES e as indicacións dos artigos 63 ó 67 da orde 1 de agosto de 1997, pola que se ditan instrucións para o desenvolvemento do ROIES.
Tendo en conta o establecido, no Instituto haberá un ou dos titores por cada grupo de alumnos/as. O titor/a será designado polo Director, por proposta da Xefatura de Estudos, oído o Xefe do Departamento de Orientación, preferentemente entre os profesores que impartan docencia a todo o grupo.
Os profesores titores consignarán no seu horario persoal dúas horas para os labores propios da titoría, unha das cales se adicará á recepción de pais de alumnos/as e outra á atención ós alumnos/as do seu grupo. O horario de atención ós pais será comunicado a estes polo profesor-titor ó comezo de curso. O contacto frecuente coas familias dos alumnos/as deberá ser potenciado polo profesores titores, ben a través da entrevista no centro, ben por medio da comunicación telefónica.
Aínda que os titores teñan no seu horario lectivo unha hora fixada para recibir visitas dos pais, estes poderán poñerse en contacto cos titores por teléfono ou a través do alumno/a para concretar o día e a hora que mellor conveña a ambas partes
A actividade dos titores centrarase nunha atención especial ós alumnos/as, na comunicación cos pais e no intercambio de información cos profesores, Equipo Directivo e Departamento de Orientación. O desempeño das súas funcións axustarase ó establecido no artigo 59 do Decreto 324/96, do 26 de xullo, polo que se aproba o Regulamento Orgánico dos Institutos de Educación Secundaria.
Ademais das funcións atribuídas no Regulamento Orgánico, os titores
· Serán os responsables de controlar as faltas de asistencia dos alumnos/as do seu grupo, notificando ás familias ditas faltas. No caso de faltas reiteradas, comunicaranse telefonicamente ás familias o antes posible. Así mesmo, manteráselles informadas do rendemento académico do seu fillo/a.
· Encargaranse de dirixir e levantar acta das sesións de avaliación do seu grupo e entregar unha copia á Xefatura de Estudos.
· Participarán nas xornadas de acollida ós pais que con carácter institucional se programen a principio de curso no centro, así como doutros encontros posteriores que poidan realizarse.
· Deberán colaborar co Departamento de Orientación e co Equipo Directivo no desenvolvemento de actividades que teñan como obxectivo o seguimento dos alumnos/as, o diagnóstico de problemas na aprendizaxe e a presentación de accións que tendan a mellorar a súa formación.
· Colaborarán no mantemento da disciplina e orde no grupo, a través do dialogo e o consenso. Cando esta medida resulte insuficiente, adoptaranse as medidas pertinentes establecidas neste RRI. No caso de condutas gravemente prexudiciais para a convivencia do centro, deberán elaborar un informe dirixido á Xefatura de Estudos ou ó instrutor (no caso de expediente disciplinario)
· Desenvolverán, durante os períodos lectivos semanais destinados ó labor específico de titoría do alumnado, o Plano de Acción Titorial do Centro.
4. PROFESORES DE GARDA. Procedemento de actuación dos profesores de garda.
O profesor de garda encargarase do seguinte:
· Colaborar no mantemento da orde nos corredores, nas aulas e á entrada e saída das clases.
· Atender ós alumnos/as que se encontren sós por retraso ou ausencia dalgún profesor. Se o profesor ausente deixou encomendado algún tipo de traballo, o de garda poderá controlar a súa realización se a considera oportuna; en caso contrario, poderá realizar aquelas actividades que favorezan o aproveitamento do tempo por parte dos alumnos/as e o mantemento da orde, evitando xogos non didácticos.
· Anotar no parte de clase as ausencias de alumnos/as. No caso de alumnos/as da ESO, ó rematar a garda dará conta das faltas ó titor ou titora do grupo para que informe telefonicamente no transcurso da xornada escolar á familia do interesado. As chamadas faranse dende a conserxería do Centro, para que quede constancia das mesmas. No caso de faltas colectivas poñerá en coñecemento dalgún membro do Equipo Directivo dita circunstancia co fin de que se tomen as medidas oportunas.
· Ó finalizar o seu período de garda, anotará no libro de gardas as ausencias ou retrasos dos profesores e calquera outra incidencia que se produza, e terá que notificala tamén ó Xefe de Estudos ou ó Directivo que estea no Centro.
· As gardas con alumnos/as faranse como norma xeral na aula. Poderanse facer, excepcionalmente, no lugar que o profesor de garda estime conveniente, pero sempre baixo a súa responsabilidade e supervisión..O profesor de garda evitará saír ó patio cos alumnos/as, agás nas horas de Educación Física ou situacións excepcionais para evitar distraccións dos que permanecen nas aulas. No caso da aula de informática, só se empregará se o profesor ausente tiña clase nesa aula.
· Tamén será función dos profesores de garda a tutela dos alumnos/as de ESO durante os períodos de lecer. Para tal fin a Dirección do Centro destinará os profesores que estime necesarios, de acordo coas dispoñibilidades do Centro, preferentemente profesores que impartan clases nesa etapa. Nos períodos de lecer non poderán permanecer os alumnos/as nas aulas nin nos corredores
· No caso de que o número de profesores de garda non sexan suficientes, poderanse reunir a varios grupos no mesmo espazo.
5. PROTOCOLO DE ACTUACIÓN EN CASO DE ACCIDENTE DO ALUMNADO
No caso de alumnos/as que presente:
· Crises alérxicas ( anafilaxia)
· Crises comiciais (epilepsia)
· Crises diabéticas ( hipoglicemia)
Seguirase o protocolo establecido no programa “ Alerta escolar”
6. PROTOCOLO DE ACOLLIDA DO PROFESORADO DE NOVA INCORPORACIÓN Ó CENTRO
A Xefatura de Estudos, ou na súa ausencia un membro do Equipo Directivo, encargarase do recibimento dos novos profesores. Neste primeiro contacto ocuparase de darlles a benvida, informaraos das materias a impartir e do funcionamento e das instalacións do centro e poñeraos en contacto co Xefe/a de Departamento.
En días sucesivos, o Xefe/a de Departamento recibe ó profesor novo e infórmao sobre a programación e os materiais didácticos dos que dispón o Departamento.
Seguidamente, faise unha presentación ó Claustro dos novos profesores. Neste Claustro de inicio de curso o Equipo Directivo fai entrega do calendario escolar, dos horarios e das listas de alumnos/as.
A continuación do Claustro, os profesores novos manteñen unha reunión coa Xefatura de Estudos e a orientadora, onde se lle fará entrega dunha carpeta informativa sobre o funcionamento do centro, atendendo ás dúbidas que poidan presentar.
A carpeta informativa estará formada polos seguintes documentos:
§ Información xeral do centro (datos do IES, oferta educativa, proxectos nos que participa,…)
§ Normas internas do centro (horario do centro, gardas, biblioteca,…)
§ Ficha de datos persoais (que unha vez cumprimentada entregarán en Secretaría)
§ Caderno do profesor
§ Plano de evacuación
CAPÍTULO 3: DEREITOS E DEBERES DOS PAIS E NAIS
Os pais ou titores teñen dereito a...
· Que os seus fillos ou titorandos reciban unha educación conforme os fins establecidos na Constitución e nas leis vixentes
· Colaborar, como primeiros educadores, na educación integral dos seus fillos ou titorandos
· Ser recibidos polos profesores e titores dos seus fillos, nos horarios establecidos para tal fin e ser informados de todo o concerniente ó ensino e formación dos seus fillos e a solicitar aclaracións e posibles rectificacións sobre o rendemento e a avaliación dos mesmos
· Ser informados periodicamente dos resultados das avaliacións realizadas, así como das faltas de asistencia dos seus fillos ou titorandos
· Que os seus fillos ou titorandos reciban unha formación relixiosa e moral que estea de acordo coas súas conviccións
· Participar no funcionamento do Centro a través dos seus representantes no Consello Escolar, a estar informados da xestión do Centro, a ser informados da Programación Xeral Anual e das distintas actividades extraescolares que se realicen, así como a presentar propostas escritas e razoadas para a orde do día das reunións do Consello Escolar, a través dos seus representantes no mesmo
· A expoñer as queixas e propostas que estimen convenientes ós órganos de goberno do centro, a través dos cauces regulamentarios.
· A propoñer calquera modificación deste regulamento por medio dos seus órganos de representación
Os pais ou titores teñen o deber de...
· Concurrir, cando sexan convocados para iso, ás asembleas e reunións e participar na elección dos seus representantes no Consello Escolar e nas ANPAS legalmente constituídas
· Participar activamente na consecución dos fins e obxectivos propostos polo centro, e colaborar, principalmente co titor, na mellora da formación e rendemento do seu filio
· Acudir ó Centro cantas veces sexa requirido pola Dirección, o titor, o orientador ou os profesores do seu fillo
· Controlar a asistencia ás clases dos seus fillos e procurar información sobre a mesma, xustificando as faltas de asistencia de forma veraz e razoable no tempo e forma establecidos neste regulamento, e notificando as ausencias con anterioridade sempre que sexa posible
· Procurarse o aproveitamento educativo dos seus fillos, devolvendo ó Centro, nos prazos establecidos e debidamente firmado, o Boletín Informativo de cualificacións
· Participar na medida das súas posibilidades nas actividades complementarias e/ou extraescolares e responsabilizarse do comportamento dos seus fillos nas mesmas
· Informar ó profesorado sobre as posibles deficiencias fisicas ou psíquicas dos seus fillos e colaborar na adopción das medidas pertinentes
· Proporcionarlles ós seus fillos o material escolar necesario
· Respectar os horarios establecidos
· Aceptar os acordos dos órganos colexiados do Centro e cumprir o presente regulamento na parte que lles atinxa.
CAPÍTULO 4: DEREITOS E DEBERES DO PERSOAL DE ADMINISTRACIÓN E SERVIZOS
1. DEREITOS
Ó persoal non docente (administrativo, subalterno e de limpeza) respectaráselles os dereitos que lles correspondan na súa respectiva normativa laboral e ademais os que seguen:
· Dereito a participar na vida do Centro a través dos seus representantes no Consello Escolar
· Dereito a facer o seu traballo nas mellores condicións posibles e cos medios mais axeitados
· Dereito a ser escoitados pola Dirección e o Consello Escolar cando se propoñan suxerencias encamiñadas a un mellor funcionamento do Centro.
· Dereito a un trato xusto e respectuoso polos demais membros da comunidade educativa
· Celebrar reunións, respectando o normal desenvolvemento das actividades do Centro
2. DEBERES
O persoal non docente ten tamén os seguintes deberes:
· Cumprir o horario e o calendario laboral que oficialmente se fixe para o desenvolvemento dos traballos
· Colaborar coa Dirección e o profesorado nas tarefas educativas
· Atender a cantas persoas requiran a súa colaboración e axuda
· Ofrecer un trato correcto ós seus compañeiros e ós demais membros da comunidade educativa
· Os bedeis velarán polo bo uso e coidado das instalacións e o mobiliario do Centro e comunicarán ó Secretario os desperfectos ocasionados e os seus responsables
· Os bedeis serán os encargados de non permitir a saída do recinto escolar durante as horas de clase de ningún alumno/a, sen a orde expresa do titor ou o Director e a presencia do pai, nai, titor ou familiar debidamente identificado.
TÍTULO III: DAS NORMAS DE CONVIVENCIA
CAPÍTULO 1: NORMAS XERAIS DE CONVIVENCIA NO CENTRO
1. DISPOSICIÓNS XERAIS (Real Decreto 732/1995)
Artigo 41
As normas de convivencia do centro, recollidas no RRI, poderán concretar os deberes dos alumnos/as e establecerán as correccións que correspondan polas conductas contrarias as citadas normas. Todo iso, de acordo co disposto neste título.
Artigo 42
Os incumprimentos das normas de convivencia haberán de ser valorados considerando a situación e as condicións persoais do alumno/a.
Artigo 43
1. As correccións que haxa que aplicar polo incumprimento das normas de convivencia terán un carácter educativo e recuperador, deberán garantir o respecto os dereitos do resto dos alumnos/as e procurarán a mellora nas relacións de tódolos membros da comunidade educativa.
2. En todo caso, na corrección dos incumprimentos deberá terse en conta:
a) Ningún alumno/a poderá ser privado do exercicio do seu dereito á educación, nin, no caso da ESO, do seu dereito á escolaridade, de acordo co disposto no apartado 3 do artigo 53 do presente Real Decreto
b) Non poderán impoñerse correccións contrarias á integridade física e a dignidade persoal do alumno/a.
c) A imposición das correccións previstas neste Real Decreto respectará a proporcionalidade coa conducta do alumno/a e deberá contribuir á mellora do proceso educativo
d) De acordo co disposto no artigo 48 do presente Real Decreto, os órganos competentes para a instrución do expediente ou para a imposición de correccións deberán ter en conta a idade do alumno/a, tanto no momento de decidir a sua incoación ou sobreseimiento como a efectos de graduar a aplicación da sanción cando proceda.
e) Teranse en conta as circunstancias persoais, familiares ou sociais do alumno/a antes de resolver o procedemento corrector. A estes efectos, poderanse solicitar os informes que se estimen necesarios sobre as aludidas circunstancias e recomendar, no seu caso, ós pais ou ós representantes legais do alumno/a ou ás instancias públicas competentes a adopción das medidas necesarias.
Artigo 44
1. Os alumnos/as que individual ou colectivamente causen danos de forma intencionada ou por neglixencia ás instalacións do centro ou ó seu material quedan obrigados a reparar o dano causado ou facerse cargo do coste económico da sua reparación. Igualmente, os alumnos/as que sustraesen bens do centro deberán restituír o sustraído. En todo caso, os país ou os representantes legais dos alumnos/as serán os responsables civís nos termos previstos polas leis.
2. A falta a clase de modo reiterado pode provocar a imposibilidade da aplicación correcta dos criterios xerais de avaliación e a propia avaliación continua. Aparte das correccións que se adopten no caso de faltas inxustificadas a xuizo do titor, os RRI establecerán o número máximo de faltas por curso, área e materia e os sistemas extraordinarios de avaliación previstos para estes alumnos/as.
Artigo 45
A efectos de gradación das correccións:
1. Consideraranse circunstancias atenuantes:
a) O recoñecemento espontáneo da súa conducta incorrecta
b) A falta de intencionalidade
2. Consideraranse circunstancias agravantes:
a) A premeditación e a reiteración
b) Causar dano, inxuria ou ofensa ós compañeiros de menor idade ou os recén incorporados ó centro
c) Calquera acto que atente contra o dereito recollido no artigo 12.2. a) deste Real Decreto (dereito á non discriminación por razón de nacemento, raza, sexo, lingua, capacidade económica, nivel social, conviccións relixiosas, políticas ou morais, así como por discapacidades físicas, sensoriais e psíquicas, ou calquera outra condición ou circunstancia persoal ou social)
Artigo 46
Poderán corrixirse, de acordo co disposto neste título, os actos contrarios ás normas de convivencia do centro realizados polos alumnos/as no recinto escolar o durante as actividades complementarias e extraescolares. Igualmente poderán corrixirse as actuacións do alumnos/as que, aínda realizadas fóra do recinto escolar, estean motivadas ou directamente relacionadas coa vida escolar e afecten os seus compañeiros de cIases ou a outros membros da comunidade educativa.
2. NORMAS ESPECÍFICAS DE CONVIVENCIA
· Segundo a lexislación vixente, está prohibido fumar dentro do recinto escolar.
· Nos períodos de lecer, os alumnos/as non poderán permanecer nas aulas nin nos corredores. Os alumnos/as que no recreo desexen estudar poderán ir á biblioteca
· Ningún alumno/a, poderá saír do centro durante a xornada escolar de mañá agás por causa xustificada enterado o profesor-titor mediante autorización de dita saída. En caso de que un alumno/a menor de idade precisara ausentarse do Centro deberá ser recollido por un adulto responsable e presentar previamente ó titor/a a a autorización asinada polo pai,nai ou titor/a legal, indicando o motivo e o tempo de dita ausencia.
O alumnado de Bacharelato, Ciclo Formativo, PGS e ESA poderá non asistir á primeira e última clase sempre que sexa informado con anterioridade da falta do profesor.
· Nos períodos de cambio de clases o alumnado deberá permanecer, como norma xeral, na súa aula. O alumnado non poderá abandonala sen permiso do profesor de garda ou do Equipo Directivo, en ausencia do profesor que imparta a clase.
· O material e instalaccións do centro é para uso común dos que convivimos nel. A tódolos membros da comunidade educativa corresponde o seu coidado e conservación. O alumnado será responsable dos danos debidos á neglixencia ou o mal uso intencionado que produza no mobiliario do centro. Todo deterioro provocado deberá ser reparado, e no seu caso, aboado polo autor ou autores do desperfecto, sen prexuizo das sancións que se lle poidan impoñer. O alumnado e os demais compoñentes da comunidade educativa empregarán as papeleiras para depositar calquera tipo de lixo. O Equipo de profesores que imparte clases no grupo e os titores velarán ó longo do curso pola limpeza e o bo estado da clase.
· Non se permitirá a utilización nas aulas de teléfonos móbiles, aparellos musicais ou de gravación, videoxogos, nin outro tipo de instrumentos que poidan impedir o desenvolvemento normal das clases. Se un alumno/a ten que estar localizado durante a xornada escolar farase uso dos teléfonos do centro.
· A gravación non autorizada de imaxes e/ou sons no centro por calquera medio será considerada unha falta moi grave
· Non se permitirá a presencia de persoas alleas ó centro no recinto ou nas dependencias do mesmo, agás cando acudan a el para realizar trámites, estean citadas cun membro do profesorado ou teñan a autorización da Dirección.
3. ASISTENCIA E PUNTUALIDADE. Porcedemento para comunicar e xustificar as normas de asistencia e puntualidad do alumnado.
“Ningún alumno/a poderá ser privado do exercicio do seu dereito á educación, nin, no caso da ESO, ó seu dereito á escolaridade.” RD 732/1995 art.43, apdo.2 a)
Este regulamento tamén establece que no suposto de que un alumno/a , por causa dunha longa enfermidade, accidente, ou outro motivo debidamente xustificado, non poida ser avaliado normalmente, segundo o sistema de avaliación continua, cada departamento adoptará as medidas necesarias para que poida demostrar a adquisición dos obxectivos mínimos marcados para ese curso e así continuar estudios de nivel superior. Para isto seguiranse os seguintes pasos:
O titor/a poñerase en contacto coa familia e comprobará se o alumno/a pode realizar os traballos de aprendizaxe
Os profesores encargados das materias no curso, facilitarán ó alumno/a material para que poida continuar coa súa aprendizaxe. O material debe ser devolto nos prazos establecidos e corrixido e avaliado polo profesor correspondente
Cada Departamento pode establecer as probas obxectivas que estime convenientes para comprobar o grao de adquisición dos obxectivos marcados para o curso correspondente
Cada Departamento fará explícitos os instrumentos de avaliación que empregará nestes casos.
A parte das correccións que se adopten no caso de faltas inxustificadas, a xuizo do titor/a, este RRI establece en canto ás faltas de asistencia e puntualidade o que segue:
Ø ESO e BACHARELATO
Considéranse como:
FALTAS LEVES
a. As faltas inxustificadas de puntualidade (enténdese como tal incorporarse, cando moito, cinco minutos despois de iniciada a clase)
b. As faltas inxustificadas de asistencia á clase
FALTAS GRAVES
a. 5 faltas inxustificadas de puntualidade
b. 6 faltas de asistencia inxustificadas nunha materia de 4 horas
c. 4 faltas de asistencia inxustificadas nunha materia de 3 horas
d. 3 faltas de asistencia inxustificadas nunha materia de 2 horas
e. 10% de faltas de asistencia xustificadas e inxustificadas no cómputo global de horas da materia
As faltas de asistencia e de puntualidade deberán ser xustificadas ó titor/a nun prazo máximo de tres días posteriores á súa incorporación mediante impreso xustificativo, firmado polo pai, nai ou titor/a do alumno/a se este é menor de idade, ou polo propio alumno/a no caso de ser este maior de idade con independencia económica. A xustificación das faltas queda a xuízo do titor/a como se recolle no artigo 44, apartado 2, do RD 732/1995 de 5 de maio.
Recórdase que no caso de alumnos/as da ESO, cando un alumno/a falte á clase, a comunicación ós pais ou titores débese facer no mesmo día en que se produza calquera ausencia inxustificada.
PROCEDEMENTO A SEGUIR
Cando o número de faltas inxustificadas de puntualidade ou asistencia á clase se considere como falta grave, o titor/a apercibirá ó alumno/a e comunicarallo con acuse de recibo á familia, detallando os días, horas e materias implicadas.
No caso de falta grave o apercibimento constará no expediente individual do alumno/a, para posteriores accións, se houbese lugar.
No caso dunha segunda falta grave, o alumno/a será apercibido por segunda vez, neste segundo apercibimento o titor/a lembrará á familia, a posible perda, total ou parcial, de escolaridade (agás na ESO, o que perdería sería o dereito a avaliación continua) se reincide e acumula a terceira falta grave. A partir da segunda falta grave só se admitirán xustificacións documentais oficiais.
No caso de producirse a terceira falta grave, o alumno/a perderá a escolaridade ou o dereito á avaliación continua, segundo o caso.
Os alumnos/as que, polas súas faltas de asistencia ou puntualidade, perderan a escolaridade ou ó dereito á avaliación continua, farán os exames ou probas extraordinarias establecidos para tal fin polo Departamento correspondente para que o alumno/a teña a oportunidade de superar o ciclo ou curso correspondente con garantías de continuar con aproveitamento o curso seguinte. No caso de alumnos/as de 2º BAC estes exames terán lugar na última semana de maio e no caso dos outros cursos na segunda quincena de xuño. En 2º BAC os alumnos/as poderán perder a escolaridade e a avaliación continua a criterio do profesor da materia.
Todo isto será válido para os niveis correspondentes de Educación de Adultos, pero tendo en conta que nestes casos á escolarización, no caso da ESA, non é obrigada, e sen perder de vista que hai que ter unha certa flexibilidade atendendo ás características propias destes alumnos/as (sempre debidamente xustificada).
Ø CICLO FORMATIVO
Os ciclos formativos son ensinanzas de carácter presencial, polo tanto a asistencia ás clases é obrigada.
Permitirase un número de faltas de asistencia non superior o 10%, tanto xustificadas como sen xustificar, para cada un dos módulos; superada esta porcentaxe o/a alumno/a perderá o dereito a avaliación continua no módulo ou módulos correspondentes. A estes efectos considerarase que 3 faltas de puntualidade serán contabilizadas como unha falta de asistencia.
Cando un alumno/a supere o 10% de faltas de asistencia no total do horario do ciclo, este perderá ó dereito á avaliación en tódolos módulos.
Como no caso anterior as faltas de puntualidade ou de asistencia deberán ser debidamente xustificadas ó titor/a no prazo máximo dunha semana mediante documento xustificativo, firmado polo propio alumno/a se é maior de idade. A xustificación das faltas queda a xuizo do/a titor/a tal como se recolle no artigo 44, apdo. 2 do RD 732/1995 de 5 de maio.
O titor/a mandará un apercibimento ó/á alumno/a cando leve agotado a metade do número de faltas permitido, comunicándolle a posible perda do dereito á avaliación no módulo ou módulos correspondentes de acadar o número de faltas permitido.
As normas recollidas neste RRI atinxen tamén o alumnado do ciclos formativos que estean a realizar o módulo de formación en centros de traballo nas empresas, dado que a asistencia ás mesmas é obrigatoria.
O procedemento a seguir na notificación dos apercibimentos será:
- Primeiro apercibimento: o acadar o 50% de faltas de asistencia permitidas, o/a titor/a notificarallas ó/a alumno/a por escrito no centro educativo ou por correo certificado ó domicilio.
Cando o/a alumno/a teña o 50% de faltas de asistencia permitidas na totalidade do horario do ciclo, o/a titor/a notificaralle ó/a alumno/a, por escrito no centro educativo ou por correo certificado ó domicilio, que de acadar o 100% das faltas permitidas, suporá a perda do dereito da avaliación continua na totalidade do ciclo formativo.
- Segundo apercibimento: o/a titor/a notificaralle ó/a alumno/a por escrito no centro educativo ou por correo certificado ó domicilio, a perda do dereito a avaliación continua no módulo/s correspondentes ó acadar o 100% das faltas de asistencia permitidas.
Cando o/a alumno/a teña o 100% de faltas de asistencia permitidas na totalidade do horario do ciclo, o/a titor/a notificaralle ó/a alumno/a, por escrito no centro educativo ou por correo certificado ó domicilio, a perda do dereito da avaliación continua na totalidade do ciclo formativo.
CAPÍTULO 2: CONDUTAS CONTRARIAS ÁS NORMAS DE CONVIVENCIA
Serán consideradas condutas contrarias ás normas de convivencia todas aquelas que contraveñan ás recollidas no Título III, capítulo 1 de este Regulamento:
Artigo 48.
As condutas contrarias as normas de convivencia do centro poderan ser correxidas con:
a) Amoestación privada ou por escrito.
b) Comparecencia inmediata ante o Xefe de Estudos.
c) Realización de traballos específicos en horario non lectivo.
d) Realización de tarefas que contribúan á mellora e desenvolvemento das actividades do centro ou, se procede, dirixidas a reparar o dano feito nas instalacións material on pertenzas doutros membros da comunidade educativa
e) Suspensión do dereito a participar en actividades complementarias ou extraescolares do centro.
f) Cambio de grupo do alumno/a por un prazo máximo dunha semana.
g) Suspensión do dereito de asistencia a determinadas clases por un prazo máximo de tres días. Durante o tempo que dure a suspensión, o alumno/a deberá facer os deberes ou traballos que se determinen para evitar a interrupción no proceso formativo.
h) A suspensión do dereito de asistencia ó centro por un prazo máximo de tres días lectivos. Durante o tempo que dure a suspensión, o alumno/a deberá facer os deberes e traballos que se determinen para evitar a interrupción do proceso formativo.
Artigo 49.
1. Serán competentes para decidir as correccións previstas no artigo anterior:
a) Os profesores do alumno/a, oído este, poderán decidir as correccións que se establecen nos parágrafos a) e b), dando conta ó titor/a e ó Xefe de Estudos.
b) O titor/a do alumno/a, oído o mesmo, poderá decidir as correccións que se establecen nos párragrafos a,), b), c) e d).
c) O Xefe de Estudos e o Director, oído o alumno/a e o seu profesor on titor/a, poderán decidir as correccións previstas nos párragrafos b), c), d), e) e)).
d) O Consello Escolar, oído o alumno/a, poderá decidir as establecidas nos párragrafos g) e h), se ben poderá encomendar ó Director do centro a decisión correspondente a tales conrreccións. O Director, oído o titor/a e o Equipo Directivo, tomará a decisión tras escoller o alumno/a e, se é menor de idade, os seus pais ou representantes legais, nunha comparecencia da que se levantará acta. O Director aplicará a corrección prevista no párragrafo h) sempre que a conduta do alumno/a dificulte o normal desenvolvemento das actividades educativas, debendo comunicala inmediatamente á Comisión de Convivencia
2. As condutas contrarias ás normas de convivencia no centro prescribirán no prazo dun mes, contado a partir da data da súa comisión. As correccións impostas como consecuencia destas condutas prescribirán ó rematar ó curso escolar.
Artigo 50.
O alumno/a, os seus pais ou representantes legais, poderán presentar unha reclamación no prazo de 48 horas contra as correccións impostas, correspondentes os párragrafos g) e h) do artigo 48, ante o Director provincial a súa resolución poñerá fin á vía administrativa.
CAPITULO 3: CONDUTAS GRAVEMENTE PERXUDICIAIS PARA A CONVIVENCIA DO CENTRO
Sección 1ª Das condutas que perxudiquen gravemente a convivencia do centro
Artigo 51.
Non poderán corrixirse as condutas gravemente prexudiciais para a convivencia do centro sen a previa instrucción dun expediente disciplinario (ver Título III capítulo 4 de este Regulamento) , que, trala recollida da necesaria información, acorde o Director do centro, ben pola súa propia iniciativa ou ben a proposta do Consello Escolar do centro
Artigo 52.
Considéranse condutas gravemente perxudiciais para a convivencia do centro:
a) Os actos de indisciplina, inxuria ou ofensas graves contra os membros da comunidade educativa.
Considéranse como tales, por exemplo:
• A desobediencia a un membro do profesorado ou do persoal non docente cando o está amonestando debido á comisión dunha falta
• As faltas de respecto a calquera dos membros da comunidade educativa
• As malas contestacións a profesores ou persoal non docente
• Os insultos ós compañeiros, o uso de alcumes pexorativos,...
b) A reiteración, nun mesmo curso escolar, de condutas contrarias ás normas de convivencia do centro recollidas no capítulo II do Titulo IV deste Real Decreto.
c) A agresión física ou moral contra os demais membros da comunidade educativa ou a discriminación grave por calquera das razóns enumeradas no artigo 12.2.a) deste Real Decreto.
d) A suplantación de personalidade en actos da vida docente e a falsificación ou sustracción de documentos académicos
Considerase suplantación de persoalidade, por exemplo:
• Identificarse falsamente utilizando a identidade de outra persoa cando se Ile vaia amonestar
• Firmar coa identidade doutro compañeiro
• Suplantar a un compañeiro en actos que teñan lugar no centro.
Considerase falsificación ou sustracción de documentos, por exemplo:
• A alteración de documentos e informes tales como: boletíns de cualificacións, notificacións á familia, xustificantes, apercibimentos por faltas,...
Sustracción de documentos tales como: boletíns, informacións sobre avaliación, exames,...
e) Os danos graves causados por uso indebido ou intencionadamente nos locais, material ou documentos do centro ou nos bens doutros membros da comunidade educativa.
Considéranse como danos graves, entre outros:
• A rotura ou desperfecto grave de locais ou materiais do centro: aulas laboratorios biblioteca, ordenadores, libros, servizos, corredores, zonas deportivas, sillas, mesas, luces, encerados, etc.
• A rotura ou desperfecto grave a pertenzas de calquera membro ou visitante do instituto: libros, material didáctico, obxectos persoais, coches, motos, etc
f) Os actos inxustificados que perturben gravemente o desenvolvemento das actividades do centro.Entre estes actos inxustificados destacamos:
· As algaradas ou alborotos colectivos realizados no centro
· As ausencias colectivas sen previa autorización da Xefatura de Estudos
· As condutas individuais ou colectivas de carácter intimidatorio ou agresivas cara a calquera persoa da comunidade educativa
· Os roubos ou sustracción de bens ou materiais do centro e de obxectos ou bens de calquera membro do centro.
g) As actuacións prexudiciais para a saúde e a integridade persoal dos membros da comunidade educativa do centro, ou a incitación ás mesmas.
h) O incumprimento das sancións impostas
Artigo 53.
1. As condutas enumeradas no artigo anterior poderán ser corrixidas con:
a) Realización de tarefas que contribúan á mellora e desenvolvemento das actividades do centro ou, se procede, dirixidas a reparar o dano feito nas instalacións ou ó material do centro ou as pertenzas doutros membros da comunidade educativa. Estas tarefas deberánse realizar en horario non lectivo.
b) Suspensión do dereito a participar nas actividades extraescolares ou complementarias do centro.
c) Cambio de grupo.
d) Suspensión do dereito de asistencia a determinadas clases durante un período superior a cinco días e inferior a dúas semanas. Durante o tempo que dure a suspensión, o alumno/a deberá facer os deberes ou traballos que se determinen para evitar a interrupción do proceso formativo.
e) Suspensión do dereito de asistencia ó centro durante un período superior a tres días lectivos e inferior a un mes. Durante o tempo que dure a suspensión, o alumno/a deberá facer os deberes ou traballos que se determinen para evitar a interrupción do proceso formativo
f) Cambio de centro.
2. O Director impoñerá as correccións enumeradas no apartado anterior con arreglo ó procedemento previsto no artigo 54 deste Real Decreto. Cando se impoña a corrección prevista no párragrafo e) do apartado anterior, o Consello Escolar poderá levantar a suspensión do seu dereito de asistencia ó centro ou readmitilo no centro antes do agotamento do prazo previsto na corrección, previa constatación de que se producira un cambio positivo na súa actitude.
3. Cando se impoña a corrección prevista no párragrafo f) do apartado 1 deste artigo a un alumno/a de ensino abrigatorio, a Administración educativa procurará ó alumno/a un posto escolar noutro centro docente.
4. As condutas gravemente perxudiciais para a convivencia no centro prescribirán no prazo de catro meses, contados a partir da data da súa comisión. As correccións impostas como consecuencia destas condutas prescribirán ó remate do curso escolar.
Consideraranse ademais como faltas gravemente perxudiciais para a convivencia do centro:
i) “Os actos de indisciplina, inxuria ou ofensas graves contra os membros da comunidade educativa”
Consideraranse como tales actos:
• A provocación, indución e incitación pública á realización de faltas graves ou moi graves.
• As críticas inxustas proferidas públicamente con ánimo de desacreditar, deshonrar e calumniar.
j) “A agresión física grave contra os demais membros da comunidade educativa”.
• Considerarase falta gravemente perxudiciais para a convivencia do centro as condutas ou actos que causen un dano fisico real do cal se deriven lesións que requiran unha atención sanitaria nas persoas. Igualmente considerarase falta moi grave o deterioro importante nas propiedades e enseres do centro e das persoas que conviven nel
• Tamén se considerará gravemente perxudiciais para a convivencia do centro toda conduta que conleve unha coacción, acoso ou abuso que induza a outra persoa á comisión de faltas graves ou moi graves ou a impedirlle actuar libremente
k) “As faltas consideradas graves se concorren as circunstancias de colectividade e/ou publicidade intencionada”.
• Ademais das contempladas no apartado anterior, adquiren a consideración de faltas gravemente perxudiciais para a convivencia do centro todas aquelas faltas graves feitas colectivamente e/ou coa intención de ser publicamente coñecidas.
l) “A incitación sistemática a actuacións gravemente perxudiciais para a saúde e a integridade persoal dos membros da comunidade educativa do centro”.
Na cafetería do centro queda prohibida a venda ós alumnos/as de todo tipo de bebidas alcohólicas e de tabaco ou calquera outro produto que atente contra a saúde.
• Considerarase falta moi grave o consumo, a venta e facilitación de drogas e, polo tanto de bebidas alcohólicas feitas no interior do centro ou nas súas proximidades
• Igualmente, considerarase falta moi grave a incitación colectiva ó uso e consumo de drogas e a frecuente reincidencia de fumar en lugares prohibidos.
m) “A comisión de tres faltas graves no mesmo curso”.
A gradación das faltas contrarias e gravemente perxudiciais para a convivencias será determinadas pola Comisión de Convivencia e o Director. A reiteración das primeiras implican ás segundas.
Actuación ante condutas contrarias ás normas de convivencia:
Cando un membro do alumnado incurra nunha conduta contraria á convivencia, o profesor que a observe amoestarao privada ou publicamente, advertíndolle a improcedencia da súa actuación e das consecuencias que dela se poden derivar. Se a gravidade do feito ou a reiteración o aconsella remitirase á Xefatura de Estudos ou ó profesor de garda. Esta falta quedará reflexada nun parte de amoestación.
Actuación ante condutas graves:
De se-lo caso que as condutas mantidas por algún alumno/a revistan unha maior gravidade ou se repitan despois de advertir e amoestar ou sancionar ó alumno/a, a Dirección solicitará á opinión do profesorado que coñeza os feitos e do titor/a, e determinará se procede trata-lo caso na Comisión de Convivencia do Consello escolar.
A Dirección convocará a reunión da Comisión de Convivencia, do Consello escolar á maior brevidade posible, unha vez que se produzan e se comproben os feitos sobre os que se debe dictaminar.
CAPÍTULO 4: DOS EXPEDIENTES DISCIPLINARIOS.
(Do capítulo III, do título IV do RD 732/1995)
Artigo 54.
1. A instrucción do expediente levarase a cabo por un profesor do centro designado polo Director. A devandita incoación comunicarase ós pais, titores ou responsables do menor.
2. O alumno/a e, no seu caso, seus país ou representantes legais poderán recusar ó instructor ante o Director cando da súa conduta ou manifestacións poida inferirse falta de obxectividade na instrucción do expediente.
3. Excepcionalmente, ó iniciarse o procedemento da súa instrución, o Director, por decisión propia ou a proposta, no sen caso, do instrutor, poderá adoptar as medidas provisionais que estime convenientes. As medidas provisionais poderán consistir no cambio temporal de grupo ou na suspensión do dereito de asistencia ó centro ou a determinadas clases ou actividades por un periodo que non será superior a cinco días. As medidas adoptadas serán comunicadas ó Consello Escolar, que poderá revocalas en calquera momento.
Artigo 55.
1. A instrución do expediente deberá acordarse nun prazo non superior ós dez días, dende que tivo coñecemento dos feitos ou condutas merecedoras da corrección con arreglo a este RD
2. Instruido o expediente darase audiencia ó alumno/a e, se é menor de idade, ademais ós país ou representantes legais daquel, comunicándolles en todo caso as condutas que se lle imputan e as medidas corretoras que se propoñen ó Consello Escolar do centro. O prazo de instrucción do expediente non deberá exceder de sete días.
3. Comunicarase ó Servicio de Inspección Técnica o inicio de procedemento e manterao informado da tramitación ata a súa resolución.
Artgo 56.
A resolución do procedemento deberá producirse no prazo máximo dun mes dende a data de inicio do mesmo e contra a resolución do Consello Escolar poderá interpoñerse recurso ordinario ante o Director Provincial, nos termos previstos nos artigos 114 e seguintes da Lei 30/1992, de 26 de novembro, do Réxime Xurídico das Administraciós Públicas e do Procedemento Administrativo Común.
TITULO IV: ORGANIZACIÓN DOS RECURSOS, MEDIOS E SERVIZOS
CAPÍTULO 1: DISPOSICIÓNS XERAIS SOBRE O FUNCIONAMENTO DO CENTRO
· O profesor que desexe facer fotocopias solicitarao na conserxería do centro con 24 horas de antelación polo menos. Unha vez feitas anotaranse no caderno disposto para iso. Se se trata de fotocopias particulares, solicitaranse co tempo conveniente e serán abonadas ó prezo estipulado.
· No período de lecer, será responsabilidade do alumno/a devolver os recursos empregados. Será o profesor de garda o encargado de solicitar o material ó alumno/a.
· Para usar os recursos doutros departamentos deberase pedir permiso previo ó Xefe de Departamento que corresponda.
· Se un profesor ou Departamento desexa adquirir material didáctico (libros, vídeos, programas de ordenador, etc.) haberá de seguir estes pasos:
§ Poñer en coñecemento do Departamento a compra que se vai facer.
§ Xustificar a necesidade ou conveniencia do material solicitado.
§ Comunicar ó Secretario quen xustificará a procedencia ou non da solicitude, e a forma de adquisición e pagamento de ser o caso
§ Unha vez adquirido o material debe ser levado á Secretaria para o seu selado e rexistro. Se se desexa levar ó Departamento, comunícarase ó Secretario.
CAPITULO 2: USO DAS INSTALACIÓNS, MEDIOS E SERVIZOS
1. USO DO MATERIAL AUDIOVISUAL
Nas titorías, horas nas que falte algún profesor/a, ou na propia clase, poderase empregar este espazo para completar cos diversos recursos os contidos teóricos. Cada profesor/a que utilice esta aula velará polo coidado da mesma e evitará que os alumnos/as accedan sen permiso ó material e ós equipos.
2. PISTAS POLIDEPORTIVAS E XIMNASIO
Sobre estes espazos docentes, nos que a Dirección do centro ten unha responsabilidade directa, será o Departamento de Educación Física o que determine a súa utilización ou non fóra das súas clases. As pistas son utilizadas tamén nos períodos de lecer, e nestes períodos deberán ser igualmente respectadas, atendendo sobre todo á limpeza e á distribución de actividades.
3. DOS ESPAZOS COMÚNS
• Serán aulas de uso compartido a aula de informática, os laboratorios, as aulas de música, debuxo e tecnoloxía así como e o salón de actos. Para racionalizar o uso destes espazos, ó principio de cada mes, colocarase na sala de profesores unha folla na que se indicarán os días e as horas nas que esas aulas están ocupadas. Nas horas baleiras poderanse anotar aqueles que desexen utilizar eses espazos para calquera actividade directamente relacionada coa súa materia.
• Calquera cambio posterior deberá ser arranxado entre o profesorado correspondente.
• O profesor/a que reserva a utilización de calquera destas aulas responsabilizarase da súa utilización así como do material existente en cada unha delas.
• Terá preferencia no uso de calquera destas aulas compartidas o profesor/a que as reserve para traballar cos alumnos/as e terán que esperar os que as reserven para uso particular.
• O profesor/a que faga uso das instalacións e materiais do centro en horario non lectivo, responsabilizarase da conservación en perfecto estado dos mesmos. Asimesmo, velará porque as instalacións queden, á súa marcha, axeitadamente pechadas de acordo coas medidas de seguridade do centro.
4. DA BIBLIOTECA
O horario da biblioteca será o determinado polo centro
Para o bo funcionamento desta espazo compartido, todos deberemos ter en conta as seguintes normas:
5. A CAFETERÍA
A cafetería do centro ten un horario definido e concreto que se publicita nos diversos lugares de acceso á mesma. A responsabilidade e coidado deste espazo corresponden ós responsables da cafetería ou comedor, e as anomalías que detecten tanto no comportamento do alumnado como nas propias instalacións deberán ser comunicadas de forma inmediata á Dirección do centro.
Todos os alumnos/as do centro poderán permanecer na cafetería no período de lecer.