MÉTODOS ESTATÍSTICOS E NUMÉRICOS

(Optativa para 2º Bach. Ciencias da Natureza e da Saúde)

    Moitos dos experimentos ou fenómenos naturais ou sociais non poden reducirse á modelos determinísticos dada a cantidade de variables que interveñen. Neste punto faise necesario o uso de modelos estatísticos, basados no concepto de probabilidade, e de métodos numéricos, basados na realización de cálculos, que coa axuda das calculadoras e dos computadores resultan fácilmente abordables. A importancia da Estatística e da Probabilidade queda clara cando, en moitos casos, ésta é a única alternativa para achegarse á solución de multitude de problemas en campos tan variados como o biolóxico, o físico ou social, sentando as bases para interpretar correctamente as informacións que se recollan doutras ciencias, así como preparación para estudios posteriores.

    Esta asignatura pretende completar e ampliar os temas de Estatística e Probabilidade da asignatura de Matemáticas no Bacharelato de Ciencias da Natureza e da Saúde, sen solaparse con estes na maioría dos casos, pero apoiándose neles, e reforzando o seu estudio noutros. O enfoque será fundamentalmente práctico, reducindo a formalización teórica. A ampliación da Estatística refírese fundamentalmente ás Distribucións mostrais, Estatística inferencial e Series temporais.

    En canto aos métodos numéricos, permitirán resolver problemas que de maneira simbólica e sen calculadora ou computador serían de dificil solución. A maioría destes métodos numéricos son novedosos para os alumnos deste nivel, e básicamente refírense ao estudio e aplicación de algoritmos, para resolución de ecuacións cunha incógnita, de sistemas lineais e de cálculo de integrais definidas, baixo certas condicións de converxencia; coñecendo cando se dea o resultado, o nivel de fiabilidade ou de bondade da solución numérica obtida.

INTRODUCCIÓN ÁS CIENCIAS POLÍTICAS E SOCIAIS

(Optativa en 2º de BAC)

    Un repaso ós autores máis importantes que reflexionaron sobre os fundamentos da nosa sociedade, ás formacións políticas e ideolóxicas ó longo da historia, ... un achegamento en resumen á realidade social na que vivimos a través de conceptos como Estado, poder, representación política, democracia, ... dende a orixe mesma da sociedade, dende que o ser humano comezou a distinguirse dos animais.

    A formación básica de calquera cidadán do presente e do futuro, dende unha perspectiva histórica e fundamental.

LITERATURA UNIVERSAL CONTEMPORÁNEA

(Optativa en 1º de Bacharelato)

    Preténdese ampliar os coñecementos literarios do alumnado, fixándose en diversas tendencias que estiveron presentes en varios países na época contemporánea (a estética romántica, as vangardas, a narrativa latinoamericana, ...) e analizando a influencia que tiveron estes movementos nas literaturas castelá e galega. Tamén se terán en conta os intereses literarios dos propios alumnos.

    Metodoloxicamente, daráselle un enfoque fundamentalmente práctico, baseado en:

Lectura de textos literarios.

Relación entre textos da literatura universal e textos das literaturas galega e castelá.

Fomento da creatividade literaria do alumnado e elaboración de traballos sobre movementos, autores e obras.

LITERATURA GALEGA DO SÉCULO XX

(Optativa en 2º de BAC)

    Farase un percorrido pola literatura galega ó longo de todo o século XX, analizando a súa relación coa situación da sociedade en cada momento, coñecendo os autores máis destacados, estudiando os principais temas presentes nas obras desta época e as estratexias formais das que se valen para tratalos.

    Non é necesario facer un enfoque cronolóxico nin un estudio específico de ningún autor ou obra en concreto, aínda que, loxicamente, afondarase máis nos máis representativos.

    A lectura de obras enteiras ou de fragmentos das mesmas será parte fundamental do tratamento da materia.

ÉTICA E FILOSOFÍA DO DEREITO

(Optativa en 1º de BAC)

    Con esta materia o alumnado poderá coñecer a orixe da nosa sociedade, a natureza do noso propio ser comunitario, os diferentes conceptos que integran o panorama político e sociolóxico, e achegarse ós escritos básicos que fundamentan os Estados actuais (Dereitos Humanos, Constitución, Estatuto de Autonomía, ...).

    Unha materia actual, para traballar con materiais actuais e sobre todo dende unha perspectiva actual e ó alcance de todos nós: o comportamento e a representación política.

FILOSOFÍA DA CIENCIA E DA TECNOLOXÍA

(Optativa en 2º de BAC)

    A reflexión filosófica tradicional vese complementada por esta aplicación ó ámbito da ciencia e da tecnoloxía que achegará o alumnado á sociedade actual e sobre todo á problemática da sociedade que nos vai tocar vivir nun futuro moi cercano. O coñecemento científico e os seus métodos, a interrelación dos factores científicos, técnicos e sociolóxicose, e toda a mitoloxía que envolveu dende sempre á Ciencia son obxecto de crítica ó longo desta materia.