A finais do curso 2005-2006, xuntámonos varios profesores que estiveramos no Leiras Pulpeiro en distintos anos e que agora está cada un nun instituto distinto. Mario, que está en Cervantes, Esther en Pedrafita do Cebreiro e Rosa en Castrocaldelas. Ocurríusenos que sería unha boa idea, xa que estamos tan espallados e xa non podiamos facer proxectos en común, que poderíamos aproveitar a conexión a Internet para poñer en comunicación os catro centros, de xeito que o alumnado de tecnoloxía de cada centro pudera contactar entre si e traballar en grupo.

Durante o curso 2006-2007, o proxecto foi medrando ata que desemboucou na realización da I Olimpíada Tecnolóxica, que tivo lugar a finais do curso no Cebreiro, onde se reuniron as persoas que xa tiveran contacto a través da web, para coñecerse na realidade e facer probas prácticas por grupos.

A páxina oficial do grupo é http://www.toupasoft.com/tecnogalicia

Debido á limitada capacidade do pobo, só puderon participar arredor de 120 alumnos, que dividido entre catro centros e catro cursos, nos dá un total de 5 alumnos por cada curso nun mesmo centro.

Pasada a romaría, editamos un vídeo dese día, que reflicte moi ben o que aconteceu:






A experiencia foi boa e repetímola no curso seguinte, hai apenas un par de días. Confiamos en seguir facéndoa ano tras ano.