Na tarde do domingo, os dous grupos de robótica do IES Leiras Pulpeiro achegáronse á Feira de Exposicións para facer unha demostración de como traballan os robots Lego e como se programan.  Alí coincidiron tamén cos grupos do IES de Rábade e de Salesianos.

O público interesouse polo funcionamento dos robots, que sensores tiñan, como se programaban, que software usabamos e algún ata probou a facer un programa sinxelo, usando para iso os dous portátiles que levabamos. Sabela fixo de monitora para explicar o programa a David, que fora compañeiro de Xabi na facultade en Santiago e se atopaba estes días en Lugo para participar na party (estes frikis sempre acaban coincidindo). David, apelando ós vellos tempos dos albores da informática, dixo: "buf, que lío con tanto gráfico, a min dame unha linguaxe de programación en modo texto".

Para rematar, fixemos unha competición amistosa entre os catro grupos que nos animamos a acudir a esta cita.


Os dous grupos do Leiras e mailo de Rábade

(Pincha para ver /descargar a foto a máxima calidade)