AXUDAS AO ALUMNADO PARA FORMACIÓN EN LINGUAS ESTRANXEIRAS 2012
en Luns, 05 Marzo 2012 por Íñigo Barreiro en NOVAS > Centro - Novas Clicks: 561
No DOG do día de hoxe publícase a Orde do 22 de febreiro de 2012, pola que se convocan axudas para a realización de actividades de formación en linguasestranxeiras no ano 2012, destinadas ao alumnado dos centros docentes sostidos con fondos públicos, en réxime de concorrencia competitiva.
O prazo de presentación de solicitudes comeza o día 6 de marzo e remata o día 7 de abril.
A información sobre este programa, así como a aplicación "en liña" que se refire na convocatoria, atoparase na páxina web http://www.edu.xunta.es/axudasle.
No caso dos centros concertados, en educación primaria e educación secundaria obrigatoria as certificacións serán asinadas polo director ou directora do centro educativo co visto e prace da inspección educativa.
No caso das ensinanzas de bacharelato e de formación profesional, a certificación asinaraa o secretario ou secretaria do centro público no que se atope o expediente académico e co visto e prace do director ou directora dese centro.
O alumnado interesado pode preguntar na Secretaría do IES Leiras Pulpeiro, onde lle informarán oportunamente.
Web basada en e107, baixo os termos de GNU Licencia GPL. Tradución do xestor CMS ó galego por Marta Pérez Murado, Carlos Vilaboa Díaz, Xabier Díaz Fernández e Dolores Varela Salgueiro