Programa Leliadoura para o aforro de enerxía
Xustificación
Son evidentes as razóns para que promovamos o aforro de enerxía:
- custo en diñeiro do propio Centro
- efectos medioambientais
- necesidade educativa
Sen entrar a detallar polo miúdo os aspectos anteriores (para máis información visitar www.adega-galiza.org ou www.greenpeace.org) pódese dicir que o noso Instituto ven gastando anualmente en enerxía eléctrica máis de 16.000 € ós que hai que sumar máis de 2.500 € en calefacción. O obxectivo deste programa a medio prazo debe ser o de REDUCIR O CONSUMO NUN 15-20%, mediante unha serie de propostas sinxelas que son doadas de poñer en práctica e non supoñen inversión por parte do centro
Requiren, iso si, a participación activa do Profesorado, que en xeral acepta de bo grao participar en actividades deste tipo, para promover tamén actitudes no alumnado que, en conxunto, nos achegarán á consecución dos obxectivos deste Programa tanto nos aspectos económicos como nos ambientais e educativos. Pensemos que por ser a enerxía unha cuestión de importancia social, afecta a tódalas áreas o seu tratamento educativo.
Condicións xerais da iluminación no centro
O Instituto dispón na súa maior parte de lámpadas fluorescentes (eficientes enerxeticamente) e unha aceptable iluminación natural. Trátase de utilizar esta última o máis posible e reducir ó máximo o uso das primeiras.
En xeral as persianas están baixas unha gran parte do tempo de clase. As razóns soen ser: “os reflexos”, a “molestia” do sol (os días que o hai) ou simplemente “xa estaban así”. Nas aulas que dan ó patio interior as razóns máis frecuentes redúcense, case sempre , á última.
Nas aulas 1,2,3, 4 e 5 e superiores é onde o sol pode “molestar” ás primeiras horas da mañá porque da de fronte.
Hai que ter en conta ó aplicar estas medidas que, en xeral, son algo máis escuras as aulas canto máis interiores e inferiores son.
Aforrar enerxía nas Aulas
PROPOSTAS (Discutir e acordar en Titoría)
• Apagar habitualmente a fila de luminarias do lado das fiestras. Subir as persianas o máis posible. Os días nubrados : de todo. Considerar que, durante a maior parte do ano, o sol non molesta se non se mira directamente. En días máis claros probar de apagar tamén as luminarias centrais, e, se é posible, todas.
• Non acender nunca as luces haloxenas (enriba do encerado) por ser pouco eficientes.
• Apagar sempre as luces da aula cando saímos máis de 20 minutos (Recreos ...)
• De levar a cabo estas medidas será encargado un/ha alumn@ semanalmente rotando por todos os da aula aínda que todos en xeral seremos corresponsables.
• Apagar os ordenadores cando non se utilizan.
• Traballar na aula o tema da Enerxía, ¿canto nos custa?, ¿por que é necesaria?, ¿que consecuencias se derivan do seu uso?...
• Colocar nas aulas carteis que nos recorden as normas a seguir
Aforrar enerxía nos corredores
• Reducir as lámpadas dos corredores.
Aforro de calefacción
Sendo a temperatura idónea unha cuestión moi subxectiva proponse como consideración de partida a seguinte:
As ventás das aulas e dos corredores están en xeral abertas o que indica un exceso de temperatura maiormente. As portas de entrada ó Centro están moitas veces innecesariamente abertas
PROPOSTAS
Proponse reducir lixeiramente a temperatura así como as horas de funcionamento da calefacción. Tamén se poden pechar algúns radiadores dos corredores.
Procurarase que das portas de entrada ó Centro sempre estea pechada unha delas alomenos.
En xeral serán os conserxes os encargados de controlar estes ámbitos de calefacción e corredores.
MÁIS PROPOSTAS...
- Para evitar que o Sol dea de fronte, pódese probar a cambiar de lado (ó oposto) os encerados das aulas do lateral Este. O Sol case nunca daría oblicuamente de fronte como agora senón oblicuamente de costas. Non é unha medida cara e poderíase ensaiar nunha aula durante un tempo.
|