REDE OLIMPIA:

  • Introducción
  • Como conectarse á rede. Os contrasinais.
  • Como construir un contrasinal.
  • Como cambia-lo contrasinal.
    		•

    Introducción á Rede OLIMPIA

    Neste instituto está funcionando unha rede que vai permitir a todo usuario acceder a internet dende calquera punto do centro e ó mesmo tempo poder ter os seus datos organizados dun xeito centralizado. De tal maneira que cada usuario/a vai poder acceder ós seus datos dende calquera ordenador do IES.

    O ter todo centralizado implica que cada usario da rede (profesores/as, alumnos/as, pas) pode acceder ó seu directorio de traballo dende calquera ordenador do instituto, usando para iso un só nome de usuario e un só contrasinal

    Ademais aqueles profesores que impartan clases nas aulas de informática van poder acceder á información dos seus alumnos/as dende calquer equipo do centro.

    Este ano instaláronse as salas Vionta e a de Comercio: dispomos dun total de 8 salas de computadores, ademais da biblioteca.

    Cada sala ten 23 ordenadores.

    Dispomos da sala de computadores "Os Ratos" para a ESO con 24 ordenadores para traballar con calquera tipo de aplicacións.

    No CASI (Centro de Administración de Servicios Informáticos) están centralizados tódolos servizos da rede. Conta cos seguintes servidores:

    • BREOGAN: Servidor: (Fujitsu Server F 6000, biprocesador, 256 MB RAM, 1 SCSI do sitema de 4 GB, 1 SCSI de 10 GB onde se almacenan tódolos datos dos usuarios/as da rede (profes, alumnado, administración, etc)
    • W3: Servidor Web, e de BBDD, imaxes, etc... para uso de alumnos e administración da rede.
    • XADE: Servidor usado para a aplicación XADE (Xestión de Centros) de forma exclusiva.
    • ROSALIA: Servidor de linux e servidor Web Interno do dominio Leliadoura.ga. Tamén controla o acceso a internet.
    • FERRIN: Servidor para equipos dos departamentos.
    • NUNCAMAIS e NUNCAMAIS2: Servidor para equipos da sala de computadores "Os Ratos".
    • MURGUIA: Servidor de Thin Station para equipos da biblioteca.

    ¿Cómo conectarse á Rede?

    Os Contrasinais:

    Para evitar problemas de seguridade na rede cada profesor/a, alumno/a debe ter entrado xa algunha vez na rede, co seu nome de usuario e co seu contrasinal.

    O máis importante de todo é o contrasinal. O Contrasinal é como o número dunha tarxeta de crédito, ou o número da caixa forta dun banco. É moi importante ter en conta que o contrasinal é de uso privado e particular. Non lle debemos dar o noso contrasinal a ningún compañeiro/a. Ésto suporía que calquera se podería facer pasar por nos na rede, e acceder ós nosos datos privados, borrar os nosos documentos, exames, etc...

    Para solicitar un contrasinal vostede deberá ser un membro do instituto (profesor, alumno, conxerse, etc...). Ó comenzo do curso lle será facilitada unha conta de acceso e un contrasinal para que vostede poida entrar na rede e usar tódolos servicios dispoñibles.

    Se vostede se incorpora ó centro unha vez comezado o curso, deberá dirixirse ó CASI para solicita-la súa conta de acceso.

    Se nos olvidamos do contrasinal ou ben introducimos un contrasinal incorrecto un número determinado de veces, a nosa conta de acceso á rede quedará bloqueada.

    Para desbloquea-la nosa conta, teremos que dirixirnos ó CASI, onde calquera dos administradores da rede solucionará ese problema.

    Como construir un contrasinal

    - Non usar nomes propios, datas de nacemento, NIF, nome do pai, etc, estas palabras son máis ou menos fáciles de adivinar. Existen programas que teñen diccionarios de palabras, e a xente usa eses programas para averiguar contrasinais.

    - Cada contrasinal debe ter como mínimo o seguinte:

      1 número
      1 letra maiúscula
      1 signo de puntuación (, : . - _ ; + - / * etc)

    - O contrasinal faise pensando unha frase, p.e. : "este temporal foi moi devastador"

      Agora cóllese a primeira letra de cada palabra: “etfmd”
      Decídese a maiúscula, p.e.: “etFmd”
      Insírese un número, p.e.: “etF3md”
      Insírese un signo de puntuación, p.e.: “e*tF3md”

    - Quedaría como contrasinal: “e*tF3md”

    - Só queda non olviadarse del: onde vai a maíuscula, o número, a frase, etc”

    - Se o apuntades nun papel, tan pronto como saibades de memoria o contrasinal, desfacédevos do papel.

    ¿Como cambia-lo contrasinal?

    A.- CONECTÁNDOSE POR PRIMEIRA VEZ:

      1.- Acender o ordenador

      2.- Pulsar CTRL+ALT+SUPR

      3.- Aparecerá un cadro de diálogo cunha serie de campos, que se cobren do seguinte xeito:

        Nombre de usuario: O nome de usario de acordo coa lista de usarios/as mostrada na táboa de usarios (Campo Nome Usuario)
        Contraseña: Leliadoura
        Dominio: Xa está configurado por defecto en OLIMPIA

      4.- Windows sacará a mensaxe "Su Contraseña ha caducado y debe cambiarla". Pulsar ACEPTAR

      5.- Aparece un cadro de diálogo. Cubrir SÓ os seguintes campos:

        - Contraseña Anterior: Será facilitada polos profesores (no caso dos alumnos), ou administradores da rede.
        - Nueva contraseña: Cada usario/a debe inventar un contrasinal de entre 5 e 8 caracteres
        - Confirmar la Nueva contraseña: Repetir o contrasinal anterior.
        - Pulsar en Aceptar.

      6.- Windows sacará a seguinte mensaxe: 'Se ha cambiado su contraseña'..

      7.- Xa está cambiado o contrasinal, este pódese cambiar cantas veces se desexa

    B.- CAMBIAR CONTRASINAL POR SEGUNDA OU MÁIS VECES:

      1.- Seguir os pasos 1 e 2 do apartado anterior.

      2.- Introducir o contrasinal que se elixiu no paso anterior

      3.- Unha vez iniciada a sesión pulsar en CTRL+ALT+SUPR

      4.- Aparece un cadro de diálogo.

      5.- Pulsar no botón "cambiar contraseña". Aparece un cadro de diálogo. Cubrir SÓ os seguintes campos

        - Contraseña Anterior: O contrasinal propio de cada un
        - Nueva contraseña: Cada usario/a debe inventar un contrasinal de entre 5 e 8 caracteres
        - Confirmar la Nueva contraseña: Repetir o novo contrasinal.
        - Pulsar en aceptar.
        - Pulsar a tecla ESC para volver ó escritorio.