Colgados das estrelas

Na gran maioría das ocasións, o importante e gran labor dos investigadores pasa desapercibido para a sociedade. Os traballos científicos, fundamentalmente, atópanse en revistas e semanarios internacionais, que son lidos preferentemente por especialistas; aínda que ultimamente os medios de comunicación se preocupan por esta clase de informacións, a cousa hai uns anos era ben diferente.
A astronomía probablemente é a ciencia máis antiga. Dende os tempos máis remotos a contemplación do ceo permitiu descubrir numerosas distincións, ademais do movemento dos astros. Esto trouxo consigo que, unha vez alcanzado certo desenvolvemento cultural, que o home se empezara a facer preguntas sobre do universo.
A transmisión de coñecementos é o punto básico non só para que os demais saiban o que se está facendo, senón porque é a única forma de que se poida valorar. En relación con esto, cómpre dicir que na nosa comarca existiron e existen grandes astrónomos como Ramón María Aller, notablemente coñecido polos seus libros e descubrimentos; ou tamén José María López, de Vila de Cruces, que posúe na actualidade un dos mellores e máis eficaces observatorios astonómicos da nosa comunidade. É unha persoa que leva anos interesándose por esta ciencia e trata de transmitírllela a pequenos e maiores, realizando diversos cursos ó ano de astronomía, ademais da publicación de dúas revistas anuais. En próximos números ofrecerémosvos máis información sobre el, porque cremos que é un acto de xustiza.

José Ángel Castro
1º Bacharelato