|
Música
no instituto
¿Alguén
dixo que no noso instituto non hai música?,
¿quen non coñece aínda o
ambiente musical que hai no noso instituto?
Por sorte, estamos nun concello no que a tradición
musical e o apego e afección á música
é insuperable, pois en case tódalas
casas se oíu falar algunha vez dalgún
achegado que se dedicase ó marabilloso
mundo da música, na producción de
sons, como medio de expresión artística
universal, e que todo ser humano sente e ten capacidade
de interpretar.
¿Quen
non oíu falar nunca do grupo DIAPASÓN?
Diapasón é a xuntanza de tódolos
músicos de banda ou de música de
cámara que estudian no instituto de Vila
de Cruces. Este novo proxecto creouse no mes de
decembro do 2000 por iniciativa de David Fiuza
Souto. Conformouse un grupo bandístico
de vento formado por 36 compoñentes, cun
resultado sonoro e acústico moi admisible
e bastante máis óptimo do esperado
antes da realización do proxecto.
¿Cal
foi o motivo da creación deste proxecto?
Pois simplemente foi o desexo de poder xuntarse
tódolos músicos do instituto, para
demostrar ata onde se podía chegar musicalmente
e, como é obvio, para pasalo ben e pola
atracción que en tódolos compoñentes
suscitaba, pois para nós foi unha experiencia
agradable e divertida.
Acerca do currículo do grupo bandístico
DIAPASÓN, podemos dar poucas notas, debido
ó seu pouco tempo de existencia. DIAPASÓN
tivo ata o momento dúas actuacións,
sendo a primeira un pequeno concerto no instituto
no Nadal do 2000; ademais, o 31 de decembro do
2000, formou parte dun acto relixioso presidido
polo Bispo Auxiliar de Santiago de Compostela,
na igrexa de Vila de Cruces, onde DIAPASÓN
interpretou unha serie de vilancicos e cancións
relixiosas.
¿Por
que DIAPASÓN? Pois o nome do grupo non
foi difícil de atopar, xa que un diapasón
é un aparello moi antigo e con moita historia,
que se empregaba para afinar os instrumentos musicais.
De aí se sacou o nome do grupo.
Pero non só temos banda no instituto; pois
todos coñeceredes a numerosos pianistas,
igual que a varios gaiteiros; tamén hai
moi bos percusionistas e, sobre todo, unha gran
cantidade de pandeireteiras de alto nivel, ademais
de prestixiosas voces,...
Como
vedes, estamos pragados de espírito musical
no noso instituto, e de boa música, aínda
que por desgracia parece estar aletargada, pois
este ambiente musical é descoñecido
pola maioría da xente. De todos modos,
que ninguén se desanime, xa que o seguinte
paso é a construcción formal deste
ambiente para o seu recoñecemento, e polo
tanto ¡QUE VIVA A NOSA MÚSICA!...
David
Fiúza
4º ESO
|
