Excursión a Pontevedra
"Ó final todo quedou nun susto"

Alumnos de 3º de ESO partimos cara a Pontevedra sobre as 09:30 h da mañá do martes día 3 de abril.

O que ía ser unha excusión cultural chegou a converterse nunha excursión inesquecible. Camiño de Pontevedra, no concello de Forcarei, un todoterreo que circulaba en sentido contrario -dirección Silleda-, cruzouse no camiño do noso autocar e fixo que envorcase. Dise que puido ser debido a un exceso de velocidade.
Os primeiros en socorrer ós ocupantes do autocar foron persoal da empresa Unión FENOSA e membros dunha gasolineira moi próxima ó lugar do accidente, ademais da xente que se atopaba nun bar contiguo á gasolineira. O persoal de Unión FENOSA prestou en todo momento a súa axuda ós alumnos accidentados.
Os alumnos e alumnas que estaban no autocar en xeral saíron ilesos, pero cun shock nervioso. No autobús encontrábanse os profesores, que avisaron inmediatamente ó instituto do ocurrido e o centro púxose en contacto cos pais dos alumnos para informalos do acontecido. Tres dos ocupantes quedaron levemente feridos e foron trasladados a un centro médico; dous deles proseguiron a viaxe sen problemas co resto dos compañeiros, pero ó terceiro tivo que pasar primeiro un recoñecemento médico. Despois, outro autobús recolleu os alumnos e continuamos a viaxe cara a Pontevedra sen máis problemas.

Visitamos o Museo Provincial e o IES Luis Sarmiento, onde nos mostraron ciclos de Formación Profesional. O museo atópase situado na Praza da Leña, lugar onde se pode observar arqueoloxía, sala de bodegóns, acibeches, Capela de San Telmo, Sala Románica de Arte Galega (séc. XVI-XVIII), Debuxo Galego…
Sobre as 20:00 h da tarde, regresamos ós nosos respectivos domicilios. Ó longo da viaxe de volta todo transcorreu con normalidade.

Pero non queremos rematar sen unha crítica: "Conductor = velocidade". Porta con porta, veciño de Silleda interrompeu a estrada polo son dun móbil; tamén exceso de velocidade, e baixou do coche sen mirar polos demais, só preocupándose de quen o chamara e do coche. Despistes como este poden matar a moitas vidas. Afortunadamente, un susto comparado coa velocidade.

Cecilia Rey, Cristina San Martín, Daria Begoña Peña
3º ESO