| |
¿Quén
dixo que ó IES "Marco do Camballón"
só se vén a estudiar?
Parece ser que só se vai ó insti
a aprender o que é o H2SO4
, o ciclo de Calvin ou a España Medieval;
pero, ademais diso, no noso centro estanse dando
unha serie de iniciativas por parte dalgúns
profesores/as e alumnos/as que fan que a vida
nel sexa máis "enrollada".
Dende o ano pasado empezáronse a facer
excursións a canto sitio había (París,
Madrid, Salou,...) e este ano vaise polo mesmo
camiño. Ademais, temos "música",
posto que contamos cun grupo musical formado por
36 estudiantes do centro e dirixida por David
Fiuza. ¿Parece pouco? Pois seguimos logo:
unha proposta de crear unha revista do centro
na que participasemos todos e... ¡BOOM!
todo un éxito, velaquí o seu número
dous.
Por outra banda, posto que a tecnoloxía
avanza cada vez máis, contamos cunha serie
de hackers dentro do IES, un grupo de profesores/as,
que xuntos están levando a cabo a construcción
dunha web, para que ti despois poidas resolver
as túas dúbidas acerca do centro,
expresar a túas opinións, participar
en concursos,...
E nin falar xa de cando fixemos a primeira folga
do IES "Marco do Camballón",
percorrendo as rúas de Vila de Cruces ata
chegarmos ó concello... A verdade é
que foi abraiante, porque o alcalde da vila, Xesús
Otero, abriunos as portas do concello e mandounos
para a Sala de Xuntas, onde nos manifestou o seu
apoio e mesmo se desprazou ata o centro para visitar
as infraestructuras.
Xa para rematar, os representantes dos alumnos
no Consello Escolar, Javier Iglesias e José
Ángel Castro, estamos levando a cabo un
proxecto para crear unha Asociación de
Estudiantes, coa finalidade de integrarse máis
activamente na Comunidade Escolar, logrando así,
estar máis informados, reivindicar mellor
os dereitos do alumnado, organizar actividades,
evitar abusos e arbitrariedades e colaborar na
obtención dunha mellor calidade na ensinanza.
Para poder formar esta Asociación necesitamos
saber se contamos co teu apoio. ¿Afíliaste?
Pois veña, manda a túa solicitude
a Asociación de Estudiantes, R/ Camballón,
nº 24, CP 36590, Vila de Cruces, Pontevedra.
Inclúe todas as opinións que queiras
sobre o seu nome, representantes ou o que se che
ocorra. Contamos contigo.
E despois de todo isto... ¿aínda
segues opinando que no "Marco do Camballón"
non hai movida?
Javier
Iglesias
2º Bacharelato
|
|
