|
Videoxogos
A continuación ofrecémosvos unha
selección comentada de videoxogos para
ordenador:
MAX
PAYNE
Max Payne é unha mestura entre os shooters
de tipo Quake combinado co enxeño de xogos
de exploración en terceira persoa como
Tomb Raider e todo isto cuns gráficos de
última xeración que rozan a perfección.
Está baseado nas películas de acción
rodadas en Hong Kong e cóntanos a historia
dun policía secreto ó que un día
lle asasinan brutalmente a muller e mais a filla.
A partir dese momento, Max intentará vingar
as súas mortes iniciando unha cruzada contra
todo o escuro mundo da mafia e corrupción
que envolve a cidade de Nova York.
RESIDENT
EVIL (saga)
Esta saga de videoxogos que comezara a súa
andadura na consola Sony, Playstation, é
hoxe unha das máis famosas, debido á
calidade de todas as súas entregas. Nestes
xogos teremos que intentar que a misteriosa empresa
fabricante de armas químicas "Umbrella
Corporation" non acade o seu obxectivo de
someter o mundo ós seus terribles experimentos
xenéticos. Todos os capítulos da
serie, menos RE Code Verónica, desenvólvense
na cidade de Raccon City, que está literalmente
tomada polos zombis e na que é moi difícil
sobrevivir.
TOMB
RAIDER (saga)
Nesta saga de xogos creados por Eidos Interactive
asumimos o papel da coñecidísima
heroína Lara Croft, que intentará
conseguir os seus obxectivos botando man das súas
habilidades coas armas e descifrando os difíciles
crebacabezas que terá que resolver ó
longo de cada historia.
O máis criticable deste tipo de xogos é
a escaseza de novidades nos seus contidos, xa
que dende o primeiro capítulo da saga o
único que se modificaron foron os gráficos
e a xogabilidade.
COLIN
MCRAE RALLY 2.0
Segunda entrega deste fabuloso simulador de rallys
no que teremos que pisar o acelerador a fondo
para intentar superar con éxito os difíciles
circuítos que nos propón Codemasters.
Aínda que o control segue a ser o mesmo
que o que aparecera na anterior entrega para Playstation,
os gráficos agora son moito mellores e
conseguen unhas cotas de realismo moi elevadas.
SOLDIER
OF FORTUNE II: DOUBLE HELIX
Soldier of Fortune está considerado como
un dos títulos de acción máis
importantes dos últimos tempos e neste
nova entrega, na que se melloran considerablemente
as situacións e contornos 3D así
como o nivel de detalle, consegue afianzar esa
privilexiada posición.
Asumiremos o papel dun consultor militar que traballa
por conta allea e ó que se lle encomendou
acabar cunha onda de accións criminais
e terroristas que ameazan con crear un ambiente
de violencia e hostilidade.
METALGEAR
SOLID 2: SONS OF LIBERTY
Esta é a continuación do xa clásico
xogo de espionaxe de Playstation que aparecera
por primeira vez na década dos oitenta
para o desaparecido ordenador de 8 bits Commodore
64. Sons of liberty comeza xusto onde remata o
chamado "final malo" da primeira entrega,
na que morre Meryl e Snake escapa na compañía
do científico Otacon. Agora Snake traballa
para unha organización chamada Filantropía
e intentará desenmascarar un novo invento
do exército americano.
RETURN
TO THE WOLFESTEIN CASTLE
Despois de dez anos e cuns gráficos terrorificamente
bos, volve este shooter en primeira persoa de
LD. Software.
A historia comeza cando, en plena II Guerra Mundial,
o terceiro Reich libera a un diabólico
monstro do pasado chamado Heilrhick para que lles
axude na súa intención de conquistar
o mundo. A nosa misión será a de
intentar que esta situación non se produza
porque, do contrario, esta besta podería
acabar dun só golpe coa vida na Terra.
FIFA
2002
Enésima entrega deste simulador de fútbol
da división deportiva de EA Games. Poderemos
participar nas ligas máis importantes do
mundo co equipo que nós elixamos; ademais,
inclúense competicións como a UEFA,
Champions League e as copas dos distintos países.
No que se refire á xogabilidade, cabe salientar
que non é moi precisa e un tarda moito
en acomodarse ó sistema de control. En
canto ó apartado gráfico, non existen
grandes cambios respecto da versión 2001,
aínda que si hai maior detalle nas facianas
dos xogadores e no estadio.
ALONE
IN THE DARK: THE NEW NIGHTMARE
Nesta nova aventura do detective Carnby teremos
que investigar a misteriosa morte do seu mellor
amigo, Charles Fiske, que desapareceu nunha illa
de Maine chamada Shadow Island. No desenvolvemento
do xogo deberemos explorar escenarios tenebrosos
para intentar avanzar nas nosas investigacións;
o ambiente é moitas veces claustrofóbico
e tétrico, sobre todo pola falta de visibilidade
de case todos os escenarios.
TORRENTE,
O XOGO
Ó longo de 23 niveis diferentes teremos
que guiar a Torrente para intentar deter unha
conspiración que ameaza as cidades de Madrid
e Marbella. O xogo en si é moi básico;
desenvólvese en terceira persoa e nel temos
que intentar acadar os obxectivos que se nos marcan
ó principio de cada misión, para
o que percorreremos rúas cheas de ionkis,
navalleiros e persoas armadas que intentarán
deternos no noso afán de defender a xustiza.
COMMANDOS
2: MEN OF COURAGE
Despois da boa acollida que tivera a primeira
parte cabía esperar que a segunda seguise
na mesma liña e así é. Este
novo xogo de estratexia, baseado na II Guerra
Mundial, supera sobradamente o anterior, tanto
no apartado gráfico como no técnico.
Os gráficos están modelados integramente
en 3D, conseguindo un resultado moi bo; ademais,
o xogo garda unha similitude moi respectuosa coa
realidade histórica. Sen dúbida
é un bo título para os amantes da
estratexia.
Juan
Negro
1º Bacharelato
|
