| |
O
noso ciclo formativo: Soldadura e Caldeirería
As
instalacións
No
CICLO MEDIO DE SOLDADURA E CALDEIRERÍA
deste centro dispoñemos dun taller máis
ou menos amplo no que hai diversas máquinas
para traballar. Este taller está distribuído
en cabinas individuais nas que cada un ten o seu
material para realizar as prácticas que
o profesor de soldadura nos asigna. Á parte
delas, existen outras máquinas para uso
común como: chafranadora, guillotina, taladro
de mesa, etc... Contamos así mesmo cunha
bo sistema de ventilación, composto por
varios tubos aspiradores que expulsan os gases
ó exterior.
As
máquinas e os procesos de traballo
·
Soldadora eléctrica:
Máquina monofásica ou trifásica
coa que se solda con electrodo.
· Soldadora de fío:
Aparello parecido ó descrito anteriormente
(trifásico) que solda con fío.
· Soldadora de TIG:
Utiliza como enerxía o arco eléctrico
entre un electrodo non consumible e a peza a soldar
mentres un gas inerte protexe o baño de
fusión.
· Soldeo oxigas:
Soldeo por fusión que utiliza a calor producida
por unha chama, obtida pola combustión
dun gas con osíxeno, para fundir o metal
base e unilo co metal de aportación.
· Soldeo por arco
con electrodos revestidos: É un
proceso no cal a fusión do metal se produce
gracias á calor xerada por un arco eléctrico
establecido entre o estremo dun electrodo revestido
e o metal base a soldar.
· Soldeo MIG-MAG:
O soldeo por arco eléctrico con protección
de gas, é un proceso de soldeo no cal a
calor necesaria é xerada por un arco que
se establece entre un electrodo consumible e o
metal que se vai soldar.
· Equipo oxicorte:
O osíxeno de corte queima o metal prequentado
e retira a escoria formada, deixando un canal
denominado "Sangría".
· Corte por plasma:
Con este proceso pódense obter CORTES de
alta calidade a alta velocidade; ademais, a calidade
non só se nota desde o punto de vista da
forma dos bordos, senón desde o punto de
vista metalúrxico, xa que só afecta
a unha zona estreita
· Soldadura por puntos:
As pezas, xeralmente chapas, quedan soldadas por
pequenas zonas circulares illadas e regularmente
espaciadas.
Materias do ciclo. Contidos
de cada materia
Desenvolvementos
xeométricos en construccións metálicas:
Realizamos planos de pezas que despois podemos
levar á práctica no taller.
· Mecanizado en construccións
metálicas: Materia na que efectuamos
prácticas con limas e outros utensilios
sobre platinas metálicas.
· Soldadura en atmosfera
natural: Nestas clases realizamos prácticas
soldando diferentes materiais con diferentes métodos
e posturas.
· Administración,
Xestión e Comercialización na pequena
empresa: Cómo manexarse nunha empresa,
documentos, financiamento, etc
· Relacións
no equipo de traballo: Materia na que se
tratan asuntos sobre as relacións entre
empregados e xefes.
· Formación
e Orientación Laboral: Dereitos
dos traballadores, tanto en materia de prevención
como en contratos e demais cuestións laborais.
· Trazado e conformado
en construccións metálicas:
Realízanse desenvolvementos e plantillas
en chapas metálicas que logo levamos á
práctica. Nesta materia tamén levamos
a cabo estudios teóricos sobre as máquinas
do taller.
· Soldadura en atmosfera
protexida: Este tipo de soldadura diferénciase
da outra principalmente porque vai protexida por
un gas inerte ou activo.
· Montaxe en construccións
metálicas: Aquí lévase
á práctica o aprendido en trazado
e conformado en construccións metálicas.
· Calidade en construccións
metálicas: Estudio e control das
propiedades: ductilidade, elasticidade, dureza,
etc... das estructuras metálicas.
· Seguridade na industria
de construccións metálicas:
Cómo traballar con seguridade.
· Formación
en centros de traballo: Esta actividade
desenvólvese fóra do centro de estudios.
Realízase nunha empresa que está
disposta a formarte durante 3 meses mediante a
realización de prácticas.
Con
todas estas materias consideramos que este ciclo
nos proporciona formación suficiente para
unha profesión con moitas saídas
laborais, pero cremos que se precisaría
máis tempo para conseguir unha formación
completa e ampla que non sobra á hora de
buscar emprego.
José Manuel Agrelo,
José Manuel Amosa, Julio Camiña,
Miguel Sánchez, 1º CF
|
|
