Shin Chan

¿Quen non oíu falar deste cativo monstro da televisión?

Todo comezou cando un prestixioso debuxante xaponés se puxo a facer cómics manga, entón xurdiu a figura de Sin Chan. O proxecto gustoulles ás canles de televisión e empezaron a emitilo, cambiando o guión, xa que contaba con gran contido erótico e así non se podía emitir.

En efecto, este cativo, aínda estando en idade de gardería, mostra unha elevada precocidade en relación ó tema do sexo. Frases tan famosas como: "... miña nai ten tetas planas e cu de pandeiro..." ou "pícame a piroliña..." fan que Shin-Chan sexa un rapaz único.
Tanto seus pais (Hiroshi e Misae), como os seus compañeiros (Cazama, Nene...), a miúdo se senten avergoñados polas falcatruadas que Shin Chan lles fai, como intimidar a xente, ser inoportuno, deixar quedar mal ós demais e mesmo, ás veces, ensinarlles a súa trompa.

Shin Chan sente paixón por un heroe da televisión chamado "Ultraheroe", que para nós viría a ser algo como os Power Rangers ou polo estilo. Ademais, a Shin Chan gústalle ver na tele as nenas que "ensinan cacha", a altas horas da madrugada. Na gardería á que vai, a súa mestra, que ten por nome Sta Yoshinaga, a miúdo ten que baixar a cabeza, debido a que non hai quen poida con Shin Chan.

Recentemente, nos xornais saíron noticias sobre que os partidos políticos queren que se deixen de emitir estes debuxos. Pero... ¿por que? Se Zipi e Zape eran un claro exemplo de fracaso escolar, Mazinger Z un especialista en demoler todo, agora resulta que todo é un problema de educación. Os rapaces podemos ver todo tipo de masacres e vísceras realistas feitas por ordenador e, sen embargo, non podemos ver como un rapaz debuxado con "crayon", pode ensinar a súa trompa.

Para aqueles que sexan fieis seguidores destes debuxos, direivos que aínda que tratan de sacalo da pantalla, un 85% dos rapaces e rapazas veno en Galicia e que é o programa con máis audiencia da TVG, ó igual ca en Cataluña, Valencia, País Vasco... E que, ademais, está recomendado por UNICEF para defender os dereitos da infancia.

Por certo, xa están á venda cómics, dous libros e de seguida sairá no cine.

Maite Sobrado, Javier Iglesias, Víctor Soto e Marcos Asorey, 2º BACH