A actividade principal que desenvolverá a cooperativa será a fabricación de estruturas metálicas en serie (naves industriais, pontes, pasarelas, edificación en xeral, etc.).

Coa fabricación en serie preténdese, por outro lado, a integración e creación na cooperativa de postos de traballo para persoal con discapacidades físicas, psíquicas e sensoriais, dando así saída a unha necesidade integradora socio-laboral.

A cooperativa asentarase na comarca de Deza, debido a un primeiro estudo das necesidades socio-empresariais; así como das infraestruturas existentes en dita comarca.

Os membros do proxecto son:

CONSTRUCIÓN DUN PORTAL E UNHA VARANDA

Os alumnos da cooperativa EMDEZA tamén participaron na construción dun cerramento para o IES Marco do Camballón.

Para comezar, no curso 04/05 iniciouse a fabricación dun portal para a entrada lateral do centro, seguido dunha varanda que asegura a rampla da mesma. Nos vindeiros meses tratarase de continuar co resto do peche na medida en que sexa posible.

Este traballo mostra a calidade na construción que se pretende inculcar nos alumnos do ciclo, así como as distintas habilidades necesarias para o desenvolvemento da profesión.

PROXECTO EMPRESARIAL DE COOPERATIVA

METALCRUCES SOC.COOP.

Un grupo de seis alumnos do ciclo formativo de soldadura e caldeirería do IES Marco do Camballón recibiron no curso 03/04 o segundo premio no concurso de "Proxectos Cooperativos" da Xunta de Galicia.

O proxecto foi realizado por Mario Bravo, Gloria Fernández, José Ramón Gómez, Alberto Granja, José Antonio Mosquera e David Rodríguez.