| |
A
visita a Santiago foi un resumo da Historia da Arte
feito en maio de 2002, cando xa estaba case rematado
o curso. A cidade compostelá era o escenario ideal para
facer un repaso de moitos dos estilos vistos nos libros
e nas diapositivas de clase, e dábanos a oportunidade
case de tocar cada obra.
A
Idade Media e o Camiño de Santiago están presentes nas
portas da cidade e nas rúas que levan á catedral,
onde pudimos ver o Románico nas naves e en Platerías
e o primeiro Gótico no Pórtico da Gloria. O Renacemento
está no Hostal dos Reis Católicos
e no palacio de Fonseca.
Avanzamos no tempo mirando cara á fachada do Obradoiro
e atopamos o Barroco, que tamén buscamos no convento
de Santa Clara.
O Neoclásico está na Universidade,
na fachada da Facultade de Xeografía e Historia. No
noso percorrido por Compostela paramos en distintos
exemplos de cada unha das épocas e completamos na realidade
a visión que traemos aprendida dos libros: o pazo
de Bendaña, a igrexa de Mª
Salomé, a Quintana,
San Paio de Antealtares,
a Casa do Cabildo,
San Martiño Pinario...
Rematamos
o camiño na arte do século XX no Museo
de Arte Contemporánea, construido nun espacio
onde contrasta a súa arquitectura moderna co barroco
de San Domingos de Bonaval.
Comprobamos como os camiños da arte levan a deformar
a realidade, a facer participar ó espectador na obra,
a utilizar distintos soportes para que o artista amose
a súa creatividade, e a comprobar que a evolución pode
tomar distintas vías e non deixará de sorprendernos.
No
mesmo mes completamos esa visión coa visita á colección
de pintura galega contemporánea de Caixanova exposta
no Auditorio de Galicia. Coñecimos en directo obras
de Maruja Mallo, Colmeiro, Laxeiro, Seoane e todos os
que recolleron as vangardas artísticas e representaron
por medio delas a realidade galega.
|
|
