| |
 |
SINUHÉ,
O EXIPCIO (The Egyptian)
Dir. M. Curtiz (1954) |
| Sinuhé
é un médico de Tebas que ó
final da súa vida describe o seu paso polo
Antigo Exipto. A película é a adaptación
do libro de M.Waltari que menciona aspectos científicos,
culturais, relixiosos e sociais da época
en torno a Amenofis IV. |
|
|
|
| |
ESPARTACO
Dir. S. Kubrick (1960) |
| Espartaco
é un escravo que a punto de ser condeado
a morte, é comprado para ser utilizado
como gladiador. A súa vida parece mellorar,
pero acaba liderando unha revolta de escravos,
que realmente sucedeu no ano 73-71 a.C. A película
pódese ver como un exemplo de loita de
clases, onde hai unha toma de conciencia da opresión,
unha rebelión, a derrota dos sublevados
polo poder de Roma e o castigo exemplar. |
|
 |
|
|
| |
 |
BEN-HUR
Dir. W. Wyler (1959) |
| Explica
a ocupación romana de Palestina no século
I a través da rivalidade de dous amigos
que pasan a ser inimigos. Un argumento paralelo
é a aparición do cristianismo e
a vida de Xesús de Nazaret. Podemos ver
a riqueza de Roma, os grupos sociais, as galeras,
os gladiadores e os espectáculos, onde
destaca a famosa carreira de cuádrigas. |
|
|
|
| |
GLADIATOR
Dir. R. Scott (2000) |
| Aínda
que foi criticada polas incorreccións históricas,
podemos aproveitar a perfecta reproducción
da batalla inicial, a reconstrucción da
Roma clásica e as escenas do Coliseo, cheo
de público gracias ó traballo do
ordenador. O emperador Cómodo non morreu
na area loitando cun gladiador, aínda que
parece que lle gustaba participar nas loitas de
cando en vez. |
|
 |
|
|
| |
 |
BRAVEHEART
Dir. M. Gibson (1995) |
| Ambientada
na Idade Media, narra a rebelión popular
escocesa liderada por William Wallace no século
XIII contra o rei de Inglaterra Eduardo I. Un
anacronismo é a indumentaria dos rebeldes,
as saias ou kilts, que non aparecerán
ata o S. XVIII e chegarán a ser o distintivo
nacional de Escocia. |
|
|
|
| |
O
NOME DA ROSA (Der Name der Rose)
Dir. J. J. Annaud (1986) |
| É
unha película policiaca que se desenvolve
na Idade Media. Nunha abadía hai que investigar
varias mortes e seguindo a lóxica científica
de William de Baskerville chegan a aclararse.
As indagacións permítennos ver as
partes dunha abadía, a vida dos clérigos
e a poboación que depende deles, as rivalidades
entre diferentes ordes relixiosas, as supersticións,
e a importancia do saber antigo que se copia nos
mosteiros. |
|
 |
|
|
| |
 |
1492:
A CONQUISTA DO PARAÍSO (1492: Conquest
of Paradise)
Dir. R. Scott |
| Narra
a aventura do descubrimento de América,
desde que Colón consegue o permiso dos
Reis Católicos e os cartos dos banqueiros,
ata que despois da cuarta viaxe volta preso a
España. Probablemente a bondade de Colón
cos indíxenas non sería a que caracterizou
ós que embarcaron cara a América
no século XV ou XVI. Scott considerou no
seu traballo como director a opinión de
que Colón é unha das grandes figuras
históricas, pero que foi inxustamente tratado
pola Historia. |
|
|
|
| |
O
TORMENTO E A ÉXTASE (The agony and the
ecstasy)
Dir. C. Reed (1965) |
| No
século XVI Rome é cabeza da Contrarreforma
católica. As construccións dos edificios
papais amosan a grandeza divina e tamén
o poder temporal do Papa, un soldado máis
dirixindo as súas tropas. Bramante, Rafael
e Miguel Anxo están decorando as estancias
vaticanas e o último deses artistas e a
súa obra, especialmente a Capela Sixtina,
centran o argumento. |
|
 |
|
|
| |
 |
A
RAÍÑA MARGOT (La reine Margot)
Dir. P. Chéreau (1994) |
| A
película é unha adaptación
da novela de Dumas. O contexto histórico
é o das Guerras de Relixión en Francia.
Podemos ver as loitas entre católicos e
hugonotes, as faccións nobiliarias que
as apoian e as intrigas na Corte que implican
á raíña Catalina de Médicis
e ós seus fillos, futuros reis de Francia.
Todo empeza coa voda da única filla, Margarita
de Valois, católica, co rei de Navarra,
hugonote, futuro Henrique IV de Francia. Na noite
de vodas desenvólvese a mantanza de San
Bartolomé de hugonotes a mans dos católicos
(24 de agosto de 1572). |
|
|
|
| |
A
MISIÓN (The Mission)
Dir. R. Joffé (1986) |
| As
misións xesuíticas do Paraguai eran
no século XVIII comunidades que funcionaban
sen recortar os dereitos dos indíxenas.
En contra deles tanto os españois como
os portugueses buscan ocupar os territorios nos
que se asentan. A independencia do poder político
e a obediencia unicamente ó Papa foron
causas da expulsión da Compañía
de Xesús de España. |
|
 |
|
|
| |
 |
EL
REY PASMADO
Dir. I. Uribe (1991) |
| A
corte de Felipe IV é vista desde a óptica
de Torrente Ballester. A teima do rei por ver
á raíña espida é un
punto de partida que deixa ver a mentalidade da
época. Aparecen unha serie de personaxes
que pululan ó redor da Corte: o valido
Olivares, as damas de compañía,
o servicio, o exército, e outros que interveñen
en caso de necesidade como o Santo Oficio e as
diferentes ordes relixiosas que ven a realidade
de formas opostas. Todo no ambiente da monarquía
española dos Austrias que está a
piques de comezar a súa decadencia. |
|
|
|
| |
ROB
ROY
Dir. M. Caton-Jones (1995) |
| Rob
Roy é o xefe do clan dos McGregor, que
vive do gando nas Terras Altas de Escocia a principios
do século XVIII. Debe pedir un préstamo
ó marqués de Montrose, e polas intrigas
doutro nobre non o pode devolver. Perseguido pola
xustiza, convértese nun proscrito e inicia
a loita contra os ricos e a favor dos pobres.
O obxectivo prioritario será restaurar
a honra da súa familia. |
|
 |
|
|
| |
 |
BARRY
LYNDON
Dir. S. Kubrick (1975) |
| Un
mozo sae de Irlanda escapando da xustiza e viaxa
por Europa levado polas circunstancias. Loita
na Guerra dos Sete Anos (1756-1763) no exército
inglés e no prusiano, dos que vemos a organización,
planificación de batallas, disciplina militar,
levas... Despois de deixar a vida militar, busca
o seu sitio na alta sociedade europea. Nos grandes
salóns entronca cunha familia nobre e nesta
parte da película temos a vida privada
dos lores ingleses. Un aspecto básico da
sociedade estamental é a consecución
dun título nobiliario, unha cuestión
que se repite na procura de recoñecemento
social. |
|
|
|
| |
GERMINAL
Dir. C. Berry (1993) |
| Nesta
adaptación da novela de Zola vemos o funcionamento
das minas de carbón de Francia xa avanzada
a Revolución Industrial. Descríbense
as condicións de traballo, o traballo infantil,
as carencias alimenticias e sanitarias, os barrios
obreiros, e o desenvolvemento das organizacións
obreiras que buscan melloras a través da
presión pola folga (socialistas) ou pola
acción violenta (anarquistas). É
o desenvolvemento do capitalismo cada vez máis
feroz cos obreiros en beneficio dos empresarios,
que son os menos prexudicados incluso nas situacións
máis desfavorables. |
|
 |
|
|
| |
 |
MICHAEL
COLLINS
Dir. N. Jordan (1996) |
| M.
Collins loitou xunto con outros líderes
como Eamon de Valera pola independencia de Irlanda.
Os métodos foron sublevacións e
atentados contra os británicos que fixeron
que para uns foran delincuentes e para outros
heroes da patria. Participou no levantamento de
Pascua (1916) que fracasou, cos líderes
no cárcere. Na prisión prepara a
táctica para vencer ós ingleses.
Desde 1918 comeza a liberar presos e a organizar
a loita preparando atentados. As negociacións
con Gran Bretaña chegaron a un acordo que
prometía a Irlanda liberdade e un Estado
independente mantendo ó rei inglés
como xefe de Estado, quedando unha parte de Irlanda
do Norte baixo dominación británica.
Valera e outros republicanos non aceptaron, co
que comezaron os enfrontamentos entre irlandeses.
M. Collins morreu nunha trampa preparada polos
seus. |
|
|
|
| |
LA
LENGUA DE LAS MARIPOSAS
Dir. J. L. Cuerda (1999) |
| A
vida nun pobo de Galicia é vista a través
dos ollos dun neno que comeza a escola. O mestre
é un republicano que abre os ollos dos
seus alumnos ó mundo real e é respectado
por todos. O contexto do rural galego e a vida
cotiá das parroquias dan un ambiente xeral
de tranquilidade. Sen embargo, as actitudes dos
veciños cambian cando en xullo de 1936
o mestre é detido xunto cos outros contrarios
ó levantamento de Franco. |
|
 |
|
|
| |
 |
¡QUE
BELO É VIVIR! (What a wonderful life!)
Dir. F. Capra (1946) |
| Como
outras películas de Capra, é unha
historia de xente normal, sen superheroes, que
amosa a vida nun pobo dos EE.UU. entre as dúas
guerras mundiais. Vemos a idea do american
dream (o soño americano) aspiración
de todo o estadounidense medio, os problemas da
Depresión de 1929, a presión dun
gran banco sobre unha empresa de empréstitos
pequena, os traballos de colaboración na
retagarda durante a Segunda Guerra Mundial, e
o valor de cada individuo na vida dos outros. |
|
|
|
| |
TERRA
E LIBERDADE (Land and Freedom)
Dir. K. Loach (1995) |
| Un
inglés comunista loita nas Brigadas Internacionais
na Guerra Civil Española. A guerra na fronte
de Aragón deixa ver o enfrontamento contra
un inimigo superior e mellor organizado, e os
problemas no propio bando republicano no que as
diferentes faccións (o POUM, os comunistas,
os anarquistas) non teñen os mesmos obxectivos,
chegando a loitar entre eles. |
|
 |
|
|
| |
 |
LA
VAQUILLA
Dir. J. G. Berlanga (1985) |
| A
Guerra Civil Española é interpretada
desde o particular punto de vista de Berlanga.
Escolle unha zona da fronte na que están
en contacto os nacionais e os republicanos. Sen
accións bélicas, realizan intercambios
e comunícanse por altofalantes. Os soldados
non entenden de ideoloxías e vemos como
en múltiples situacións non se identifican
co bando que lles tocou en sorte ó inicio
da guerra. A súa lóxica leva a estes
soldados a propoñer cambios de lado para
voltar ós seus pobos de orixe. |
|
|
|
| |
A
VIDA É BELA (La vita è bella)
Dir. R. Benigni (1997) |
| Con
forma de conto discorre a vida nun pobo de Italia
durante a época de Mussolini. Vanse incluindo
frases, alusións e anécdotas que
deixan ver como o racismo e a violencia impregnan
unha sociedade pacífica no inicio. A segunda
parte da película é a cruz do campo
de concentración onde un pai ten como único
obxectivo facer que a vida do seu fillo non deixe
de ser bela. |
|
 |
|
|
| |
 |
O
PIANISTA (The pianist)
Dir. R. Polanski (2002) |
| Misturando
a vida do protagonista e os recordos do director
sobre a súa infancia do ghetto de Varsovia,
a película é unha exposición
do proceso desde as leis de marxinación
dos xudeus durante a ocupación nazi de
Polonia, a reclusión destes dentro dos
muros do ghetto, ata a derrota alemana na Segunda
Guerra Mundial. Transmítenos as distintas
actitudes ante os problemas, o instinto de supervivencia,
a vida cotiá en condicións extremas,
nunha narración clara que conecta coa evolución
da guerra. |
|
|
|
| |
SALVAR
Ó SOLDADO RYAN (Saving Private Ryan)
Dir. S. Spielberg (1998) |
| O
desembarco de Normandía é minuciosamente
contado ó principio da película.
Despois, un grupo de soldados dos Estados Unidos
deben cumprir a misión de atopar e facer
voltar á súa casa a un soldado ó
que xa lle morreran tres irmáns na guerra.
Esa búsqueda desenvólvese polos
campos de batalla europeos durante a Segunda Guerra
Mundial. |
|
 |
|
|
| |
 |
O
TERCEIRO HOME (The third man)
Dir. C. Reed (1949) |
| Unha
historia de suspense desenvólvese na Viena
destruida da inmediata posguerra da Segunda Guerra
Mundial. O escenario é unha cidade sombría
e dividida en zonas ocupadas en 1945 polos aliados,
igual que ocorría en Berlín na mesma
época. Un escritor americano chega a Viena
e descobre que o seu mellor amigo faleceu nun
accidente de tráfico. Nada é como
parece. Ó remate, unha espectacular persecución
polos sumidoiros da capital austriaca. |
|
|
|
| |
BIENVENIDO
MR. MARSHALL
Dir. J. G. Berlanga (1953) |
| É
unha irónica visión sobre como o
Plan Marshall pasou por España sen parar
a cumprir os soños dos que pensaban que
podían saír de pobres coa axuda
dos americanos. O recoñecemento internacional
de Franco despois do Tratado cos Estados Unidos
non chegou para que España recibira as
axudas que os europeos occidentais recibiron para
a súa reconstrucción despois da
Segunda Guerra Mundial. O que chegou foi tarde
e en pouca cantidade. |
|
 |
|
|
| |
 |
J.F.K.
Dir. O. Stone (1991) |
| Partindo
do asasinato de Kennedy en Dallas (1963), a película
narra a investigación levada a cabo polo
fiscal do caso J. Garrison. Mistúranse
imaxes de arquivo na reconstrucción dos
feitos co que aumenta a veracidade da narración.
As análises sobre as versións dadas,
a asociación con acontecementos paralelos
da Guerra Fría, e os datos aportados por
distintas personas ó longo da investigación,
fan que queden máis dúbidas que
certezas, a pesares da explicación oficial. |
|
|
|
| |
INDOCHINA
(Indochine)
Dir. R. Wargnier (1992) |
| Estamos
no momento no que o dominio francés de
Indochina vai dar paso a unha nova orde. Os colonos
franceses considéranse asiáticos
e os nativos non aceptan a súa explotación
e subordinación. É o paso da descolonización
da zona ó futuro incerto que acabará
na Guerra do Vietnam. |
|
 |
|
|
| |
 |
MISSING
Dir. Costa-Gavras (1982) |
| A
represión de Pinochet en Chile alcanzou
tamén a cidadáns estranxeiros. Os
opositores ó réxime desaparecían
e poucos se localizaban nas cárceres. Esta
película denuncia, ademáis, a complicidade
das autoridades norteamericanas que, en vez de
axudar, actuaron como encubridores dos asasinos.
O desaparecido que se busca é un estadounidense. |
|
|
|
| |
THE
BOXER
Dir. J. Sheridan (1997) |
| Un
activista do IRA volve á súa casa
despois de anos en prisión. Atopa problemas
para reinsertarse nalgún dos seus ex-compañeiros
que non aceptan que deixe a loita e acepte os
acordos de paz asinados con Londres. Son claras
as diferencias no IRA entre os que optan pola
paz e os que queren continuar a loita, chegándose
a eliminar en atentados ós elementos máis
extremistas que obstaculizarían calquera
negociación. |
|
 |
|
|
| |
 |
FULL
MONTY
Dir. P. Cattaneo (1997) |
| A
apariencia de comedia deixa ver unha traxedia
de paro e crise industrial dunha cidade inglesa
(Sheffield) que non dá posibilidades ós
que xa non poden traballar no aceiro. É
un exemplo aplicable a outras cidades europeas
que amosa os problemas do "Estado do Benestar"
e os resultados do seu desmantelamento coas políticas
neo-liberais de fin do século XX. |
|
|
|
| |
|
|
| |
|
|
| |
|
|
