| |
Os
pasos para a fabricación artesanal de papel reciclado son
os seguintes:
1.-
Trocéanse follas de papel de periódico ou outros papeis
en anaquiños pequenos.
2.-
Bótanse nun recipiente con auga e déixase que
a auga empape o papel polo menos durante 24 h.
3.-
Cunha batedora das que se teñen na casa, de man, tritúrase
o máximo posible a preparación anterior; ó resultado
chamámoslle "polpa de papel". Se se desexa pódese
engadir unha cullerada sopeira aproximadamente de cola branca.
Se se quere que o papel teña unha determinada cor,
engadiráselle tamén o colorante preciso. Bátese
todo.
| |
 |
|
4.-
Cóllese un puñado ou dous da polpa de papel e noutro
recipiente engádese auga e vólvese bater. Bótase
todo na bandexa, tina ou similar onde se vaia introducir o
bastidor, e compróbase se hai polpa suficiente (que
ó tomar a auga entre as mans se vexa bastante, sen
grumos) e senón engádese máis. Se o papel sae
moi gordo é porque hai polpa en exceso, pódese
amañar engadindo un pouco máis de agua.
5.-
Unha vez que teñamos a mestura, procédese a
introducir o bastidor, pouco a pouco e en diagonal, ata tocar
o fondo da bandexa; déixase uns segundos en posición
horizontal para que se vaia depositando a polpa e levántase
suavemente sen perder a horizontalidade. Déixase escorrer
encima do recipiente, axudándose cunha baeta.
6.-
Cando estea ben escorrido, levántase o marco superior
e o que contén a polpa envórcase encima dunha
tea, levantando o molde con coidado deposítase o papel,
ponse encima outra tea, unhas cantas follas de periódico para
absorber a humidade evolta a empezar…
7.-
As follas que se fagan prénsanse durante 1 día como
mínimo e logo esténdense ata que se sequen.
 |
| |
 |
|
Para
esta actividade podemos utilizar calquera tipo de papel que
non teña a superficie satinada. Unha suxerencia é
a de reutilizar papel escrito a máquina, a ordenador ou fotocopiado
só por unha cara.
- En primeiro lugar, é necesario
protexer con papel de periódico a zona na que imos traballar
e o lugar onde colocaremos os papeis tinxidos a secar. Como
empregaremos óleos, recoméndase tamén o uso dun mandilón
o unha peza de roupa similar.
- Comezamos botando uns dous dedos de auga tibia na cubeta e
deixándoa repousar ata que alcanza a temperatura ambiente.
- En recipientes de vidro imos preparar as cores diluíndoas
en augarrás, procurando que a consistencia sexa homoxénea e
bastante líquida.
- Probamos sobre a superficie da auga o grao de dispersión da
pintura, que debe ser inmediata. Se a pintura non se dispersa,
haberá que engadir máis augarrás á mestura e probar de
novo. Podería deberse tamén a que a auga estea demasiado fría.
Se, pola contra, a pintura se dispersa con excesiva rapidez,
é preciso engadir máis óleo á mestura.
- Cando a consistencia das cores sexa a adecuada, límpase
a superficie pasando tiras de periódico a ras da auga.
- Os papeis que se desexan tinxir han de ser un pouco máis pequenos
cá cubeta, e han de estar preparados cerca dela para
que o proceso non sufra paróns.
- Déixase gotear a cor ou cores elixidas sobre a superficie
da auga. Unha vez que está todo na cuberta, remóvese
cun pauíño para crear un diseño máis ou menos
libre. Convén traballar con rapidez para que as cores
non se mesturen demasiado.
- Collemos o papel que queremos tinxir polos dous extremos diagonalmente
opuestos e estendémolo con suavidade sobre a auga, coma
se o desenrolaramos, para evitar que queden burbullas.
- Cando o papel está estendido soltámolo de todo dispoñémonos
xa para recollelo. Para iso, levántase por un lado, déixase
gotear uns instantes e colócase a secar.
- Se aínda hai suficiente pintura na superficie, introdúcese
outro papel. No caso contrario, engádese máis.
- Para cambiar de cor, procédese de igual forma a como
eliminamos as probas de pintura: tiras de periódico pola superficie.
- Ó finalizar a actividade, eliminamos a pintura superficial,
tiramos a auga e é conveniente que antes de lavar a cubeta
eliminemos a pintura dos bordes e a que se precipitou no fondo
con bólas de papel de periódico. |
|
e logo A. 
