Dominar a lingua galega e a castelá.
	Expresarse con fluidez e corrección nunha lingua estranxeira.
	Analizar e valorar criticamente as realidades do mundo contemporáneo e os antecedentes e factores que inflúen nel.
	Comprender os elementos fundamentais da investigación e do método científico.
	Consolidar unha madurez persoal, social e moral que lles permita actuar de forma responsable e autónoma.
	Participar de forma solidaria no desenvolvemento e mellora do seu contorno social.
	Dominar os coñecementos científicos e tecnolóxicos fundamentais e as habilidades básicas propias da modalidade escollida.
	Desenvolver a sensibilidade artística e literaria como fonte de formación e enriquecemento cultural.
	Utilizar a educación física e o deporte para favorecer o desenvolvemento persoal.

Materias

	BACHARELATO		MATERIAS COMÚNS		MATERIAS OPTATIVAS
	1º Ciencias da Natureza e da Saúde		- Educación Física - Filosofía - Lingua Castelá e Literatura - Lingua Galega e Literatura - *Inglés/Francés - *Relixión/Cultura Relixiosa		PROPIAS DE MODALIDADE - Matemáticas 1 - Física e Química - Bioloxía e Xeoloxía - Debuxo Técnico 1 OPTATIVAS - 2ª lingua estranxeira 1 - Música 1 - Economía - Tecnoloxía industrial 1 - Debuxo Técnico 1 - Bioloxía e Xeoloxía
	1º Ciencias Sociais e Humanidades		- Educación Física - Filosofía - Lingua Castelá e Literatura - Lingua Galega e Literatura - *Inglés/Francés - *Relixión/Cultura Relixiosa		PROPIAS MODALIDADE HUMAN. - Hª do mundo contemporáneo - Latín 1 - Grego 1 PROPIAS MODALIDADE CCSS - Hª do mundo contemporáneo - Economía - Matemáticas aplicadas ás CCSS 1 OPTATIVAS - 2ª lingua estranxeira 1 - Música 1 - Literatura universal - Ética e filosofía do dereito - Economía - Matemáticas aplicadas ás Ciencias Sociais 1 - Latín 1 - Grego 1

*Os/as alumnos/as escollerán unha das dúas.
Os/as alumnos/as escollerán un dos bloques de materias propias de modalidade e unha optativa.

	BACHARELATO		MATERIAS COMÚNS		MATERIAS OPTATIVAS
	2º Ciencias da Natureza e da Saúde		- Historia de España - Filosofía - Lingua galega e literatura - Lingua castelá e literatura - *Inglés/Francés		PROPIAS DE MODALIDADE (AI) Matemáticas ll Física Debuxo técnico PROPIAS DE MODALIDADE (AII) - Matemáticas ll - Física - Química PROPIAS DA MODALIDADE (AIII) - Ciencias da terra e do medio ambiente - Química - Bioloxía OPTATIVAS - 2ª lingua estranxeira lI - Xeoloxía - Debuxo Técnico II - Sistemas de representación
	2º Ciencias Sociais e Humanidades		- Historia de España - Filosofía - Lingua galega e literatura - Lingua castelá e literatura - *Inglés/Francés		PROPIAS DA MODALIDADE (B1) - Latín ll - Grego II - Historia da arte PROPIAS DA MODALIDADE (B2) - Latín II - Historia da arte - Historia da música PROPIAS DA MODALIDADE (B3) - Matemáticas aplicadas ás Ciencias Sociais II - Xeografía - Economía e organización de empresas OPTATIVAS - Historia e xeografía de Galicia - Literatura galega do século XX - 2ª lingua estranxeira II - Grego ll - Literaturas hispánicas - Introducción ás ciencias políticas e socioloxía

*Os/as alumnos/as escollerán unha das dúas.
Os/as alumnos/as escollerán 3 materias propias de modalidade e 1 optativa. Poden escoller como optativas, materias propias doutra modalidade.
Non se pode escoller unha optativa con "ll", se non se escolleu a correspondente "l" en 1º Bacharelato.

Avaliación

A avaliación realizarase de forma colexiada, coordinada polo/a titor/a.
A formulación das cualificacións será numérica, nunha escala do un ó dez sen decimais. Serán positivas as cualificacións iguais ou superiores a 5.
Realizarase unha sesión extraordinaria de avaliación na primeira quincena de setembro.

Promoción
Promocionarán do primeiro ó segundo curso de bacharelato os/as alumnos/as que foran avaliados positivamente en tódalas disciplinas do curso e aqueles outros que foran avaliados negativamente nunha ou en dúas materias.
Os/as alumnos/as que non promocionaran a segundo curso por ter avaliación negativa en máis de dúas materias deberán repetir curso e ser avaliados de novo en tódalas disciplinas de primeiro.
Os seminarios ou departamentos didácticos asumirán as tarefas de recuperación e avaliación dos/das alumnos/as de segundo curso que teñan unha ou dúas materias pendentes do curso anterior. Con esta finalidade proporanlles ós/ás alumnos/as un plan de traballo no que constarán os contidos mínimos esixibles e as actividades recomendadas, así como os instrumentos de avaliación que permitan verificar a recuperación das dificultades que motivaron a cualificación negativa.
A avaliación e cualificación das materias pendentes do primeiro curso realizarase con anterioridade á avaliación final ordinaria do segundo curso.
Ó rematar o segundo curso, os/as alumnos/as que foran avaliados negativamente en máis de tres disciplinas do devandito curso ou de ámbolos dous cursos de bacharelato, deberán repetir curso e ser avaliados naquelas materias pendentes de primeiro, se é o caso.
Os/as alumnos/as con tres ou menos materias pendentes de segundo curso ou de ámbolos dous cursos haberán de cursar unicamente estas disciplinas.
Para os efectos do disposto no apartado anterior, considerarase unha soa materia aquela que se curse con idéntica denominación nos dous cursos de bacharelato, a saber: lingua castelá e literatura, lingua galega e literatura, lingua estranxeira, matemáticas, tecnoloxía industrial, latín, matemáticas aplicadas ás ciencias sociais, grego, segunda lingua estranxeira e música.
Excepcionalmente, e por unha soa vez, a dirección do centro poderá autorizar que os/as alumnos/as con tres ou menos materias pendentes de segundo curso ou de ámbolos dous cursos cursen tódalas materias de segundo, coa finalidade de mellorar as súas cualificacións. A estes alumnos/as consideraráselles nas materias que xa tiñan superadas a cualificación obtida na nova convocatoria, sempre que dita cualificación sexa superior á anterior. No caso contrario, prevalecerá a cualificación obtida na convocatoria precedente.
Os/as alumnos/as ou os seus representantes legais poderán presentar reclamacións perante o/a director/a do Centro contra as cualificacións finais outorgadas, nun prazo de cinco días a partir da súa notificación.

Titulación

Para realizar a proposta da expedición do título de bacharel será necesario que os/as alumnos/as obteñan avaliación positiva en tódalas materias.