| |
Localización
Latitude: 42º 43´25´´ - 42º
51´20´´ N.
Lonxitude: 4º 39´30´´ - 4º
25´ W.
Extensión
aproximada de 147 Km2 e
unha poboación aproximada de 7470
habitantes, distribuídos en 28 parroquias.
Condicións
socioeconómicas
Predomina
un nivel socioeconómico entre medio e baixo.
O contorno vai quedando despoboado debido a que moita
xente nova busca espacios urbanos para traballar e vivir:
a aldea é a "casa dos vellos", queda
para visitala en festivos e celebracións familiares.
Sen embargo, cómpre indicar que entre os pais
dos/as alumnos/as que asisten ó Instituto hai
un predominio do sector agropecuario, sendo moitos os
casos de familias nas que a nai atende o gando e a casa
e o pai vai traballar en sectores como o da construcción,
madeira, talleres, fábricas de maquinaria industrial,
etc., en Vila de Cruces e nas localidades urbanas próximas.
Nos últimos tempos, hai nais que empezan a saír
a traballar fóra da casa. Ámbalas dúas
situacións fan que en moitos casos os/as alumnos/as
estean cos avós de forma case permanente.
Como se sinalaba anteriormente, a maioría da
xente nova busca outro lugar para vivir ó remata-los
estudios obrigatorios e unha porcentaxe aproximada dun
30% acada a realización dunha carreira en localidades
cercanas.
Servicios
sociais
Educación
Os centros escolares que hai no Concello son:
- EEI de Piloño
- CEIP "Cerdeiriñas", en Piloño,
cunha matrícula aproximada de 120 alumnos/as.
- CEIP de Merza, cunha matrícula aproximada de
90 alumnos/as
- CEIP "Virxe da Piedade", en Vila de Cruces,
cunha matrícula aproximada de 300 alumnos/as.
Por tratarse dun concello moi extenso, a diseminación
de centros de ensino é inevitable, dada a natureza
rural da súa poboación e a conseguinte
dispersión en pequenos núcleos.
- Unha escola municipal de música cunha matrícula
superior ós 200 alumnos. A elevada cantidade
de alumnos/as é debida, sobre todo, á
gran tradición musical da zona, que conta con
dúas bandas de música: Unión Musical
de Ponteledesma e Banda Artística de Merza, sendo
esta última unha das bandas populares máis
antigas de Galicia.
Zonas
deportivas
Soamente se conta con pavillóns polideportivos
nas zonas dos centros de ensino. Existen dous campos
de fútbol: "O Camballón", en
Vila de Cruces, e "Os Píos", en Piloño;
existe tamén unha piscina municipal en Vila de
Cruces.
Servicios médicos
Hai un centro de saúde en Vila de Cruces que
concentra toda a atención primaria do contorno.
A Seguridade Social dálle ocupación a
catro médicos e existe, ademais, algunha consulta
privada. Polo que atinxe ós especialistas, hai
un pediatra, un practicante e unha comadroa.
Servicios sociais
O Concello conta con dúas asistentas sociais
que se encargan de atende-los casos que o precisen no
contorno; tamén se dispón de varios contratados
temporais para a atención de minusvalías,
terceira idade, etc.
Asociacións culturais e
deportivas
As dúas agrupacións deportivas máis
importantes son a S.D. Cruces e a S.D. Piloño,
que compiten en diferentes categorías de Rexional.
Pero tamén existen varios grupos máis
sen federar no resto do concello.
Cabe destaca-lo aumento de afeccionados á loita
libre e grecorromana, na que xa hai algún campión
de España.
Polo que atinxe á cultura, gózase de certa
proliferación na actualidade. A máis antiga
é a Asociación "Tras San Xoán",
de Vila de Cruces, que organiza actividades periódicas
ó longo de todo o ano.
Nas zonas rurais funcionan varias Asociacións
de Mulleres Rurais, que se dedican fundamentalmente
a organizar actividades dirixidas ás amas de
casa, con cursos e exposicións moi variadas nos
seus locais, así como excursións, visitas
culturais e xantares e ceas de confraternidade.
Existen, así mesmo, varias asociacións
de veciños.
|
|
