Consultorio.

 

¡Hola amigos!. Un ano máis aquí o voso consultorio ó que podedes escribir para que resolvamos as vosas dúbidas sentimentais e sobre calqueira tema. Ata o de agora tiñas que preguntarlle a Deli, a partir do próximo número RANNAPPELA estará encantada de contestarche. ¡Anímate!. Aquí contestamos as do ano pasado. Perdón pola tardanza...

 

¡Hola DELI!

Ultimamente non me atopo moi ben, teño un problema que nin te imaxinas. O caso é que dende hai un tempo venme gustando unhas das profesoras do centro e non teño claro como debo actuar. De vez en cando(cada vez con máis frecuencia)quédome ó final da clase para facerlle unhas preguntas e observacións sobre a asignatura, ¡é que non podo evitar namorarme dela, do seu ollar atento e comprensivo, do seu camiñar natural e despreocupado, da elegancia do seu vestir e da calidez da súa voz!. Nalgunha que outra ocasión póñome roibo porque penso que como non se vai dar conta de que non despego os ollos dela dende que entra na clase.

O outro día foi terrible. Ela ergueuse da súa mesa e déuno-las costas para escribir, e déuselle por empregar a parte inferior do encerado, estirou o seu fermoso brazo e entou subíaselle a chaqueta que tapaba o seu traseiro deixandolle entrever cinguindo pola súa saíña negra.... Entón deu a volta de súpeto viume observala e púxenme roibo, e creo que se decatou do que sinto por ela. Estou moi namorado, ¿que fago?

 

DELI...

Despois de ler con detenemento a túa carta púxenme a pensar(para iso me pagan)que respostar ás túas peticións. A verdade é que non sei que podes facer, nunca me atopara con alguén que tivera ese problema. Sinto trivializar se che digo que se segues así poderás sacar moi boa nota nesa asignatura. Ó mellor, ela cólleche máis cariño segundo o bo alumno que sexas na clase. Por outra parte non sei porque te pós roibo, eu penso que para algo tan fermoso como é o amor (aínda que todo faga pensar que non é compartido), non fai falla porse nervioso, é natural.

Se ves que non podes máis, o que che aconsellaría é que llo disexes non moi abertamente, pero sen tabús, non sabes o moito que che pode axudar, e mesmo podes conseguir que sexa unha moi boa amiga.