Cando comezaba o curso 1999-2000, un par de profesores do Departamento de Matemáticas do IES Ramón Otero Pedrayo da Coruña propuxeron ás súas alumnas e alumnos a creación dun marco no que poder encadrar e desenvolver actividades relacionadas coa asignatura que eles explicaban: as matemáticas.
A idea orixinal pretendía estender múltiples fíos:
Descubrir
á totalidade do alumnado (tanto ós que afirmaban que lle
gustaban as matemáticas, coma ós que dicían odialas)
que esta disciplina dispón de parcelas nas que calquera deles
(respectando os intereses e as capacidades particulares) pode desenvolver
tarefas gratificantes.
Mostrar vertentes da asignatura que nunca chegan a ser vistas (por múltiples
razóns) no desenvolvemento das clases cotiás.
Fomenta-lo traballo cooperativo e agruparse arredor de diversos centros
de interese segundo as apetencias de cada un.
Aportar opcións ó listado de actividades extraescolares
ofertadas polo centro e promove-la participación nas mesmas.
Ligar, na medida do posible, algunhas das actividades desenvolvidas
coas tarefas realizadas nas clases.
Crear un foro que tivese significado na vida do centro e mesmo saíse
fóra dos seus propios muros, levando o nome do instituto ó
contorno que nos rodea (familias do alumnado, cidade,...).
Con estas e outras pretensións naceu o Club Matemático
Durán Loriga. Moitos alumnos do IES Ramón Otero Pedrayo
participaron (e participan na actualidade) nas actividades que xa se
realizaron ou estamos levando a cabo. Citemos algunhas:
Exposicións:
Juan Jacobo Durán Loriga. Matemático coruñés.
Galería de Mulleres Matemáticas (10 retratos).
Láminas de Escher.
Poliedros.
Obradoiros:
- Obradoiro
de Tangram.
Obradoiro de poliedros.
Obradoiro de Internet e Matemáticas.
Obradoiro de resolución de problemas.
Obradoiro de Historia das Matemáticas.
Obradoiro de calculadora.
Obradoiro de Cabri Géomètre II. -
(D. Ricardo Mariño Caruncho, máxima autoridade sobre a vida e a obra de J. J. Durán Loriga, falando ó alumnado de 4º de ESO do IES Ramón Otero Pedrayo en acto organizado polo club matemático).
Outras:
-
Ciclo de cine e matemáticas.
Organización de conferencias.
Colecciona matemáticos (Álbum e estampiñas).
Organización da Semana Matemática (Celébrase cada curso, participando tódolos alumnos do centro).
Participación en concursos matemáticos:
Participación no Día da Ciencia na Rúa.
O buque insignia do noso grupo, é o boletín de divulgación matemática DOUSPIERRE. É esta unha publicación da que adoitan aparecer seis números por curso.
g
ru
Nela poderedes atopar seccións practicamente fixas (Pensar é divertido, Tangram, Matemáticas na rede,...) e outras que son producto dos nosos obradoiros ou das nosas investigacións (Personaxes matemáticos, reseñas de libros, pequenas artigos,...). Tamén aparecen no boletín referencias a outras actividades que realizamos (exposicións, participación en concursos,...).
O noso club matemático denomínase Durán Loriga na memoria do que foi insigne (e descoñecido) matemático coruñés.
Juan Jacobo Durán Loriga, naceu na Coruña o 17 de xuño
de 1854 e finou tamén nesta cidade o 3 de decembro de 1911.
En
1869, cando tiña 15 anos, ingresou na Academia de Artillería,
da que sairía catro anos máis tarde co grao de tenente primeiro.
Pouco despois, debido á súa alta capacitación, foi
proposto para desempeña-la Cátedra de Mecánica pero
rexeitou o ofrecemento por motivos de saúde e, sobre todo, porque
quería vivir na Coruña.
Destinado na súa cidade natal, deixou o exercito sendo comandante.
Debido á súa grande paixón polas matemáticas, fundou unha academia na que se facía a preparación para o ingreso no exército e as escolas de enxeñería e arquitectura.
Durante moitos anos dedicouse ó estudio das matemáticas. En 1888 obtivo medalla de ouro e diploma na Exposición Universal de Barcelona. Chegou a ser membro de numerosas institucións nacionais e estranxeiras e publicou múltiples traballos de investigación matemática.
A consideración mostrada pola comunidade matemática internacional cara á figura de Juan Jacobo Durán Loriga queda patente na grande cantidade de amigos que tiña dentro do mundiño matemático.
Na súa biblioteca destacan numerosos libros con dedicatorias manuscritas dos seus correspondentes autores. Así mesmo, Durán Loriga publica múltiples traballos en revistas estranxeiras, redactados por el mesmo nas linguas propias dos países nos que serían publicados.
Entre os matemáticos de sona internacional cos que tivo relación, podemos citar a Poincaré e, sobre todo, a Charles Hermite.
Traballos
de Durán Loriga foron editados por diversas institucións
e publicacións españolas, francesas, portuguesas, italianas,
belgas, alemanas, holandesas,... Entre outras: Association Française
pour l'Avancemente des Sciences; revista Le Matematiche pure ed applicate;
Gaceta de Matemáticas elementales; Revista de Ciencias Exactas,
Físicas y Naturales; L'Intermédiari des mathematiciens;
Revista de la Sociedad Matemática Española; El Progreso
Matemático; Journal des Sciencias Mathematicas e Astronomicas;
Mathesis: Periodico di Matematica; Archiv der Mathematikund Phisik; De
Vriend der Wiskunde; Real Academia Galega; Academia Provincial de Bellas
Artes da Coruña,...
po, é o boletín de divulgación matemática DOUSPIERRE. É esta unha publicación da que adoitan aparecer seis números por curso.