Lucius Junius Moderatus, de alcume Columella (Gades -Cádiz- principios da era cristiá ; Tarento, entre os anos 60 e 70 d. C.). Escritor agronómico romano.

Nacido na Bética, como Séneca, do que foi amigo, estivo un tempo no exército romano e foi tribuno en Siria o ano 35 d. C. Despois trasladouse a Roma, onde se adicou á agricultura a grande escala, poñendo en prática os seus coñecementos. Na capital do imperio formou
parte dos círculos sociais máis elevados.

Da súa obra escrita chegounos De re rustica (Os traballos do campo) e Liber de arboribus (Libro das árbores). Na primeira delas, dividida en doce libros, e inspirándose en obras anteriores de Catón o Vello, Varrón e outros autores latinos, gregos e incluso cartaxinenses, trata sobre todos os traballos do campo no máis amplo sentido da palabra: desde a práctica da agricultura, a gandería e a apicultura, ata a cura de animais ou a elaboración de distintos productos e conservas. No libro De arboribus trata de cultivos arbustivos como a vide, ata árbores coma o olivo ou frutais, e incluso flores como violeta ou rosa. A obra de Columela é considerada o repertorio máis amplo e documentado sobre agricultura romana.