Percorrido cultural
O edificio no que se asenta o Instituto de Ensino Secundario Otero Pedrayo constitúe a mellor xoia da arquitetura civil da provincia durante o s. XIX. Pertence ó patrimonio artístico de tódolos ourensáns, e sobre todo ó da comunicadade educativa, polo que é unha honra para o centro poder mostrarllelo a alumnos doutros centros docentes. A visita duraría de vinte a trinta minutos, destinada a grupos menores de vintecinco alumnos e desenvolveríase durante a actividade académica.
Como espacios artísticos capaces de espertar a curiosidade do visitante destacan:
Primeiro andar: Sala de Profesores -salón de inspiración árabe con sillería-, Biblioteca e actual Capela na que sobresae a súa cornixa.
Planta Baixa e soto: corredores e salas con exposición permanente de aparellos dos Laboratorios xa en desuso pero de gran interese, integrados na rede MUPEGA. Nesta mesma planta baixa atópanse as Oficinas, Dirección e Paraninfo.
Dirección: cuarto pequeno, con mesa, armario e artesonado tallados. Hoxe, nas súas paredes colgan cadros de antigos directores con tonalidades moi escuras.
Paraninfo: constitúe o espacio máis artístico do Centro, sendo unha verdadeira xoia. As obras de restauración remataron no ano 2008.
