Ver o código fonte

== Introdución ==

O módulo profesional que nos ocupa é o de  aplicacións ofimáticas,  necesario para adquirir o título de Técnico en Sistemas MicroInformáticos e Redes.
A finalidade da Formación Profesional é a preparación dos alumnos e alumnas para a actividade nun campo profesional e a súa capacitación para o desempeño cualificado das distintas profesións, proporcionándolles unha formación polivalente que lles permita adaptarse ós cambios laborais que podan producirse ó longo da súa vida profesional.
Inclúe tanto a formación profesional de base, que se adquire na Educación Secundaria, como a formación profesional específica de grao medio e de grao superior. Na Educación Secundaria Obrigatoria os alumnos e alumnas recibirán unha formación básica de carácter profesional.
A formación en xeral e a profesional en particular constitúen hoxe en día obxectivos prioritarios de calquera país que  plantexe estratexias de crecemento económico, de desenrolo tecnolóxico e de mellora da  calidade de vida dos seus cidadáns ante unha realidade que manifesta claros síntomas de cambio acelerado, especialmente no campo tecnolóxico.
A mellora e adaptación das cualificacións profesionais non só supón unha adecuada resposta colectiva ás esixencias dun mercado cada vez máis competitivo, senón tamén un instrumento individual decisivo para que a poboación activa poida enfrontarse eficazmente os novos requirimentos de polivalencia profesional, ás novas dimensións das cualificacións e á crecente mobilidade no emprego.
As ensinanzas de Formación Profesional Específica ordénanse en ciclos formativos de grao medio, comprendidos no nivel da Educación Secundaria, e de grao superior, que conducen á obtención de títulos con validez académica e profesional.
A estructura e organización das Ensinanzas profesionais, os seus obxectivos e contidos, así como os criterios de avaliación, son enfocados na formación profesional específica dende a perspectiva da adquisición da competencia profesional.
Cada Título conten un perfil profesional que serve de referencia fundamental para definir a súa formación. Este perfil está formado por un conxunto de accións e resultados, que son os comportamentos esperados das persoas nas situacións de traballo ás  que deben enfrontarse na producción e que se denominan realizacións profesionais.
Cada realización profesional ou enunciado de competencia inclúe un conxunto de criterios de realización. Ditos criterios serven de referente para avaliar o traballo en contextos productivos e a competencia profesional no centro educativo.
As realizacións profesionais están agrupadas en unidades de competencia, que establecen as competencias e responsabilidades de cada traballo.
As ensinanzas do ciclo formativo organízanse en módulos profesionais, que teñen por obxecto proporcionar ós alumnos e alumnas competencia profesional característica de cada título. Os módulos profesionais específicos están asociados a unha unidade de competencia, mentres cos transversais poden estar asociados a varias unidades de competencia.
Os elementos curriculares, que forman un módulo, son os obxectivos, expresados en termos de capacidades terminais, os criterios de avaliación e os contidos.
A concreción e o desenvolvemento dun ciclo formativo farase mediante a elaboración de proxectos curriculares. Unha parte moi importante dentro de ditos proxectos a constitúe a programación de cada módulo. Esta debe constar dos seguintes elementos:
* Relación de capacidades terminais contextualizadas.
* Secuencia de unidades didácticas que integran o módulo.
* Estratexias metodolóxicas e de avaliación, así como os materiais seleccionados para a súa utilización no proceso de ensinanza e aprendizaxe.
O módulo de AO  impartirase no centro educativo cunha duración total de 240 horas que equivalen a 288 sesións de 50 mniutos (9 sesións semanais).
As tarefas de ensinanza e aprendizaxe se enfocaron ás tarefas presumibles que o alumnado terá no mundo laboral.
A normativa de referencia desta programación didáctica é o Decreto 27/2010, do 25 de febreiro, polo que se establece o currículo do ciclo.

== Obxectivos xerais do módulo ==
Neste módulo formativo, os obxectivos xerais van encamiñados á formación do alumnado na obtención de capacidades para a explotación e administración de sistemas microinformáticos en entornos monousuario e multiusuario dentro da empresa.
	Para isto o alumno deberá demostrar  a súa capacidade en relación ós seguintes aspectos:

*Coñecemento xeral sobre a estructura dun sistema informático.
*Realizar a instalación e/o mantemento de aplicacións ofimáticas e corporativas, operando cos instrumentos e ferramentas informáticas necesarias, e actuando ca calidade e seguridade requeridas.
*Utilización e busqueda de información e formación relacionada có exercicio da profesión, que lle posibiliten o coñecemento e a inserción no sector informático.
*Coñecemento dos recursos e medios informáticos utlizados na empresa.
Realización de mantemento de equipos informáticos, operando coas  ferramentas, utilidades, materiais e instrumentos necesarios, e actuando coa calidade e seguridade necesarias.
===Obxectivos específicos.===
	Como referencia o sistema educativo tomáronse as capacidades terminais deste módulo, onde se especifican os resultados que deben ser alcanzados polos alumnos na súa etapa formativa. 	Devanditas capacidades terminais son as seguintes: 

* Coñecemento dos procesos de instalación e configuración de aplicacións ofimáticas. 
* Instalación e configuración de aplicacións corporativas, tanto de ámbito libre coma de pago por licencia. 
* Procedemento de diagnostico e resolución de problemas. 
* Técnicas de asistencia ao usuario. 
* Elaboración de documentos e manuais mediante procesadores de texto e follas de cálculo. 
* Manexo de procesadores de texto. 
* Deseño e creación de macros. Fundamentos de programación en procesadores de texto. 
* Manexo de follas de cálculo. 
* Deseño e creación de macros. Fundamentos de programación en follas de cálculo. 
* Elaboración de presentacións. 
* Manexo de ferramentas de presentación.
* Deseño e creación de macros. Fundamentos de programación con programas de presentación.
* Utilización de bases de datos.
* Xestión de correo e axenda electrónica.
* Manipulación de imaxes e vídeo.
* Personalización das contornas de traballo office e Open-Office.

== Desenvolvemento curricular das unidades didácticas ==

=== Unidade didáctica 1: Procedimentos de instalación e configuración de aplicacións ofimáticas. ===

==== Obxectivos didácticos ====
*Coñecer a instalación e configuración dos compoñentes da aplicación requeridos, no servidor e  nos equipos clientes.
*Manexar a configuración da aplicación en cada posto para acceder ós recursos propios e compartidos.
*Saber eliminar e engadir compoñentes á aplicación instalada.
*Coñecer a configuración e instalación monoposto.

==== Contidos ====
*Funcionamento básico dunha empresa.
*Aplicaicións ofimáticas no mercado.
*Instalar os compoñentes da aplicación requeridos, no servidor e en cada un dos equipos clientes.
*Configurar a aplicación en cada posto para que acceda ós recursos propios do posto e ós recursos compartidos especificados.
*Eliminar e engadir compoñentes á instalación no servidor e adecualo nos equipos clientes.
*Configuración e instalación monoposto.

==== Actividades ====
*Avaliar os distintos paquetes ofimáticos e aplicacións existentes no mercado.
*Decidir que tipo de paquete ofimático ou aplicación se adapta mellor a empresa na cal imos a implantalo.
*Instalar aplicacións ofimáticas e corporativas nos equipos do sistema.
*Configurar e actualizar as aplicacións ofimáticas e corporativas nos equipos do sistema.
*Probar o correcto funcionamento do paquete ofimático ou aplicación intalados e configurados.

==== Resultados de aprendizaxe e criterios de avaliación ====
** RA1. Instala e actualiza aplicacións ofimáticas, atendendo ás especificacións dadas en distintos contornos de explotación.
* CA1.1. Identificáronse e establecéronse as fases do proceso de instalación.
* CA1.2. Identificáronse os requisitos mínimos e óptimos para o funcionamento da aplicación.
* CA1.3. Obtívose a información sobre os compoñentes de hardware e de software instalados no equipamento mediante as utilidades do sistema operativo.
* CA1.4. Respectáronse as especificacións técnicas do proceso de instalación.
* CA1.5. Configuráronse as aplicacións segundo os criterios establecidos.
* CA1.6. Solucionáronse problemas na instalación ou na integración co sistema informático.
* CA1.7. Elimináronse ou engadíronse compoñentes da instalación no equipamento.
* CA1.8. Actualizáronse as aplicacións.
* CA1.9. Respectáronse as licenzas de software.
* CA1.10. Propuxéronse solucións de software para diversos contornos de aplicación.
* CA1.11. Documentáronse as incidencias.

== Contidos mínimos ==


== Metodoloxía ==


== Temporalización ==


== Avaliación ==


=== Instrumentos de avaliación ===
* ''Actividades, prácticas, probas, etc. que se usarán para realizar a avaliación do alumnado seguindo os criterios de avaliación''
* ''Establecer a súa correspondencia no posible cos criterios de avaliación''

=== Sistemas de cualificación ===
* ''Explicar como se obterá a cualificación do alumnado, asignando puntos aos distintos instrumentos de cualificación''
* ''Importante deixar un porcentaxe da nota que se pode baixar en caso de mal comportamento, mal uso ou deterioro intencionado do material, etc.''

=== Plan extraordinario de avaliación ===
* ''Procesos para a avaliación do alumnado que perda o dereito á avaliación continua ou non supere o plan ordinario de avaliación''

== Actividades de recuperación ==
* ''Tanto para alumnos que teñan pendente o módulo nos módulos de 1º curso como para os que suspendan na 2ª avaliación nos módulos de 2º''

== Atención ao alumnado con necesidades educativas especiais ==

Durante o desenvolvemento do curso prestarase especial atención ao alumnado que presente necesidades educativas especiais ou algún grao de discapacidade, mediante unha secuenciación diferenciada das unidades didácticas, a realización dun maior número de actividades graduadas en dificultade e poñendo á súa disposición os recursos necesarios para a consecución dos obxectivos didácticos fixados nas distintas unidades.

== Seguimento e avaliación da programación ==

No desenvolvemento do curso, farase uso de diversos mecanismos para facer un seguimento e avaliación do planificado na presente programación:

* De xeito continuo, o profesor avaliará na clase a medida en que o alumnado acada de forma xeral os obxectivos fixados nas distintas unidades didácticas. En consecuencia, poderase decidir incidir en determinados contidos e/ou actividades, aumentando se se considera necesario o número de sesións adicadas a unha determinada unidade.

* Ao remate de cada trimestre, o alumnado cubrirá unha enquisa na que valorará diversos aspectos do desenvolvemento do módulo, como a metodoloxía utilizada, as actividades realizadas, os recursos usados, os contidos expostos, etc. O resultado destas enquisas serán utilizados para aplicar as correccións que se consideren oportunas no propio desenvolvemento do curso, así como en vindeiros cursos académicos.

* O profesor recollerá a temporalización real das distintas unidades didácticas, co obxectivo de poder corrixir no propio curso os desfases detectados fronte a temporalización prevista e precisar mellor a temporalización das unidades en vindeiros cursos académicos.

== Materiais e recursos didácticos ==