Ver o código fonte

A utilización de sistemas eficientes conduce a unha redución do tempo de transmisión, é dicir, que se transmite unha maior cantidade de información en menos tempo. Unha transmisión de información rápida conséguese empregando sinais que varían rapidamente co tempo.

O número de veces que o sinal varía por unidade de tempo é o que se coñece como '''frecuencia''' do sinal. A frecuencia mídese en Hz, e 1 Hz correspóndese cun ciclo por segundo. Desta forma, un sinal de 100 Mhz varía cunha velocidade de 100.000 ciclos por segundo.

Polo tanto, para transmitir a maior velocidade, só temos que aumentar a frecuencia do sinal transmitido. Pero estamos tratando cun sistema eléctrico, que conta con enerxía almacenada; e hai unha lei física que expresa que en todos os sistemas, excepto nos que non hai perdas, un cambio na enerxía almacenada require unha cantidade definida de tempo. Así, non podemos incrementar a velocidade do sinal de forma ilimitada, xa que a canle deixará de responder aos cambios do sinal.

[[Imaxe:Frecuencia.jpg|center|300px]]

A canle pola que transmitamos o sinal vainos a impoñer un rango de frecuencias mínima e máxima fora das cales os sinais transmitidos pola canle son fortemente distorsionados. A ese rango de frecuencias se lle denomina '''ancho de banda''' da canle. Canto maior sexa o ancho de banda da canle, mais amplo é o rango de frecuencias que permite transmitir e polo tanto maior cantidade de información poderemos transmitir por ela nunha unidade de tempo.