Programación do módulo de Aplicacións Web
De Wiki do Pazo da Mercé
(→Resultados de aprendizaxe e criterios de avaliación) |
(→Resultados de aprendizaxe e criterios de avaliación) |
||
| Liña 110: | Liña 110: | ||
==== Resultados de aprendizaxe e criterios de avaliación ==== | ==== Resultados de aprendizaxe e criterios de avaliación ==== | ||
| - | * Instala xestores de contidos, | + | * Instala xestores de contidos, configúraos e manipúlaos |
# Coñeceuse a utilidade dos xestores de contidos | # Coñeceuse a utilidade dos xestores de contidos | ||
# Identificáronse os requisitos para instalar xestores de contidos | # Identificáronse os requisitos para instalar xestores de contidos | ||
Revisión como estaba ás 14:48, 6 setembro 2010
Introdución
O módulo “Aplicacións web“ pertence ao ciclo de Formación Profesional de grao medio “Sistemas Microinformáticos e redes” da familia profesional de Informática e comunicacións. Cunha duración de 2.000 horas repartidas en 2 cursos académicos, O que lle corresponde o título de “Técnico en sistemas microinformáticos e redes”.
Este módulo, impártese durante o segundo curso, cunha carga horaria de 123 horas, que equivale a 7 sesións de 50 minutos.
O Decreto 27/2010 do 25 de febreiro, establece o currículo do ciclo formativo correspondente ao título de Técnico en sistemas microinformáticos e redes.
Obxectivos xerais do módulo
Os obxectivos que deberá alcanzar o alumno ao rematar este módulo son os seguintes:
- Instalar, conigurar e manexar un sistemas de xestión de aprendizaxe a distancia.
- Instalar, configurar e manexar xestores de contidos.
- Manexar os servizos de xestión de ficheiros web mais comúns.
- Manexar aplicacións de ofimática web, identificado as súas características e os seus contornos de uso.
- Manexar aplicacións web de escritorio, integrándoas no escritorio local.
Desenvolvemento curricular das unidades didácticas
Unidade didáctica 1: SISTEMAS DE XESTIÓN DE APRENDIZAXE A DISTANCIA
Permiten xestionar cursos aos que se pode asistir dende calquera lugar (a través de internet) e a calquera momento (durante a duración do curso).
Obxectivos didácticos
- Coñecer a utilidade dun xestor de aprendizaxe a distancia
- Instalar un xestor de aprendizaxe
- Coñecer a estrutura do sitio e a xerarquía de directorios xerada
- Modificar a estética do sitio
- Crear e manipular perfís dos usuarios
- Practicar a funcionalidade das comunicacións mediante foros, chats, consultas, etc.
- Creación e xestión de cursos
- Incorporación de recursos e actividades aos cursos
- Importar e exportar contidos en varios formatos
- Realizar copias de seguridade e restauración.
Contidos
- Elementos lóxicos: cursos, materiais, actividades, cuestionarios, etc.
- Interface gráfica asociada
- Personalización do contorno
- Modo Navegación e modo edición
- Creación de cursos
- Xestión de usuarios e grupos
- Activación de funcionalidades
- Realización de copias de seguridade e a súa restauración
- Ferramenta: moodle
Actividades
- Documentarse sobre os xestores de aprendizaxe a distancia
- Instalar o xestor de aprendizaxe moodle
- Configurar o moodle
- Personalizar a aparencia
- Xestión de usuarios en moodle
- Creación de cursos en modle
- Engadir recursos aos cursos
- Engadir actividades aos cursos
- Importar e exportar contidos en varios formatos
- Realizar copias de seguridade e restauracións dos contidos do xestor
- Comprobar a correcta funcionalidade dos cursos creados
Resultados de aprendizaxe e criterios de avaliación
- Instala sistemas de xestión de aprendizaxe a distancia, identificando a estructura do sitio.
- Instaláronse xestores de aprendizaxe a distancia
- Recoñeceuse a estructura do sitio instalado, identificando os elementos da xerarquía creada
- Realizáronse modificacións na estética do sitio
- Manipuláronse perfís de usuario
- Instaláronse e configurar módulos no sistio
- Comprobouse a funcionalidade dos elementos que compoñen un curso
- Importáronse e exportáronse contidos en varios formatos
- Realizáronse copias de seguridade e restauracións
Unidade didáctica 2: XESTORES DE CONTIDOS
Os xestores de contidos son ferramentas de software que permiten crear, organizar e publicar documentos e outros contidos de forma colaborativa.
Obxectivos didácticos
- Coñecer a utilidade dos xestores de contidos
- Identificar os requisitos para instalar un xestor de contidos
- Instalar xestores de contidos
- Xestionar usuarios nos xestores de contidos
- Personalizar o interface dos xestores de contidos
- Actualizar os contidos dun sitio web con páxinas previamente codificadas, mediante ferramentas de xestión de contidos.
- Instalar e configurar os módulos e menús necesarios.
- Habilitar foros establecendo regras de acceso
- Realizar copias de seguridade dos contidos dos xestores.
Contidos
- Características básicas dun xestor de contidos
- Instalación e configuración dun xestor de contidos
- Personalización do contorno
- Xestión de usuarios e perfiles
- Creación de contidos web
- Administración do sistema de xestión de contidos
- Configuración e función dos diferentes módulos e menús
- Copias de seguridade e restauración
- Ferramentas: drupal, joomla, MediaWiki e WordPress
Actividades
- Documentarse sobre os xestores de contidos
- Creación dun blog con WordPress
- Personalizar a aparencia dun blog
- Engadir contidos nun blog
- Instalar e configurar o portal de contidos joomla
- Xestionar usuarios en joomla
- Xestionar contidos en joomla
- Empregar plantillas en joomla
- Instalar unha wiki empregando MediaWiki
- Xestionar usuarios na wiki
- Xestionar contidos na wiki
Resultados de aprendizaxe e criterios de avaliación
- Instala xestores de contidos, configúraos e manipúlaos
- Coñeceuse a utilidade dos xestores de contidos
- Identificáronse os requisitos para instalar xestores de contidos
- Instaláronse xestores de contidos
- Xestionáronse usuarios con diversos papeis
- Personalizáronse a interface dos xestores
- Realizáronse tarefas de actualización dos xestores instalados
- Instaláronse e configuráronse novos módulos
- Habilitáronse mecanismos de comunicación e regras de acceso entre os usuarios
- Realizáronse probas de funcionamento
- Realizáronse copias de seguridad
Unidade didáctica 3: APLICACIÓNS WEB DE ESCRITORIO
Existe unha gran variedade de aplicacións web de escritorio, como calendarios, navegadores, aplicacións de correo electrónico, etc.
Obxectivos didácticos
- Identificar diferentes aplicacións de escritorio
- Instalar aplicacións de escritorio: correo web, calendario, etc
- Configurar a aplicación para proporcionar acceso web ao servizo de correo electrónico
- Xestionar contas de usuario
- Instalar aplicacións de calendario web
- Coñecer as principais funcións dos navegadores web
- Recoñecer as prestacións específica das aplicacións instaladas
Contidos
- Aplicacións de correo web
- Aplicacións de calendario
- Navegadores web
- Ferramentas: gmail, google calendar, Internet Explorer e Mozilla Firefox
Actividades
- Documentarse sobre as diferentes aplicacións web de escritorio
- Identificar diferentes aplicacións web de escritorio
- Empregar aplicacións que proporcionan acceso web ao servizo de correo electrónico
- Xestionar contas de correo electrónico
- Verificar o acceso ao correo electrónico
- Instalar aplicacións de calendario web
- Recoñecer as prestacións específicas das aplicacións instaladas (citas, tarefas, etc)
- Instalar e manexar os navegadores web
- Engadir funcionalidades aos navegadores
Resultados de aprendizaxe e criterios de avaliación
- Instala aplicacións web de escritorio, identificando as súas características e a súa aplicación
- Instaláronse aplicacións web de escritorio
- Instaláronse aplicacións para permitir o acceso web a un servidor de correo electrónico
- Xestionáronse contas de usuario
- Verificouse o acceso ao correo electrónico
- Instaláronse aplicacións de calendario web
- Manexáronse as principais funcións do calendario web
- Utilizáronse aplicacións de xeito colaborativo
- Instaláronse os principais navegadores web
- Manexáronse as principais funcións dun navegador
Unidade didáctica 4: SERVIZOS DE XESTIÓN DE FICHEIROS WEB
Os servizos de xestión de ficheiros web permiten o almacenamento e recuperación de información empregando espazos de internet.
Obxectivos didácticos
- Diferenciar distintos sistemas de almacenamento en Internet, e os principais usos
- Coñecer a utilidade dun servizo de xestión de ficheiros web
- Empregar aplicacións de almacenamento na web
- Coñecer servizos de xestión de arquivos multimedia
- Empregar aplicacións de almacenamento multimedia na web, para diferentes tipos de arquivos
Contidos
- Administración dun servizo de almacenamento de arquivos
- Usuarios e permisos
- Creación de recursos compartidos
- Xestión de arquivos multimedia
- Ferramentas de almacenamento web: WebDav, Gmail Space ou Gspace
- Ferramentas de xestión de arquivos multimedia
- Ferramenta para xestión de son: SonoWebs
- Ferramenta para xestión de imaxes: Coppermine
- Ferramenta para xestión de vídeo: YouTube
Actividades
- Documentarse sobre os distintos sistemas de almacenamento web
- Diferenciar os distintos sistemas de almacenamento en Internet, así como os seus principais usos
- Instalación e uso de gspace
- Emprego de gspace para almacenamento de arquivos na web
- Compartir arquivos e carpetas en internet
- Instalar e manexar o módulo de galería de imaxes coopermine
- Empregar a ferramenta SonoWebs, para a xestión de arquivos de son en internet
- Empregar a ferramenta de YouTube, para a xestión de vídeo en Internet
Resultados de aprendizaxe e criterios de avaliación
- Instalar e manexar servizos de xestión de ficheiros web, identificando as súas aplicacións e verificando o seu correcto funcionamento
- Coñecer a utilidade dun servizo de xestión de ficheiros web
- Identificar aplicacións de xestión de ficheiros web
- Instalar ferramentas de xestión de ficheiros web
- Creación de contas de usuario con diferentes permisos
- Xestionar ficherios e directorios en internet
- Comprobar a seguridade dos ficheiros almacenados en internet
- Manipular ficherios multimedia en Internet
Unidade didáctica 5: APLICACIÓNS DE OFIMÁTICA WEB
Estas aplicacións permiten acceder a paquetes de ofimática (procesadores de texto, follas de cálculo, presentacións), mediante un navegador de internet, sen necesidade de instalalos no ordenar local.
Obxectivos didácticos
- Establecer a utilidade das aplicacións de ofimática web
- Coñecer aplicacións de ofimática web: procesadores de texto, folla de cálculo, presentacións multimedia, etc.
- Instalar aplicacións de ofimática web
- Xestionar as contas de usuario
- Aplicar criterios de seguridade no acceso de usuarios
- Recoñecer as prestacións específicas de cada aplicación instalada
Contidos
Actividades
- Documentarse sobre as diferentes aplicacións de ofimática web
Resultados de aprendizaxe e criterios de avaliación
Contidos mínimos
Os contidos mínimos imprescindibles para a superación do módulo son os seguintes:
- Manexar un sistemas de xestión de aprendizaxe a distancia.
- Manexar un portal de contidos
- Manexar un blog
- Manexar unha wiki
- Manexar sistemas de xestión de ficheiros para almacenamento web
- Manexar sistemas de xestión de ficherios para almacenamento multimedia
- Manexar aplicacións de ofimática web
- Manexar aplicacións web de escritorio de correo electrónico, calendario e navegadores web
Metodoloxía
As sesións de traballo son todas de carácter práctico, aínda que ocasionalmente se poidan desenvolver contidos teóricos.
Nunha sesión inicial daranse a coñecer ó alumnado as normas de traballo no taller, que deberán ser cumpridas para un correcto funcionamento do aula.
O alumnado empregará un ordenador, facéndose responsable do seu equipo así como dos recursos da rede que empregue.
Para o seguimento do módulo empregarase unha ferramenta de aprendizaxe a distancia, moodle, para desenvolver os contidos en forma de curso temporalizado. Cada tema do curso contará cos seguintes apartados:
1.Aprendizaxe de contidos teóricos, buscando información en internet, que permita ao alumnado familiarizarse coa procura de información, para coñecer conceptos teóricos.
2.Realización de cuestionarios, que avalíen os coñecementos adquiridos no apartado anterior.
3.Realización de actividades prácticas, nas que, a partir das indicacións do profesorado, o alumnado porá en funcionamento os diferentes aplicacións web que se inclúen nas distintas unidades didácticas.
O resultado destas actividades serán entregados ao profesor empregando o moodle, en tempo e forma, segundo se indique no enunciado de cada tarefa.
4.En ocasións o alumnado, realizará traballos de investigación bibliográfica sobre un tema proposto polo profesor. Estes traballos poderán ser expostos na clase co obxectivo de que todos os compañeiros poidan analizar e comparar as conclusións obtidas individualmente.
Para a instalación e manexo das aplicacións web que se indican nas unidades didácticas, o alumnado empregará máquinas virtuais.
Temporalización
Na seguinte táboa recóllense as sesións (de 50 minutos) adicadas a cada unha das unidades didácticas nas que se distribúen os contidos do módulo:
| Unidade didáctica | Sesións |
|---|---|
| U.D. 1: SISTEMAS DE XESTIÓN DE APRENDIZAXE A DISTANCIA | 30 |
| U.D. 2: XESTORES DE CONTIDOS | 42 |
| U.D. 3: APLICACIÓNS WEB DE ESCRITORIO | 25 |
| U.D. 4: SERVIZOS DE XESTIÓN DE FICHEIROS WEB | 30 |
| U.D. 5: APLICACIÓNS DE OFIMÁTICA WEB | 20 |
Avaliación
Instrumentos de avaliación
Inicialmente procederase a realizar unha proba inicial para establecer o nivel de coñecementos, capacidades e habilidades que o alumno ten, en relación cos contidos a desenvolver neste módulo.
Terase en conta a asistencia continuada a clase, xa que se considera un requisito fundamental para acadar os obxectivos deste módulo.
Tamén se valorará positivamente a participación na clase, así como a boa disposición para o traballo durante as sesións no taller. É importante insistir que o correcto comportamento e colaboración na clase por parte do alumnado é fundamental, podendo restar ata un 30% da nota final aqueles comportamentos en clase de graves faltas de disciplina que impidan o transcurso normal das clases.
Durante cada trimestre o alumnado terá que resolver os cuestionarios de cada unidade didáctica, empregando a aula virtual.
As tarefas realizadas polo alumnado, deberán ser entregados en prazo e forma ao profesor empregando a aula virtual, para que poidan ser avaliados.
O rematar cada trimestre realizarase unha proba que permita comprobar a consecución por parte dos alumnos, dos obxectivos expresados nesta programación.
Sistemas de cualificación
Serán avaliados os seguintes conceptos, que teñen un peso na nota da avaliación.
| Concepto | Nota |
|---|---|
| Participación e desemvolvemento das clases | 10 % |
| Cuestionarios das unidades didácticas | 10% |
| Tarefas das unidades didácticas | 20 % |
| Proba trimestral | 60 % |
A cualificación final da avaliación será un número enteiro de 1 a 10, resultado de redondear os resultados obtidos seguindo a táboa anterior.
Considéranse aprobados aqueles alumnos e alumnas que obteñan unha cualificación igual ou superior a 5.
Tendo en conta que o correcto comportamento e colaboración na clase por parte dos alumnos é fundamental para o desenvolvemento do módulo, poderase restar ata un 30% da nota final a aqueles alumnos que presenten faltas de comportamento graves que impidan o transcurso normal das clases ou que provoquen deterioros intencionados no material utilizado.
Os alumnos que non superen algunha das avaliacións, serán avaliados nunha convocatoria final no mes de xuño, mediante unha proba, realizando durante o terceiro trimestre tarefas de recuperación que posibiliten acadar os obxectivos mínimos.
O rematar cada avaliación entregarase un cuestionario para recoller a opinión do alumno acerca do desenvolvemento das clases, coa finalidade de orientar ao profesor e mellorar a seu labor docente. O carácter anónimo do cuestionario, pretende lograr a máxima sinceridade e obxectividade nas respostas.
Plan extraordinario de avaliación
Para o alumnado que perda o dereito a avaliación continua, ou ben aquel alumnado que non supere o proceso ordinario de avaliación, poderá presentarse a avaliación final extraordinaria do módulo consistirá, que consistirá na realización dunha ou varias probas escritas ou prácticas que avalíen os contidos mínimos recollidos nesta programación.
Actividades de recuperación
- Tanto para alumnos que teñan pendente o módulo nos módulos de 1º curso como para os que suspendan na 2ª avaliación nos módulos de 2º
Atención ao alumnado con necesidades educativas especiais
Durante o desenvolvemento do curso prestarase especial atención ao alumnado que presente necesidades educativas especiais ou algún grao de discapacidade, mediante unha secuenciación diferenciada das unidades didácticas, a realización dun maior número de actividades graduadas en dificultade e poñendo á súa disposición os recursos necesarios para a consecución dos obxectivos didácticos fixados nas distintas unidades.
Seguimento e avaliación da programación
No desenvolvemento do curso, farase uso de diversos mecanismos para facer un seguimento e avaliación do planificado na presente programación:
- De xeito continuo, o profesor avaliará na clase a medida en que o alumnado acada de forma xeral os obxectivos fixados nas distintas unidades didácticas. En consecuencia, poderase decidir incidir en determinados contidos e/ou actividades, aumentando se se considera necesario o número de sesións adicadas a unha determinada unidade.
- Ao remate de cada trimestre, o alumnado cubrirá unha enquisa na que valorará diversos aspectos do desenvolvemento do módulo, como a metodoloxía utilizada, as actividades realizadas, os recursos usados, os contidos expostos, etc. O resultado destas enquisas serán utilizados para aplicar as correccións que se consideren oportunas no propio desenvolvemento do curso, así como en vindeiros cursos académicos.
- O profesor recollerá a temporalización real das distintas unidades didácticas, co obxectivo de poder corrixir no propio curso os desfases detectados fronte a temporalización prevista e precisar mellor a temporalización das unidades en vindeiros cursos académicos.
Materiais e recursos didácticos
O profesor proporcionará ao alumnado diverso material través da aula virtual, para desenvolver os contidos indicados nesta programación.
O alumnado terá a súa disposición o libro de aula “Aplicaciones web” da editorial McGraw-Hill, que servirá de consulta para a realización das prácticas.
Porén, neste segundo curso, e dado que o alumnado xa está próximo a afrontar a súa entrada no mundo laboral, fomentarase a utilización de manuais de referencia e documentación en Internet, co obxectivo de conseguir que as alumnas e alumnos sexan autónomos e poidan resolver polos seus propios medios os problemas que se poidan atopar no contorno laboral. Para conseguilo, o profesor orientará ao alumnado indicando as técnicas de busca máis axeitadas para atopar a información necesario facendo uso deste tipo de recursos
Cada alumno contará con un ordenador para realizar as actividades das clases, e o profesor con un ordenador con canón proxector para expoñer os contidos das mesmas.
Para a realización das tarefas prácticas das unidades didácticas, farase uso de máquinas virtuais.
