Token ring
De Wiki do Pazo da Mercé
| Liña 27: | Liña 27: | ||
* Notificación a outros equipos da rede da súa existencia. | * Notificación a outros equipos da rede da súa existencia. | ||
| - | O proceso de monitorización denomínase de baliza (''beaconing''): | + | O proceso de monitorización denomínase de baliza (''[http://en.wikipedia.org/wiki/Beaconing beaconing]''): |
* O equipo encargado do control envía unha baliza cada sete segundos. | * O equipo encargado do control envía unha baliza cada sete segundos. | ||
Revisión como estaba ás 09:10, 15 decembro 2008
A arquitectura Token Ring foi desenvolvida a mediados dos oitenta por IBM. Xogou un papel moi importante no mercado das redes de área local, pero a súa popularidade descendeu enormemente en favor de Ethernet. Está baseado na Arquitectura de Sistemas en Rede (SNA), que foi a arquitectura de rede de IBM.
Token Ring correspóndese co estándar IEEE 802.5. As súas características principais son:
- Topoloxía física do cableado en estrela usando unha MAU.
- Topoloxía lóxica en anel, método de acceso de paso de testigo.
- Cableado de par trenzado apantallado e sen apantallar (Tipos 1, 2 e 3 de IBM).
- Velocidades de transferencia entre 4 e 16 Mbps.
- Transmisión banda base.
- Lonxitude máxima do segmento de cable de entre 45 e 400 metros, dependendo do cable.
O formato básico da trama de datos de Token Ring consta de cabeceira, datos e final.
O hardware para redes Token Ring está baseado nunha MAU que é a que forma o anel. Unha rede Token Ring pode ter varios MAUs. O cableado que se utiliza para conectar os equipos aos hubs é STP ou UTP, aínda que tamén o cable de fibra óptica é especialmente apropiado para redes Token Ring.
Control do sistema
O primeiro equipo que se activa na rede Token Ring queda designado para controlar a actividade da rede. O equipo encargado do control asegura que as tramas se están entregando e recibindo correctamente. Comproba que as tramas non circulan polo anel máis dunha vez e asegura que só hai un testigo na rede.
Cando un equipo da rede entra en liña, o sistema Token Ring o inicializa de forma que poida formar parte do anel. Esta inicialización inclue:
- Comprobación de direccións duplicadas.
- Notificación a outros equipos da rede da súa existencia.
O proceso de monitorización denomínase de baliza (beaconing):
- O equipo encargado do control envía unha baliza cada sete segundos.
- A baliza pasa de equipo en equipo por todo o anel.
- Se un equipo non recibe a baliza do seu veciño, notifica á rede a súa falta de conexión, enviando unha mensaxe que contén a súa dirección e a dirección do veciño que non lle enviou a baliza.
- A partir desta información, inténtase diagnosticar o problema e tratar de reparalo sen dividir a rede. En moitas ocasións o hub pode quitar ao equipo que falla do anel, e así o resto da rede segue funcionando sen problema. Se non se pode realizar a reconfiguración de forma automática é necesaria a intervención manual.
