Compartir carpetas en Linux con NFS
De Wiki do Pazo da Mercé
Índice |
Funcionamento de NFS
O servizo NFS (Network File System) permite compartir directorios entre distintas máquinas Linux.
O funcionamento do sistema NFS baséase na montaxe nun directorio local da máquina cliente do directorio remoto ao que se quere acceder. Unha vez montado o directorio remoto, o cliente accede a el igual que se fose un directorio do seu disco duro local.
Instalación do cliente e servidor de NFS
Dentro do sistema de NFS podemos distinguir dous compoñentes:
- O módulo de cliente NFS, que é necesario para poder montar carpetas compartidas por outros equipos por NFS:
- En Ubuntu: nfs-common
- En Mandriva: nfs-utils-clients
- O módulo de servidor NFS, necesario para poder compartir carpetas por NFS.
- En Ubuntu: nfs-kernel-server
- En Mandriva: nfs-utils
Compartir carpetas por NFS
Unha vez instalado o paquete de servidor de NFS, podemos compartir carpetas por NFS utilizando o webmin:
|
Compartir carpetas por NFS con webmin |
Acceder a carpetas compartidas por NFS
Tamén podemos utilizar o webmin para montar por NFS unha carpeta compartida noutro equipo:
|
Compartir carpetas por NFS con webmin |
Seguridade e permisos en NFS
Con NFS podemos utilizar distintas opcións para establecer restriccións de seguridade sobre unha carpeta compartida:
- Restricción por máquina cliente: Baseándonos na IP, nome de DNS, grupo de NIS ou rede da máquina cliente.
- Restricción de compartición como só lectura: Podemos indicar que a carpeta se comparta para poder acceder ao seu contido pero non poder modificalo en ningún caso.
- Restricción por uid do usuario cliente:
- Cando un cliente monta unha carpeta compartida por NFS, o equipo servidor que comparte a carpeta toma o uid do usuario da máquina cliente como un uid dun usuario local.
- Con ese uid, aplica os permisos correspondentes que a carpeta ten no sistema Linux.
- Pode interesarnos desabilitar esta opción, ou evitar que certos usuarios, como por exemplo o root, poidan ser mapeados desta forma por NFS xa que isto pode supoñer un perigo para a seguridade do equipo.
|
Xestión de permisos nunha carpeta compartida por NFS con webmin |
Comandos e ficheiros de configuración
O ficheiro de configuración principal do servizo NFS é /etc/exports. Nel podemos indicar que carpetas queremos exportar por NFS
Tras cambiar o ficheiro podemos aplicar os cambios con exportfs –a Dende o cliente, usamos o comando mount para montar unha carpeta remota (tamén podemos usar o ficheiro /etc/fstab para montaxes permanentes):
mount –t nfs IPMaquina:carpeta directorio
O comando showmount IPequipo permítenos ver as carpetas compartidas por NFS dun equipo e o seu uso
