Compartir carpetas en Linux con NFS

De Wiki do Pazo da Mercé

O servizo NFS (Network File System) permite compartir directorios entre distintas máquinas Linux.

O funcionamento do sistema NFS baséase na montaxe nun directorio local da máquina cliente do directorio remoto ao que se quere acceder. Unha vez montado o directorio remoto, o cliente accede a el igual que se fose un directorio do seu disco duro local.

Para poder utilizar o sistema de ficheiros NFS teremos que instalar dous paquetes básicos: Nfs-utils: Servidor NFS, que deberá executar o equipo que comparta os directorios ó exterior Nfs-utils-clients: Cliente NFS, que utilizará o cliente que queira acceder a directorios compartidos noutros equipos remotos