Programación xeral do departamento de informática

De Wiki do Pazo da Mercé

Funcións asumidas polo departamento

O departamento de informática está formado neste curso académico por catro profesores con destino definitivo no centro e un profesor con destino provisional. Detállase a continuación a carga de docencia asignada ao departamento e o profesorado que a asume.

• Ciclo de grao medio de Sistemas Microinformáticos e Redes:
  • 1º curso:
    • Módulo de Montaxe e Mantemento de Equipos: Carlos Lorenzo González-Viso
    • Módulo de Aplicacións Ofimáticas: Juan Carlos López Díaz
    • Módulo de Sistemas Operativos Monoposto: Carlos Lorenzo González-Viso
    • Módulo de Redes Locais: Euloxio Corbacho Lorenzo
  • 2º curso:
    • Módulo de Aplicacións Web: Nuria Pérez Crespo
    • Módulo de Seguridade Informática: Antonio de Andrés Lema
    • Módulo de Servizos en Rede: Nuria Pérez Crespo
    • Módulo de Sistemas Operativos en Rede: Juan Carlos López Díaz
• ESO:
  • Materia de informática de 4º curso (2 grupos): Antonio de Andrés Lema e Euloxio Corbacho Lorenzo

Ademais, dentro do departamento asúmense as seguintes funcións:

• Titoría de 1º curso do ciclo de grao medio de Sistemas Microinformáticos e Redes: Carlos Lorenzo González-Viso
• Titoría de 2º curso do ciclo de grao medio de Sistemas Microinformáticos e Redes (Titoría e coordinación da Formación en Centros de Traballo): Nuria Pérez Crespo
• Xefatura do departamento: Antonio de Andrés Lema
• Dinamización das TIC no centro: Antonio de Andrés Lema, Carlos Lorenzo González-Viso e Nuria Pérez Crespo
• Coordinación do proxecto Abalar: Juan Carlos López Díaz
• Mantemento e dinamización da páxina web do centro: Carlos Lorenzo González-Viso

Obxectivos xerais do ciclo de grao medio de Sistemas Microinformáticos e Redes

Ademais dos obxectivos xerais recollidos nas programacións dos distintos módulos do ciclo, da análise realizada dos resultados das avaliacións feitas en cursos pasados tanto ao alumnado que xa rematou o ciclo como ás empresas que colaboraron na realización da FCT, conclúense os seguintes obxectivos xerais que serán traballados de forma transversal:

• Comprender e manexar textos técnicos e vocabulario técnico en Inglés.
• Comprender e asumir hábitos correctos na realización do traballo: Participación activa, limpeza, puntualidade, etc.

Actividades complementarias

Prevese realizar, polo menos, unha saída por trimestre para visitar empresas ou organismos que permitan coñecer a aplicación práctica dos contidos desenvolvidos nas aulas.

As saídas previstas para este curso son as seguintes:

Trimestre	Actividade
1º	Visita ao SIMO (5-7 de outubro), en Madrid
1º	Visita a Inditex (2 de novembro), na Coruña
2º	Visita ao CPDs do CIXTEC e o Sergas (data aínda sen concertar), en Santiago de Compostela
2º	Xornadas de software libre no IES A pinguela (data aínda sen concertar), en Monforte de Lemos
3º	Visita ao CPD do Banco Pastor (data aínda sen concertar), na Coruña